منتديات المُنى والأرب - لا تقول أسف إنتهى وقت السماح..

لا تقول أسف إنتهى وقت السماح..

لا تقول أسف إنتهى وقت السماح
قلبي اليوم من هواك أعلن إنسحابه

لا تقول أسف دام سمك بالحشا فاح
لا تقول أسف مافاد الأسف وعتابه

لا تقول أسف من عقب طعنات الإرماح
لا تقول أسف لقلب أذبلت شبابه

لا تقول أسف ما دام فات العمر وراح
لا تقول أسف لإحساس أفقدت اعصابه

زغردي أيامي ثارت في صدري الإجراح
وأرقصي فوق جمري وهللي بعذابه

وع أوتار جرحي دقي لين فجر الصباح
دنيا اليوم تشوف البشر فيها إذيابه

إكتست لياليها السواد عقب الأفراح
و الحب في النفوس لعبة ونظرة إعجابه

والأحساس رماد تناثرت حباته الرياح
هويت انا قلب ما صان للهوى بابه

يدعي الهوى لكل قلب في سماه لاح
ويرسم من الكذب قصور فوق سحابه

مرحوم يا هوى وأقبل تعازي قلب نياح
ضاق ألوان العذاب فاقد بالهوى صوابه

ذنبي هويت شخص في الهوى سواح
سقاني الندم أمرار بليا حس او متابه

إجرحتني وشلون تنام اليله مرتاح
وقلبي ساهرن يبكي منك على ما صابه

ماهزك حنيني وحبي وشوق وضاح
لاهي في حياتك همك جمع الأحبابه

كنت لي بسمة رسمتها في عالم الاشباح
كنت لي حب ضامي أرويتني من سرابه

يا فلان لايجي في بالك ان الخاطر مرتاح
حروفي سطرت أحزان قلبي وهاذي أسبابه

لا تقول أسف مابقى فيني مكان للسماح
روح روح الله يجازيك في يوم الحسابه