عايزين يجوزوني ..............غصب عني

ووافقوا هما من غير ما ياخدوا الرأى مني

ولا حتى سابوني اسأل عليه

وكأنه شيئ موش هاممني

ولا هو كمان من حقي

واذاى يكون اهتمامى بيه

وانا موش عارفاه ولا هو كمان عارفني

*******

والده ووالدي حط ايده فى ايديه

وقاله انا طالب منك ايدها لابني

ووالدي وافق عشان فى شغله هو البيه


ومن مره واحده كان فيها شافني

شاف جمالي واحلويت فى عينيه

ومن يومها صمم لابنه ياخدني

********

قلت يا والدى طيب سيبني أفكر

ذهق عليىّ وقال دمي كدا حيتعكر

أنا خلاص اتفقت ويا البيه

وبعد الجواز كل شيئ حيتدبر

وساعتها يا بنتي حتحبيه

ولازم تطاوعيني لما أأمر

*********

وفى الآخر وقع الفاس فى الراس

واتجوزت ابن البيه

وبشتكي لكل الناس

من المر اللي معيشني فيه

ليلاتي فى سهر ويا صحابه

وما يرجعشي غير فى الفجريه

وفى كل يوم بيضيع منه شبابه

فى الليالي الحمره الورديه

وعمال يتطوح وفى ايده الكاس

ويقوللي يا حببتي غنيلي شويه

غني لاضربك بالمداس

وينزل بيه بالضرب عليىّ

ومن يومها عايشه معاه فى عزاب

وما شفتش وياه يوم فيه حنيّه

ده درس بقوله لكل الناس

عشان ما يجراش ليهم اللى جرى ليّه

وانا مفوضه أمرى الى الله

واقول يمكن ربنا يهديه ليّه

وكل اب يجوز بنته

يكون الرأى ليها هيّه

ذى ماجه فى كتاب الله

والشرع والسنه المحمديّه