منتديات المُنى والأرب - قصائد في القهوة العربية

قصائد في القهوة العربية

أعجبني ما قيل في القهوة العربية
وان شاء الله يعجبكم

يقول الشاعر محمد بن احمد بن محمد السديري:

يــا بـجـاد شـــب الـنــار وادن الـدلالــي
وأحمس لنا يا بجاد ما يقعـد الـراس
ودقـــــه بـنــجــر يـــــا ظــريـــف الـعـيــالــي
يجـذب لنـا ربـع علـى اكـوار جـلاس
وزلـــــه الـــــى مــنـــه رقــــــد كــــــل ســـالـــي
وخــلــه يــفـــوح وقــنـــن الـهــيــل بـقــيــاس
وصـــبـــه ومــــــده يــــــا كـــريـــم الــســبـــال
يبعـد همومـي يــوم اشـمـه بالانـفـاس
فـنـجــال يــغــدي مـــــا تــصـــور بـبــالــي
روابع تضرب به أخماس وأسداس

وهذا الشاعر الفارس تركي بن حميد حيث يصف القهوة وصوت النجر.

يا ما حلا يا عبيد في وقت الاسحار
جــــــر الـــفـــراش وشـــــــب ضـــــــو الــمــنـــاره
مــعــدلـــة تـــجــــذا عـــلــــى صــــالــــي الــــنــــار
ونــــجـــــر الـــــــــى حـــــــــرك تــــزايـــــد عـــــيـــــاره
الــنــجـــرب طـــــــق وجـــــــاذب كـــــــل مـــــــرار
مـــالـــفــــه الــمــلـــفـــوف مــــــــــن دون جــــــــــاره
فـي ربـعـة ماهـيـب تحـجـب عــن الـجـار
لامــــــن ولــــــد الــــــلاش مــــــا شــــــب نـــــــاره

وكذلك القصيدة المشهورة للشاعر: دغيم الظلماوي في القهوة:

يــا كلـيـب شـــب الـنـاريـا كـلـيـب شـبــه
عـلـيـك شـبــه والـحـطــب لــــك يـجـابــي
الــوالــمــه يــــــا كــلــيــب عـــجـــل بــصــبــه
والــرزق عـنـد الـلـي ينـشـي السحـابـي
حـــنــــا عـلــيــنــا جـــيــــب مــــاهــــا وحــــبــــه
وعــلـــيـــك تــقــلــيــط الــــــــدلال الـــعـــذابـــي
ادغــث لـهـا ياكلـيـب مــن جــزل خـبــه
وشـــبـــه الـــــــى مـــنــــه هــبــاكـــل هـــابــــي
بــــاغـــــي إلــــــــــى شــبــيــتــهــا ثــــــــــم قـــــبـــــه
تـــــجـــــذب ســــــــــراة مــنــبــعــيــد غـــيــــابــــي
بـنـسـريــة يـــــا كـلــيــب صـــلـــف مــهــبــه
مــتــلــطــمــيـــن وســــوقــــهـــــم بــالــعـــقـــابـــي
صـــبـــه لـــقـــرم صــرفــتــه مـــــــا حــســبّـــه
يــــوم الـبـخـيـل مـدنـهــر الــوجــه هــابــي
وعـــده عــــن الــلــي مــايــداري الـمـسـبـه
الـــــــلـــــــي يـــدوربـــالـــقـــصـــي الـــغــــيــــابــــي
لا جـاضــع الـمـتــروع خــطــو الـجـلـبـه
يــا حـلـو تـالــي الـلـيـل خـبــط الـركـابـي
اقـحــص لـهــم وابـــدي ســـلام المـحـبـه
لا شـــــــح بــالــهــيــن كــبـــيـــر الــعـــلابـــي
من لا صبر يا كليب في حكم ربه
هــــــذاك يــــــوم الــبــعــث مـــالــــه ثـــوابــــي

كذلك قول الشاعر: سعد بن حمد بن ضويان في القهوة:

ياحسين لاكني على الجمر مجضوع
مـــــــن فـــقــــد خـــلانــــي وفـــقــــدي ربـــوعــــي
قــم ســو فنـجـالٍ تــرى الـــراس مـصــدوع
صــفــه وزلــــه عــــن ســريـــب الـخـمـوعــي
فنـجـال فـيـه مخـمـوس الكـيـف مـجـمـوع
بــــــــدلال يــــشــــدن الــخـــبـــاس الـــوقـــوعـــي
ونـجــر دلالـــه مـــاو بـالـصـوت مـفـجـوع
يـــــا زيـــــن حــســـه والـخــلايــق هــجــوعــي
وانـــجـــاك بـالـمـجـلــس ســنــافــي وبـــالـــوع
عـــــده عــلـــى الـطــيــب وكــــــب الـبـلــوعــي

