كلام إلناس موش حيأثر فيى
ذى يا روحى ما أثر فيك
لأنى فى حبك مخلصه ووفيه
ودايما سائله عليك
واتحمل دايما أسوتك ليى
ما دام دا يا روحى بيرضيك
وبكره إلأيام ترجعك ليى
حتلاقينى بشوق مستنيك
**********
مهما يقولوا ويقولوا عنك
كلامهم عمره ما حيأثر
وأسوتك كل ما بتذيد منك
شوقى ليك بيكون أكتر
لأنى يا روحى عارفه طبعك
وعلى إلفراق موش حتقدر
وحتى قلبك عمره ما حيطاوعك
ولا حينسى ولا حيغدر
*******
دول شافونا عايشين فى سعاده
قالوا وعملوا لحد ما فرقوا بينا
شافوا حبنا كأنه صلاه وعباده
ولو ما كنشى إلسجود إلا لله
كنا يا روحى لبعض سجدنا
فرقوا بينا وراحوا لغيرنا ذى إلعاده
وفرحوا لما بعدنا
أنا ما طوعتش وإنت طاوعت
أنا ما صدقتش وإنت صدقت
ورحت وبعدت
ودى نهاية كل إللى يسمع لكلام إلناس
بسى إنت يا روحى فى قلبى وفوق إلراس
وغير كدا فى حياتى وفى عمرى ما فكرت
ولا أى كلام منهم خلانى إتغيرت
ذى إنت يا روحى م إتغيرت

z%z