بغير وداع .................... بقلمي
 

يالمشيت بغير وداع
وعفتني بلايه سبب
وينك يالبكت ضحكاتنه
وماكلت رايح بالجذب
سألت الليل عنك
وما لكاك بكل درب
يالخذت روحي ومشيت
وزدت فوك ناري حطب
وره المجفين انه ماصيح
لأن المجفي مايعرف يحب
تلكاه اعمى ومايشوف
وكلبه اسود صايرصلب
انه قررت لازم نفترك
لن وياك ماينفع عتب
يمكن راح تستغرب بهاي
وعليمن هالغرابه وهالعجب
انت متعلم اعله الغدر
والمثل ينقاس بيك وينضرب
ياحسافه ماعرفت اشضاملي
ثاريك اطلعت اسود كلب
شوف انت اشكد بنيت
وكل البنيته بلحظه خرب


بقلمي الشاعر
عقيل كريم الشويلي
1-4-2011

قصيدة بها يتسطر الوجع والعتاب
مشكور الشاعر عقيل

وربي الفراق صعب
كلمات أثرت بي
سلمت الايادي يا عقيل وبتمنى انو ما تفارق محبينك وما يفارقوك

الرائعة ســــمـــــا
أشكر مروركِ الجميل
الذي عطر متصفحي
لكِ خالص تحياتي

الرائعة بريق عينيه
أشكر مروركِ الجميل
الذي عطر متصفحي
لكِ خالص تحياتي

الشاعر عقيل الشويلي
اللي نبيه عيا يبينا
قصيدة رائعة وقلبك موجوع
هدأ الله قلبك وبدلك خيرا مما فقدت
تحياتي لك

الشاعر الرائع عقيل
قرأت القصيدة باللهجة العراقية الجميلة ونالت اعجابي جدا
احترامي لك ولقلمك الاكثر من رائع

اخوك

أبو جمال

سلمت الايادي على ما خطه قلمك من مشاعر
ورود الكون اضعها بين يديك
دمت ودام لنا حرفك

عاشق تراب الأقصى
اسعدني مرورك
بين كلماتي المتواضعة
دمت لي اخي الفاضل
لك خالص تحياتي

الأخ العزيز أبو جمال
أسعدني مرورك الرائع
بين كلماتي المتواضعة
دمت لي أخي ألكريم
لك خالص تحياتي