وهذا الشاعر: عبدالله العلي الحرير يرحمه الله:

قـــــم ســـــو فــنــجــال ونـــظـــف أدلالــــــه
ريحه لراعي الكيف يجلي اعماسه
اشــــعــــل ولــــونــــه مــــثــــل دم الــغـــزالـــه
لاذاقـــــــه الــــراقــــد يــــحــــارب انــعـــاســـه
فــي مجـلـس تـدلـه الــى جــاء مجـالـه
اللـي عـن اللجـات يقـصـر حسـاسـه
والا تــــرا بــعــض الـمـجـالــس عــذالـــه
لا مـعــشــر طــيـــب ولا فــيـــه انــاســـه

وهذا الشاعر: غازي بن عون

يـــا ريـــف قـلـبـي للمسـايـيـر قـــم شــــب
وحـــط الـمـنـارة فـــي طـويــل الـظـلالــي
عقب تشق لهـا لجـزل الحطـب جـب
وهات النجر واحضر جداد الدلالي
دنّــــــــــه وخـــــلّــــــه لـلــمــســايــيــر يـــــجــــــذب
لا قـــــــام صـــوتــــه لـلـنـشــامــى يـــلالــــي
يــوحـــونـــه الــجـــيـــران لا قــــــــام يـــقـــنـــب
ويجيـك الاقصـى والقصيـر المـوالـي

ويقول سليمان المحمد الهزاع بهذه القصيدة:

لافي على جمر الغضى سو فنجال
فــنــجــال بــــــن مــــــن رخـــيـــص وغـــالـــي
حـيــثــك قــديـــم مــغــربــل الـــبـــن غـــربـــال
حــكــيـــم عـــنــــد مــصـــاطـــرات الــــدلالــــي
خلـه علـى المطـلـوب يلـفـت لـنـا الـبـال
يــفــتــح لـــنـــا الـمـعــنــى بــمــبـــدا الـمــقــالــي
الــى انطـلـق مــن ثعـلـب المبـهـرة مـــال
يـــشـــدي خـــضـــاب مــخــفــرات حــيــالــي

يقول محمد العبدالله القاضي عن القهوة والاواني التي تجهز بها القهوة:

دنـــيـــت لــــــي مـــــــن غـــالــــي الـــبــــن مـــــــالاق
بـالـكــف صـافـيـهـا عـــــن الــعـــذق مـنــســوق
احــمــس ثــــلاث يــــا نـديــمــي عــلـــى ســـــاق
ريحه على جمر الغضى يفضح السوق
وايــــــــــــاك والــــنــــيـــــه وبــــــالـــــــك والاحـــــــــــــراق
واصـحــا تـصـيـر بحـمـسـة الـبــن مـطـفــوق
دقـــــــــه بـــنـــجــــر يــســمـــعـــه كــــــــــل مـــشـــتــــاق
راع الـــهــــوى يـــطــــرب الـــــــى دق بــخـــفـــوق
لـــــــقـــــــم بـــــــدلـــــــه مـــــــولـــــــع كــــنـــــهـــــا ســـــــــــــــاق
مـــصـــبـــوبـــة مــــربــــوبـــــة تــــــقـــــــل غــــــرنـــــــوق
خـــلــــه تـــفــــوح وراعــــــــي الــكـــيـــف يــشـــتـــاق
الـــــى طــفـــح لـــــه جــوهـــر صـــــح لــــــه ذوق

إلى أن قال:

زله على وضحـا بهـا خمسـة ارنـاق
هيـل ومسـمـار بالاسـبـاب مسـحـوق
مـع زعفـران والشمطـري إلـى انـسـاق
والعنبر الغالي على الطاق مطبوق
إلـــــــى اجــتــمـــع هـــــــذا وهـــــــذا بــتــيــفــاق
صبه كفيت العوق عن كل مخلوق

وهذا راكان بن حثلين في قصيدة مشهورة:

ياما حلا الفنجال مع سيحة البال
فـي مجلـس مـا فيـه نـفـس ثقيـلـه
هـــــذا ولـــــد وهــــــذا ولــــــد خــــــال
وهـــذا رفــيــق مــــا لـقـيـنـا مـثـيـلـه

وهذا الشاعر هايس بن مجلاد يقول وهو يصف الدلة وصوت النجر:

قم سو ما يصبغ على الصين ياذياب
بــــــــدلال يــــشـــــدن الـــبـــطـــاط الــمــحــاديـــب
احــمـــس الـــــى مـــــن الــعـــرق فـوقــهــا ذاب
واسـتــدن مــــا يــجــذب عـلـيــك الـشـراريــب
نجـر يصيـح مـن الطـرب تقـل بحـجـاب
يـصـبـر عـلــى طـــول الـدهــر للـمـواجـيـب

وقال حمد ابراهيم العمار:

الى ضاق صدري قمـت لـم الدلالـي
شبيـت نـاره يـوم عنـي الكـرى غــاب
الى اصرهت بالجمر عقب اشتعالي
زلـيـت صافيـهـا عـلـى كـيـف شــراب
وقلبـت حمستهـا عـلـى شــف بـالـي
حوش الغنم لين العرق فوقهـا ذاب
ودقيـتـهـا مـــن ضيـقـتـي باعتـجـالـي
نجـره يصـيـح لـراعـي الكـيـف جــذاب

ويقول الشاعر سعد بن قطنان من سبيع في وصف القهوة:

جـر الفـراش لنـا وهـات الـدلالـي
اربــع مغاتـيـر عـلـى الـنـار تـدنـا
تـرى حــلاة الـنـار دوم اشتعـالـي
وسوقة فناجيل عليهم مـن ادنـا
فنـجـال اشـقـر مـثـل دم الـغـزالـي
اليانقص شيء من الكيف زدنـا
اتعب لها بالسوم لو كان غالي
لو كـان سوقـه نـازح عـن بلدنـا
يـامـا دفعنابالثـمـن مـــن ريـالــي
غير القرى نسهر لهم مـا رقدنـا

يقول الشاعر: عبدالله بن سبيل الباهلي:

ترى حـلاة الكيـف يـا مشـرب لـه
لا فارقوك اهل الحسد والنجاسه
لا صــار شـغـالـه ظـريــف بـزلــه
وظــرف بتقليـبـه وقيـمـة قـيـاسـه
الـى صفـا بنـه عـلـى مــا شغـلـه
تلقا على الفنجال ردعـة لعاسـه
خطـو الولـد تـوه علـى شـبـة لــه
جميـع هـو مـات المراجـل براسـه
يـقــوم بالـمـعـروف دقــــة وجــلــه
والله مهـيـئ لــه عـلــى قـوبـاسـه
وخطو الولد رجـم علـى غيرحلـه
لـو جازلـك مبنـاه بــرّق بسـاسـه

هذه قصيدة للشاعر: شليل بن عواض من بني عمرو من قبيلة حرب يقول:

يا سعود قم هـات الـدلال المهانيـف
فـــي لـيـلـة نـاخــذ سـهـرهـا قـطـوعــه
إحمس وكيفهـا تـرى طـاب لـي كيـف
واستدن (مزعـل) ياشفاتـي وصوعـه
إلـــى تـهـيـض بـالـعــوى والـزعـانـيـف
يشـدي عـوا ذيـب شـكـا حــر جـوعـه
يشـدي عواذيـبٍ بــروس المشـاريـف
حــاديــة حــــادي والـهـبـايـب تـلـوعــه
حتـى يجيـب مسيّـر البيـت والضـيـف
مـثـل العقـيـد الـلـي تـلافــت جـمـوعـه
مخصصٍ الى صار جماعه مواليف
مـاركــز الـشـيـطـان مـعـهــم بـكـوعــه
يــا زيــن سجتـهـم وزيــن السوالـيـف
مـــا دوّروا واحـــد بــالاخــر طـمـوعــه
والى احدث الجهال بعض التخاليـف
إسـتـدركـوهـا قــبـــل تـكــثــر فــزوعـــه
تلقـى لهـم سمعـة وهيبـه وتصـريـف
وكــلٍ يـجـي فعـلـه عـلـى قـــد نـوعــه

ونختتم رحلتنا هذه مع هذه الابيات:

الكيـف خلـه عنـد مـن يشترونـه
المشكلة اللي جابهـا مـن بلدهـا
ياحامسيـن الكـيـف لا تحرقـونـه
حذراء عن الشعلـه تغيـر نقدهـا
حـتـى يجـيـك محـمـر كــن لـونـه
مجت جراده ظاهرة من جسدهـا
صبه على اللـي ربعتـه يدهلونـه
له ربعـة مـن راح منهـا حمدهـا
وعده عن اللي واقف له بشوته
يمسي ويصبح عارف لك عددها
مـا غيـر عنـده طايـرات عيـونـه
لا باع شاتـه جـاك حـزة وعدهـا

تحياتي

اقتباس:

المشاركة الأصلية كتبت بواسطة جمال جرار (المشاركة 81598)

شكرا اخى ابو جمال على هذه القصائد اللتى امتعتنا

وشكرا للمجهود فى كتابتها لنا