منتديات المُنى والأرب - لو عمر تاني ما حب غيرك ( بقلمي )

لو عمر تاني ما حب غيرك
للشاعر المصرى شوقى غنيم
*********************
في عمري ده حبيتك
ولو عمر تاني ما حب غيرك
ومن كل حنان وعطف اديتك
مصيري في الحب هو مصيرك
احنا اتخلقنا لبعض
حتى تفكيري هو تفكيرك
اللي بينا موش في أى حد
واللي في ضميري في صميرك
*****************
فاكر أول يوم فيه التقينا
حسيت أعرفك من زمان
حاجه كانت بينا بتشد فينا
وروحي ليك حست بالأمان
دقات قلوبنا ونظرات عنينا
لأول مره أحس بالحنان
والحب اللي جمعنا موش بايدينا
كان هبه من الرحمن
***********************
وقربنا لبعض زرعنا جناين ورد
رويناها في أجمل قصة حب
دا ذى حبنا ما حبش حد
ولا ذى قلوبنا تلاقي قلب
وعشنا ما نعرف هجر ولا يوم بعد
حبنا كان توفيق م الرب
وبقول يا رب
أيام عمرنا تتمد
وكل الحبايب يعيشوا ذينا في الحب
******************
حكايتنا دايما للناس نحكيها
قصة حب كبيره عايشه أنا وانت فيها
موش زى ما غيرنا عايشنها
عشان دايما بحنانا بنرويها
ولو فيه خلافات بالود نسويها
وبقليل بكتير حياتنا بنقضيها
ولا حد بيبنا يدخل فيها
انا وانت وبس آلامنا نداويها
********************

https://scontent-cai1-1.xx.fbcdn.net...99&oe=5A5783B5