منتديات المُنى والأرب

حلم
احلم بفجر يطلع بعد طول الليل
احلم بعمر يهل بعد عذاب وويل
احلم بطفل يضم اهله بعد فراق طويل
احلم بحب يشمل كل قلوب تشيل
بحلم بكتير وكتير ويا ريت حلمى ميكنش اسير
احلم ببسمة صافيه على شفايف العطشانين
ونور يملئ الدنيا ينور طريق المحتاجين
ولقمة تكفى بطون فاضية من سنين وسنين
بحلم مشفش دموع اليتيم ولا لحم العريانين
بحلم بشمس دافية تدفى صدور البردانين
بحلم بكتير وكتير ويا ريت اشوف لاحلامى دليل

بحلم بانسان من جوه وبره يكون انسان
وحشتنى صورته ورسمه ارجع يا انسان
انسان يحس بهموم الناس ويروى العطشان
انسان يمد ايده من غير تباطئ ولا خزلان
انسان يذكر ويشكر ويمشى دايما لعمران
بحلم بكتير وكتير واحلامى يا ناس مش مستحيل
بحلم بصبية عارفه اصول الدين
طايعة ربها وصاينة حب امين
سكاتها كلام وكلامها يكون بحنين
بعلمها تربى اولادها وتعلمهم اصول الدين
بحلم بكتير وكتير واحلامى شئ مش قليل
بحلم بمصر ام الخير والمداين والبساتين
بحلم بمصر الهرم والقلعة والنيل
بحلم بشموخ وقوة لبلدى
بحلم بعصر علم يعيش فيه ولدى
بحلم جميل من جديد يندهلى
بحلم بكتير وكتير وحلى يا ريت يكون قريب
بحلم بحب صافى يملى الكون والدروب
بحلم بلحظة تشرق فيها شمس بدون غروب
والقمر ينور طريق الخير والظلم يذوب
بحلم بام تفتح حضنها
بايديها تلم اولادها وشملها
والحزن يدوب من دموعها وصدرها
واشوف الخير مالى الدنيا من شرقها لغربها
بحلم بحلم ونفسى يا حلم اشوفك مالى وشها