اه يا قفايا
وصلتنا من صديق الهوامش محمد صلاح الدين العقاد هذه »الخربوشة« الزجلية ونهديها للدكتور أحمد فتحي سرور وجميع أعضاء مجلس الشعب الموقر: »دخلت خناقة وعركة في مرة.. وأنا متغرب بره بلادي.. فلق أسمر وعينيه الجوز حمرة.. شلفط وشي ودش سناني.. رحنا القسم في هيصة ولمة.. لأجل يشوفوا مين الجاني.. بص الضابط لية وسمي.. وقال لي اتهبب في الناحية دي.. وقدم شاي للي ما يتسمي.. قلت وشرفي ده هو البادي.. وهيه الكلمة وقلبت ضلمة.. شاويش اتسحب كده ع الهادي.. وهب ولسوع ابن الصرمة.. قبل ما ألحق حتي أفادي.. وعنها خرجت قفايا مزنهر.. شهرين وأنا أدهن له زبادي.. أيام عدمت وشهور مرت.. رجعت لبلدي ونيلها الهادي.. وفي يوم مرة بلف اتسكع.. لقيت الراجل نفسه قصادي.. جاي أعاتبه قال فين يوجع.. خدني شمال علي وشي كفاني.. قلت اسمعني أحسن لك ارجع.. شالني لفوق ولتحت رماني.. ما احسش إلا هناك في النقطة.. خدونا يشوفوا مين الجاني.. بص الضابط ليه وسمي.. وقال لي اتهبب في الناحية دي.. وقدم شاي للي ما يتسمي.. قلت وشرفي ده هو البادي.. وهيه الكلمة وقلبت ضلمة.. شاويش اتسحب كده ع اهادي.. وهب ولسوع ابن الصرمة.. قبل ما ألحق حتي أفادي.. عنها خرجت قفايا مزنهر.. شهرين وأنا أدهن له زبادي.. بس الجرح في قلبي كان أكتر.. وأنا متغرب جوه بلادي

سواق قطار شقيان..
كان نفسه ف سجاره ..
أصل المزاج خرمان ..
حط ايده فى جيبه ..
ما فيش سجاير يا مان..
فتح علبة سجايره ..
طلعت فاضيه كمان..
سأل المعاون بتاعه..
قال له انا خرمان ..
رد المعاون بضيق ..
و من سمعك دنا كمان