|
ماردت احبك حــــــاولت (للشاعر ايهاب المالكي)
[frame="13 98"]
ما ردت أحبك ماردت احبك حــــــاولت من لفظة اسمك حاذرت جلمه وشلتهه من الحجي ومن اللسان اخفيــــــــتهه و بيبان روحي مقــــفله وعن لا احب سديتـــــهه صلفه امنــــياتي الرادتك سئلتني عنك بس صمت ؟؟ كلـــــــــــش ولاحاجيتهه كالتلي وينه ؟؟وجــاوبت مادري مادليتـــــــــــــهه ماردت احس حبـــك لان كبلك الروح انطيــــــتهه ولخاطرك رحت اعــــتذر منيت بيهه لخاطـــــــرك مثل الطفل ..لمن يمن بحاجته وياك اعز ناسي انتههُ ... وماكمت احس بعازته أبدربي كلت لو مو سوه .. امشي حياة بلادرب يمكن يشح عني الهوه ؟ لابس جذب... معقولة مانمشي سوه ؟؟ معقولة في لحظة الشمس للكاع ماتتنطي ضوه ؟؟؟ وتنتهي ومانلكه صبح ؟ معقوله يطلعلي جرح ؟؟؟ معقوله ؟؟ ريشة شفتك ؟؟ ترسملي بالضحكة رمح ؟؟ لا ...موصدك خلينا من هذا الحجي... بجفوني سولة عللبجي وصياد كاعد بالجفن للدمع شايل فالته وياي احسك جن صرت مثل الهلال وهالته كالولك يعوفك تره ؟؟ تذكر كبل !!؟؟ كتلي شكلهم ؟؟ كتلك أي.....كلهم لمن من يمي تمشي جنازته!!! هوانه عايشلك لان ؟ دمي الاعز مابالجسد بس انته تعرف حالته من مايحس بلمستك يخلص وتبقى وشالته تذكر جنت من تعتنيلي بدمعتك مشتاك حتى تشوفني ؟؟ وتلكاني روح مشككه ولمسات اديك تروفني ؟؟ تتركني هسه قررت ؟ ينطيك كلبك ننتهي وبس بالاحلام تشوفني تتركني هيج بلاذنب ؟ بررلي حتى لوجذب مليت كلي كمت امل شيحمله ليلي بوحدتي ماينحمل عدك تره وجذبت كتلك ينحمل كتلك لمن تمشي تره تتركني وحدي جن طفل تايه .. وكل اهله مشو .. عايش ايتاني الماأجو... كلشي اليمر يفززه ... حتى الشماته اتفززه..!! من يمشي ويهب الهوه يلتفت حسباله حجو لكن لمن يتذكرك حتى الشماته .. المابجو.. من شافو دموعه بجو هيج آنه من عني رحت ماتسكت جروحي دورتك انه بشدتي شفتك وطن حنيت الك لكن لكيتك غربتي احتاريت منهن ياهي اصح مابين ذلي وعزتي اختاريت اعوفك حتى لا تكسر قرار دمعتي او ونيت سكته ماردت يشمتون بونتي صح اضحك بنبرة فرح بس ركز بصوتي بعد تسمع نحيب بضحكتي هم مثلي كلبك مانسه وهم بعد من تمشي درب تذكرني خطواتك بعد ؟ تترك فراغ لخطوتي ؟ لاتسكت ال لا بينت بين اثرهه بعبرتي ولاتلتفتلي بس ردت انطيك اخر مابقى وهوشبقى ؟ مني خذت كلشي وبقت دمعات ليك بذمتي الشاعر ايهاب المالكي |
من شافو دموعه بجو
هيج آنه من عني رحت ماتسكت جروحي دورتك انه بشدتي شفتك وطن حنيت الك لكن لكيتك غربتي احتاريت منهن ياهي اصح مابين ذلي وعزتي اختاريت اعوفك حتى لا تكسر قرار دمعتي او ونيت سكته ماردت يشمتون بونتي صح اضحك بنبرة فرح بس ركز بصوتي بعد تسمع نحيب بضحكتي مشكورة عزيزتي لؤلؤة على هذا النقل الرائع والجميل سلمت الايادي تحيات لك sha@sha@ |
ماردت احس حبـــك لان
كبلك الروح انطيــــــتهه مشاء الله صح لسان من قائلها وسلمت يدا من ناقلتها رائعه بروعة احساسك اختي لؤلؤه تحياتي واحترامي لك |
مميزة جدا
سلم ذوقك عسى المعني بها يفهم ويحس تحياتي اختي لؤلؤة |
ممنونة لكم لروعة التواصل والمرور الجميل
لكم باقات نرجسية لتعطركم دوما تحياتي |
مشكورة لؤلؤة الغالية على هذا الشعر الجميل
عاشت الايادي |
لؤلؤتنا النفيسه
كل يوم تتحفينا بما يسعد القلب والفؤاد سلمتي بروعتك |
ترعفي كيف تختاري يا لؤلؤة
رائعة واكثر سلمت على امتاعنا بهذه القصيدة تقديري غاليتي |
تسلم الايادي
جميلة وروعة اختيار اكثر من رائع مشكورة لؤلؤة |
اطوار
ابوالفداء الغالية ارب العزيزة لاوند سررت بتواجدكم الرائع ربي يخليكم ويوفقكم باقات جوري لكم تحياتي |
| الساعة الآن 05:22 PM. |
Powered by vBulletin® Copyright ©2000 - 2024, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |