|
فنون واوزان الشعر الشعبي / الأبـــوذية
اولاً- الابوذيه....
وهي احد الفنون الرئيسيةفي الشعر الشعبي وهي من بحر الوافر الذي يكون ميزانه : مفاعيلن مفاعيلن فعولن وتعتبر الابوذية لونا معروفاً ومتداولا في جميع انحاء العراق وتتكون من ثلاث جناسات متشابهه ولكنها تختلف في المعاني وتنتهي بياء مشددة وهاء ساكنة : صحيح ابعيد بس كَلبي شعر بيك حزين وبقه بس يكتب شعر بيك عجيب اشلون ضل اسود شعر بيك وانا امن الهجر ماضل شعر بيهْ......... ومن الابوذيات الجميلة للشاعر نائل المظفر : اكَوم اجلالا الحسنك......وقفلك واسجل كَلبي يا حبي......وقف لك واحطك بيهْ واقفلنه..........وقفلك واطب الصدري واقفلكم عليه.... وهناك انواع من الابوذيه ومنها الموّلده وهي التي تاخذ فكرتها من بيت شعر فصيح وكما كتب صاحب هذه السطور رداً على بيت شعر للشاعر العباس بن الاحنف يقول: (( من ذا يعيرك عينه تبكي بها ارايت عيناً للبكاء تعارُ )) فقلت : بهواكم يا ترف من زغر........ ولعين انجرحنه وما لكَينه السند........ولعين ياهو اللي يعيرك دمع.........ولعين لاجل همك ويتحمل اذيه .................................................. .............................. |
شكرا على الموضوع صدقني اول مرة بسمع بهذا الوزن من الشعر
بتشكرك كثيررررررررر |
(( من ذا يعيرك عينه تبكي بها
ارايت عيناً للبكاء تعارُ )) كلما قرأت هذا البيت من الشعر أذكرك بانتظارك حسين وبانتظار خباياك أرب |
فنون واوزان الشعر الشعبي/ النصاري
ثانيا- النصاري :
وهو على بحر الوافر والذي يكون ميزانه : مفاعيلن.....مفاعيلن....فعولن ويمتاز هذا النوع بسلاسته وعذوبته وكثرة القصائد الجميلة التي كتبت على هذا الوزن ومنها قصيدة الشاعر الكبير عريان السيد خلف : يصاح الشوكـَ ذمه وذات من ذات وفرق ما بين حالي وحالك ابعيد سنه وصدّك يضوك الروح لوعات ويحّمل هموم كَلبي هموم ويزيد الك كانت يحلو الطـول جيــات شعجب تبخل علينه بجيت العيد <<<<<<<<<<<<<<<<<<<<<<<< ومنها القصيدة المعروفه: انا همومي جهال وترضع دموع اخلّص الليل اللولي وما يهيدون اسّكت هاذ يكَعد ذاك ويلوع يفزون اعله صوته وما ينامون الكبر منهم فطمته وياكل اضلوع شسوي النوب لو كلهم يكبرون <<<<<<<<<<<<<<<<<<<<<<<<<<<< وقصيدة الشاعر : انا ابلياك اضل اهواي معتاز وتضل روحي غريبه بنص ملايين واضل اهواك وانه امشي اعله عكاز وعدّن بالحساب اسنيني تسعين <<<<<<<<<<<<<<<<<<<<<<<<<<<<<<<<<<<<< |
فنون واوزان الشعر الشعبي / الدارمي
ثالثاً- الدارمي
ويسمى ايضاً شعر البنات او غزل البنات ويمتاز بجمالية الصورة والاختصار ويرسم لنا قصة كاملة في بيتين من الشعر وهو وزن مستحدث وخاص بالشعر الشعبي ولا يقابله اي بحر من بحور الشعر العربي وياتي على وزنين : مستفعلن...فعلان...مستفعلاتن دكَيته واشرب بيهْ الصبر بيدي للغرغرة وترجاك روحي بوريدي كما ياتي على وزن : مستفعلن....فعلان....مستفعلاتان جيراني بس شمات والدرب نمام من يسمعون امصاب تطلع بالاعلام ونظرا لسهولة حفظ الدارمي وجماليته فقد احبه الجميع وتناقلته الالسن حتى من غير الشعراء دوم انته بالشدات مبرد للسيوف وصدرك مضيف اجواد لو مروا ضيوف <<<<<<<<<<<<<<<<<<<<<<<<<<<< ليش بجفون العين بس شيبي يطلع لا يرهـم اصـبغ بيهْ لايرهـم اشلــع عل جفن خلي الشيب من يطلع يهون بصبيهه صار الشيب ومغطي العيون <<<<<<<<<<<<<<<<<<<<<<<<<<<<<<< عايش انه ابلياك لكن اشعيشه ناري اصعدت للطير واحركَت ريشه <<<<<<<<<<<<<<<<<<<<<<<<<<<<<<<<< بيده اليزف اهواه كَلبه اشكَواته يضحك اكَبال الناس خوف الشماته <<<<<<<<<<<<<<<<<<<<<<<<<<<<<< |
فنون واوزان الشعر الشعبي / الموال أو الزهيري
رابعاً- الموال او الزهيري :
وهو من الفنون المعروفه والمنتشرة في الشعر الشعبي وسمي بالموال نسبةً الى احدى نساء البرامكة والتي كانت تنعى ابو جعفر البرمكي في زمن هارون الرشيد وكانت تستخدم في نهاية كل قفل كلمة ( وامواليا ) بعد ذلك وفي زمن الوالي مدحت باشا ظهر فارساً من اهالي ديالى يسمى ( ملا جادر الزهيري ) حيث كان يكتب هذا اللون من الشعر فسمي بالزهيري نسبةً الى هذا الرجل وهو دائماً ياتي على وزن البسيط وتفعيلته : مستفعلن...فاعلن...مستفعلن...فاعلن واشهر من كتب الموال الحاج زاير الدويج : يا صاح عودي ذبل وبكل دوه...... مايصح واللي تحسبه حبيبك لو صحت ......مايصح والدمع سال وجره من ناظري......مايصح من حيث مصيوب ما بين الجوارح......تبن وسّري لما موت ما بوحه ويبقه.......تبن لا تنهضم للسبع لو كان علفه ......تبن اليوم علف السبع حتى التبن ......مايصح بعد ذلك كتب اغلب شعرائنا الزهيري وابدعوا فيه وتطرقوا الى كافة صوره ورصدوا من خلاله اغلب مظاهر الحياة والمشاعر الانسانيه كما في هذا الزهيري الذي يعبر عن مدى حقد اعداء العراق على ابنائه حيث قاموا بتفجير طلاب الجامعة المستنصريه ببغداد : مسجون عدنه الوطن نهرين اله...... جامعه وكان الكنيسه تون ويهل دمع.......جامعه لكن بقه بهيبته وكل البخت.......جامعه من حيث رغم الجره ما كف يمد......طلاب ومامن ذلول الخلص وفرس الوراه......طلاب من حقد البكَلبهم ركضوا على ......الطلاب بلكن يموت الوطن من تنزف.......الجامعه <<<<<<<<<<<<<<<<<<<<<<<<<< تبعد عليه الوصل يا صاحبي......شمالك وانه يمينك لوّن ما كفت...... اشمالك اشغيرك ياحلو عن دربي ......اشمالك امطرلك دموع عيني واجري ليك......انهار وينهار حتى الصبر وانه ولا ......انهار خلي انتقاسم عمرنه الجاي ليل......انهار اشما الي من الحزن ومن الهنا......اشمالكد <<<<<<<<<<<<<<<<<<<<<<<<<<<<<<<< |
فنون واوزان الشعر الشعبي / النايل
خامساً - النايل
وهو من الوان الشعر المعروفه في وسط وغرب العراق والذي يغنى في اغلب المناسبات هناك وياتي على وزن البسيط حيث ان ميزانه هو : مستفعلن... فاعلن...مستفعلن...فاعلن ويقال ان اول من ابتكر النايل هي امرأة شابه من بني ( شمر طوكَه ) احدى قبائل شمر حيث كتبت النايل على الطريقة المعروفه باسمه : نايل كتلني ونايل غير الواني ونايل افراكـَ الحلو بالضيم خلاني وقد كتب العديد من الشعراء في هذا اللون من الشعر ومن اشهرهم الشاعر مظفر النواب بقصيدته المعروفه : مرينه بيكم حمد واحنه بقطار الليل وسمعنه دك اكَهوه وشمينه ريحة هيل ياريل صيح بقهر صيحة عشك ياريل هودر هواهم ولك حدر السنابل كَطه <<<<<<<<<<<<<<<<<<<<<<<< |
فنون واوزان الشعر الشعبي / النعي
سادساً - النعـــي
وهو من انواع الرثاء المعروفة في جنوب العراق والتي تؤديها النساء باصواتهن الشجية ويقال ان اول من ابتكرته امرأة عربية من الاحوازيين حيث انها رثت اخيها بقولها : لكَعد على جرفك يكارون واناشد اليرحون ويجون تجوني لو تعمى العيون <<<<<<<<<<<<<<<<<<<<< هور الحويزه وناشديته جاوين اخوي الضيعيته لو ينشرى الاخ اشتريته <<<<<<<<<<<<<<<<<<<<<<<<< وهذه امرأة ترثي ابنها بقولها : شلونك يبعد امك شلونك بعدك حلو لو غاب لونك لحكَيتهم صايح بصايح وثوب العلي صاير شرايح لحكَت الابن والابن رايح سيّر على وجه المضيف ونكَلة اجدامه شيخ تكليف وكلمن يعرفه يكَول ياحيف راحت حلوكـَ وضلت حلوكـَ راحت احلوكـَ التطلع احكـَوكـَ وضلت احلوكـ الماتلوكـَ <<<<<<<<<<<<<<<<<<<<<<< |
فنون واوزان الشعر الشعبي / الاهزوجه او ( الهوسه )
سابعاً - الأهزوجه او ( الهوسه) :
وهي من فنون الشعر الشعبي وتقال في المناسبات العامة سواء كانت في المآتم او الافراح فلكل مناسبة اهزوجتها حيث يتجمع ابناء العشيرة او المنطقة على شكل حلقة دائرية في التشييع او الزفة ويبدء الذي يقول الاهزوجة ويسمى ( المهوال ) حيث يقوم بالقاء ابيات من الشعر ثم الهوسه او الاهزوجه التي يرددها بعده ابناء قبيلته او الجمع المتواجد مع اداء الحركات الخاصة ( الدبكة ) وغالباً ما تكتب الاهزوجه على بحر المتدارك والذي يكون وزنه : فاعلن....فاعلن...فاعلن / مرتين ومن اهازيج الافراح : جابتني الخوه وجيت وتعنيت خاف تكَول خويه بعرسي ما مريت ما ترتاح روحي ابداري لو ضليت الاهزوجه : " اتعنه الطيّب واشرك روحي وياه " <<<<<<<<<<<<<<<<<<<<<<<<<<<<<<<<< هلا بجيت الكلافه وجيت الخوان اعرفكم نشامى وهذا من ازمان وتشهدكم البصرة وكل ارض ميسان الاهزوجه : " الدار التشهد عرسك جينه نهنيها " <<<<<<<<<<<<<<<<<<<<<<<<<<<<<<<<<<<<< ومن الاهازيج التي تقال في المآتم والاحزان : اخوتي كَوطروا مني وراحوا وخلوا بالكَلب لجمه وراحوا الشامت فرح بالفركَه وراحوا وبقيت اوحيد محد مر عليه الاهزوجه : " الدار امضيعه وتسأل بايامه " <<<<<<<<<<<<<<<<<<<<<<<<<<<<<<<<<<<<<<<<<<<<< كلشي ينخلف بس الاخو لو راح يضل عوز اعله فيّك وابد ماترتاح اذخره اليوم طكَهن من يصير اصياح الاهزوجه : "متحّسف ايامه وديوانه " <<<<<<<<<<<<<<<<<<<<<<<<<<<<<<<<<<<<<<<<<<<<<<< ما شحوا عليه بكثر ما شحّيت اشيلن طرف عيني وصورتك بالبيت ماضنيت هيك تروح ما ضنيت الاهزوجه : " اكَعد يستاذ الملعب مو وكت النومه " <<<<<<<<<<<<<<<<<<<<<<<<<<<<<<<< |
فنون واوزان الشعر الشعبي / المجرشة ، التجليبه، الميمر
ثامناً - المجرشة :
وهو نوع من فنون الشعر الشعبي اخذ تسميته من قصيدة للشاعر المعروف ( ملا عبود الكرخي ) والتي تحمل نفس الاسم وهو ياتي على وزن : مستفعلن...مستفعلن...مستفعلن ذبيت روحي اعله الجرش وادري الجرش ياذيها ساعة واكسر المجرشه والعن ابو راعيها ومن القصائد المعروفة في هذا اللون قصيدة ( اهنا يمن كنا وكنت ) اهنا يمن كنا وكنت جينه اوكَفنه ابابك حب الزغر ما ينسي اشمالك نسيت احبابك اهنا يمن كنا وكنت روحين كنه بفد جسد واني بحياتي تمردت لمّن علي شخصك بعد لا بيه اطيرن للسمه واصعد مع كَلبي الصعد ولا بيه اضل اتعبدك وابقه آنه يم محرابك اهنا يمن كنا وكنت جينه اوكَفنه ابابك <<<<<<<<<<<<<<<<<<<<<<<<<<<<<<<<<<<<<<<<<<<<<<<< << << تاسعاً - التجليبه : وهي من الفنون المعروفة والتي تاتي على بحر الهزج ويكون ميزانه : مفاعيلن....مفاعيلن....مفاعيلن اجلبنك يليلي ثنعش تجليبه تنام المسعدة وتكَول مدري به اجلبنك يليلي وليلي ما نامه هذا الليل مر يرعبني باحلامه عليه اشمطوله هل ليل باوهامه مني راح حبي ومنهو اليجيبه <<<<<<<<<<<<<<<<<<<<<<<<<<<<<<<<<<<<<<<<<<<<<<<< << <<<<<<<<<<<<<<<<<<<<<<< عاشراً - الميمر : ويعتبر من اقدم الفنون الشعرية وياتي على وزن : مستفعلن ....مستفعلن....فعولات وهو من الالوان المحببه والمغناة في المناطق الغربية والوسطى من العراق : عالميمر وعالميمر وعالميمر ريم التحبه على سميجه حدر عالميمر وعالميمر وياويلي معرف نهاري يا حلو من ليلي انته النجوم الباسمة تضويلي وانته الكَمروعلينه فيّه وكَمر علميمر وعلميمر وعل ميمر ريم التحبه على سميجه حدر <<<<<<<<<<<<<<<<<<<<<<<<<<<<<<<<<<<<<<<<<<<<<<<< << <<<<<<<<<<<<<<< |
| الساعة الآن 02:51 PM. |
Powered by vBulletin® Copyright ©2000 - 2024, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |