|
لاتجينه....الشاعر عريان السيد خلف
لاتجينه لاتجينه لاتجينه كان قلت ابوجه الابيض غير معشركم لقينه... جينه مشتاقين وبلهفه وتسد بابك علينه جينه يدفعنه الهوى... ودمعاتنه تقطر بدينه... وكنت اظن عندك وفه.. وروحينه من فرد طينه غمقت جرح الجفه.. وزدت القلب ونه لونينه اعتب على الروح.. جي لنها اعله ريحتكم حنينه واعتب على الشوق والعشرة وسوالفنه الحزينه.... علمتني شلون يتبرة الخوي وحمل اليقع محد يعينه... عفيه صحبة هل وقت بيها اليجافي شوكح عينه ولا تجينه.. ما أجيكم واليدق بابك بعد تنشل يمينه جينه... مدري القدم زل بينه اعله دربك لو عمينه جيت ارد روحي.. البقت سنتين بديارك رهينه.. احسبني ضيف.. وعادة الينضاف للخطار يرخص ماي عينه وانته ما كنك ربيت ابماينه وشارب حنانه... ونكرت حتى العرف... يوم الوقت بيدك رمانه.. عفيه قلبك.. بلكن ابساعة وفه وبالك طرانه جينه نشكيلك عذاب اجروحنه ولوعة هوانه.... آخ يادمعي فلا يبطل يهل لمَّن عمانه.... وحتى اعز الناس... من طحنه بهظم جاروا علينه... ومن وصلنه الدارهم.. قالوا اشجابك..؟؟؟!!! لاتجينه..!!! وعفيه صحبة هل وقت.. بيها اليجافي شوكح عينه..!! <<<<<<<<<<<<<<< |
جينه يدفعنه الهوى...
ودمعاتنه تقطر بدينه... وكنت اظن عندك وفه.. وروحينه من فرد طينه غمقت جرح الجفه.. وزدت القلب ونه لونينه ابو يقين كلمات وبوح جميل بلهجة عراقية اصيله شكري لك العميق على ما امتعتني به |
اقتباس:
شكرا لرقة مشاعرك وكلماتك العذبة... لك كل محبتي وتقديري... ابو يقين.. |
| الساعة الآن 02:14 AM. |
Powered by vBulletin® Copyright ©2000 - 2024, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |