|
تعبت أصنع من الورق تفاؤل
|
رد: تعبت أصنع من الورق تفاؤل
يا رب ، هبني صبر سبع أجسام أنا احب بعاطفة . . . . . . . . . سبعين أخاف لا أوصل لحظة إستسلام وأطيح ، طيحت دمعه من العين |
رد: تعبت أصنع من الورق تفاؤل
حبيبتي و الكلام السهل مطروق كتابة الشعر . . . ماهيب إرتجاله يا صعب وصف النفس في صدر مخنوق ويا هنيّ راعي الجهاله بَ الجهاله |
رد: تعبت أصنع من الورق تفاؤل
كل ما وعدتيني بليل أشرقت شمس كل ما تمنيني بضحى خااانه غروب ( الله يعلم ) ، من بدمعه سقى الغرس ومن وّقف الدنيا على رمش محبوب |
رد: تعبت أصنع من الورق تفاؤل
ياللي بذرتك عشق وأرويتك إعجاب شف ، كم نبت في خاافقي ياسمينه لا .. لا يموت الورد وتتقطع أسباب و ( يطيح هذا الغصن ) ما ذقت تينه |
رد: تعبت أصنع من الورق تفاؤل
سرقت صمت الأرض .. وأعطيتها فم وياللآسف .. ( خان التراب ) بنخيله خرجت .. ( مثل النور ) من لعنة الكم و تفردت فيني ... ( حروفً ) أصيله عسفت خيل الصوت في شارع الصم و سكبت صوتي في أذان ... القتيله صرخت .. ( لين الصمت ) مني تعلم معنى الخروج .. عن إفتراض الفضيله |
رد: تعبت أصنع من الورق تفاؤل
الصباح ، إنسان مليان إحتياج من ضجيج الليل وأفراح البشر كان ، ياما كان يسأل بإنزعاج |
رد: تعبت أصنع من الورق تفاؤل
( هالصبح وزحمة الشارع ) منال ( والرغيف وآخر الطابور ) .. أنا كنت ( أتمتم للقدر ) ي الله تعال و أكتشفت .. إني أنا ماهوب أنا يأخي والله الشعر ما يعطي مجال أنثر أصغر أصغر أشياائي ... هنا |
رد: تعبت أصنع من الورق تفاؤل
( هي مره تمر االمحبه ) .. ب مثلي والصدق أنا كانك تجمل يا مجمول و العاشقين .. اللي سواتي و شكلي ف قلوبهم .. ما تعلم الناس مجهول و االبرد .. ف كتوف االمدينه تركلي شال و عباه .. و دق لفراقك طبول والصاحب اللي في دموعه ضحكلي طيفه يعرض في رقادي .. على طول |
رد: تعبت أصنع من الورق تفاؤل
ساكت وصل .. وإلا الجفاء فيه أسهبت ؟! |
رد: تعبت أصنع من الورق تفاؤل
ما آن ، لك عن حضورك تفهقين الغياب الكون .. في حاجتك يا شمسه الشارقه الشعر ما عاد ودى في غيابك ولا جاب ( إلاا ) .... لحوّن الفراق و دمعةً حارقه |
رد: تعبت أصنع من الورق تفاؤل
أركض .. ورى تك المطر يابس العين و أنفض .. غبار الفقد عن وجد طينه كن العطش عصفور نبت المسااكين ( و أمي خشوع ) السجدتين الحزينه حاصل عذوق الغيم ماا جاب وافين و الموت .. في بحة رجائي والغبينه ماهي غريبه لا أنطفى في يديني اللين قل : للورق ... شاعرك سافه سنينه |
رد: تعبت أصنع من الورق تفاؤل
جمع المواعيد والخلان في ( صدفه ) وصل ً .. جمعني مع دعاج الأعياني و الباب ف جدار و الخلان في غرفه و الوقت فوق الجدار يدور ف الفاني ( لا بد للعمر ) ، في هذا الصفا وقفه ( أشوف فيها ) ، مدى حبي وحرماني بتروح .. وأرجع لنفس الشوق واللهفه وأصبر على غيبتك لين تعود الأمزاني |
رد: تعبت أصنع من الورق تفاؤل
تسكن في أقصى االخفوق .. ومن بد كل االبشر هذا موطنك وهذا مكانك ولك وحدك .. المحبه والعشق والود أمور عاديه .. و تسمعها كثير بزمانك |
رد: تعبت أصنع من الورق تفاؤل
( يا ساحرً ضيقة مزاجي ) .. وروقت وإستكثرت بعض المشااعر .. رطيني لا جيت أشيلك في فؤادي تضايقت لأنك ( أكبر ) .. من فؤادي و عيني ويومي كرهت النااس عقبك توهقت مدري ؟؟ من اللي عقب حبك يبيني |
رد: تعبت أصنع من الورق تفاؤل
هي الضيم والمواجع والسنين ما ورى درب الهيام إلا التعب وآه يا قلب ً سرى فيه الحنين كيف غربني وأنا وسط العرب |
رد: تعبت أصنع من الورق تفاؤل
أصلا ً ، هي كذا حظوظ و توافيق شفني ماني معك وراضي بالمصير ما أخترت أحبك و حبيت الطريق اللي يوديني لك .. رغم إني ضرير |
رد: تعبت أصنع من الورق تفاؤل
|
رد: تعبت أصنع من الورق تفاؤل
هذا أنا من أمس ما أشعر بخير في خفوقي شي أكبر من تعب ليتني ، انسان ما عندي ضمير لاا معاناه لا حب ولا به سبب |
رد: تعبت أصنع من الورق تفاؤل
والهايم اللي سكن فينا تعدانا وكبر |
رد: تعبت أصنع من الورق تفاؤل
صاحبي ، والترف ناعم شبابك والظماا .. في بعادك و الهجير صب لي من دفاك ومن عتابك ياا حديث .. الصباياا و الحرير أنت وصلك .. يذكرني غيابك ( والمرايا ) .. تبيك بلا خشير |
رد: تعبت أصنع من الورق تفاؤل
هذا القلم ، آآلة حزن تعزف حروف وهذا الحبر ، خمر الورق والمعاني حبيبتي و إن شفتي أقلامي وقوف لا تحسبين إن أعذب الشعر جاني حتى الشعر تعترضه أحيانااً ظروف و يمر في قلبي .. و ينسى لساني جيت أوصفك ماتت تحت رجلك وصوف ( جيت أنطقك ) .. راح الكلام و عصاني |
رد: تعبت أصنع من الورق تفاؤل
( من غيابك ) هالمكاان تلفه الأحزان خاوي ( إنكسر فيه الفرح والحلم ) وأجهش بالبكاء من غيابك صرت مثل الجفن للموت متهاوي ( أتقاطر دمع ) .. والأكفان ف أطراف الرداء من غيابك ، شوفي الدنيا سكون وما تساوي كانها في وسط عيني .. طفل و أعياه العراء |
رد: تعبت أصنع من الورق تفاؤل
( بالله ) . . دامك حيّ هذي سيوفي خذها معاك وهات لي أرض و أنفاس و للأرض ناس تموت و اليوم خوفي لا ماتت أرض وعاش من بعدها ناس |
رد: تعبت أصنع من الورق تفاؤل
ذي يديني .. وأذبلت قلنا هديّه للحبيب اللي شرب لهفة يديني هذا زماني .. وإندثر قلنا عطيّه للعشيق اللي سكن وسط عيني |
رد: تعبت أصنع من الورق تفاؤل
الشمس كسلانه ورى زحمة جبال كانهاا تخاف تغيب وتغيب وتزول و أنا .. وحيد هنيا وحروفي أزوال بين إنتظار فصول و موادع فصول أتثاقل إيديني و أصابيعي .. أطفال من طهرها ضاقت من أبياتي عقول |
رد: تعبت أصنع من الورق تفاؤل
مجنون شعر ، أنسج خيوط المعاناه من حنطة إدينك و من عشب طيني ( العمر كله ) .. بين حرفي و معناه سجنت ، في بيت االقصيده سنيني ( هذا أنا طفل ً ) ، تهاوت به خطاه كلي خوف .. فلي شالك و دثريني فنجان حظي كل ما جيت أبا أقراه شفت المصايب تنكتب في جبيني الحظ ، يرسم خط عمري و يمحاه ( و أناا ) .. أتعذب والقيود بيديني |
رد: تعبت أصنع من الورق تفاؤل
لاا تندهش من جنوني من عبث يدي ( الطفل فيني ) .. معيي يا فهد يكبر معكم وكني على شط االبحر وحدي أبني بيوتٍ كبر عمري .. وهي تصغر و أبني شراع ٍ قليل الحيل مااا يمدي ( مثلي ) شراع الورق ينوي ولاا يبحر أنا تعبت ، ووصلت من التعب حدي هذي جراحي على سيف الورق تقطر عبث بغيت أأأختلق من جمرتي بردي و أناا أدري إن الغيوم الحمر ما تمطر ماني موصيك كيف تكون ماا عندي ( التجربة كلهااا ) في الحبر و الدفتر |
رد: تعبت أصنع من الورق تفاؤل
جميل أخي كرمبو
دمت بودّ |
رد: تعبت أصنع من الورق تفاؤل
|
رد: تعبت أصنع من الورق تفاؤل
شكرا على الطرح جهد مميز سلمت يمينك على اختيارك الموفق جدا تحية والاحترام #cc# |
| الساعة الآن 09:06 PM. |
Powered by vBulletin® Copyright ©2000 - 2024, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |