نكات للمصريين .. من ثورة 25 يناير
 

أمنية واحد مصري : يا ريت مبارك كان ضربنا إحنا الضربة الجوية ، وراح حكم إسرائيل 30 سنة ، كان زمانهم بيشحتوا دلوقتي


في إطار محاكمه أحمد عز سألوه من أين لك هذا قال هذا من فضل ربي.رد عليه الشيطان و قاله آه يا واطي يا ناكر الجميل


عاجل جدا :الجراح العالمى مجدى يعقوب يصل الى مصر لعمل جراحة فصل التوأمين مبارك والكرسى


هذا الخبر حقيقة وليس نكتة للأسف : متصلة بالتلفزيون المصرى: أنا ساكنة في ميدان التحرير وأؤكد أن كل اللى في الميدان أخوان مسلمين. المذيع : عرفتي ازاي؟
قالت : شفتهم بعيني بيتوضوا و بعدين يصلوا.....!!!!!!


عاجل جدا : بعد إقصاء صفوت الشريف و جمال مبارك و زكريا عزمي و هلال الشعب يطالب مبارك بتطليق سوزان


ذهب الليل طلع الفجر والشعب اتحرر .. اتحرر
شاف مبارك قاله اتنحى .. والنظام فرفر .. فرفر
الشعب قالوا سيب السُلطة وخلينا فى حالنا
شد نفسه وبعت حرسه وراح جر شكلنا
قامت الناس قعداله وحلفت ماهى رايحة بيوتها
وادى جزات الى يتلامض مع الشعب بتاعنا


هيا دي ثورة الشعب المصري . أم الأجنبي


مبارك بعد ما مات قابل السادات و عبد الناصر ، سألوه : هاه ؟ سم ولا منصة ؟ رد عليهم بحرقة وقال : فيس بوك


سألو ا القذافي عن الثورة ، فرجع برأسه إلى الوراء مفكرا بعمق ، ثم قال ببطء ممممم : الثورة هي .. أنثى الثور


عاجل : الرئيس الليبي معمر القذافي في لقاء تليفزيوني مخاطبا شعبه إثر اندلاع الثورة في مصر قائلا : المرأه لازم تأخذ حقوقها كاملة سواء كانت "ذكر" أم أنثى


الرئيس التونسى السابق يتصل بروتانا و يهدى أغنية "بستناك " لحسنى مبارك ، وفي مداخلة عاجلة للرئيس المصري لنفس القناة ، صرح بأننا لسنا مثل تونس وأهدى الشعب المصرى أغنية "أخاصمك آه أسيبك لا"


عاجل من التلفزيون المصرى : تم كشف فرقة سرية من سلاحف النينجا فى ميدان التحرير مع فرقة اخرى من البوكيمون وانباء تتردد عن مجىء الكابتن ماجد للاستيلاء على الحكم


مؤكد : مبارك يأمر كل القنوات الفضائية أن تزيع أغنية هشام عباس : هتقولي امشي مش هامشي هتجيبلي حد يقولي امشى مبمشييش !!!!!


واحد من الشعب قابل نائب الرئيس السيد عمر سليمان ، قال له : يا سيادة النائب ، الشعب يطالب بالرحيل
رد السيد عمر سليمان : اللي عاوز يرحل يرحل ؟ حد مسكه ؟


اكتشاف خطير : الراجل بتاع كنتاكي أبو دقن بيضا ، طلع إخوان ، فاحذروا المؤامرة التي يخطط لها من زمان يا شباب ، دي صوره في كل مكان وتم اختراق الإعلام بيها منذ فترة ، ياااه ،


بلطجي لقناة العربية : العيال بيرموا علينا قنابل بلوتوث

راغبى التميز : يوجد قسم شرطة إيجار جديد 3 حجز و 2 حجز انفرادى و2 حمام و بوفية شاى و يوجد 3 بلكونات 2 بيبصوا على الشارع و بلجراج يشترط أسرة للاستعلام يرجى الاتصال ب 122 -

أمين شرطة عنده ولدين سقطوا فى الامتحان أخدوا الشهادة عشان يمضوها من أبوهم الأول أبوه اداله علقة ولطشه وحرمه من المصروف التانى اداله الشهاده فأبوه بص وقاله ماشى بس حاول المرة اللى جاية تحسن نفسك فسأل الواد الواد الأول أخوه التانى قالوا غريبة اشمعنى يعنى أنا انضربت وأنت لا قالوا مافيش اديت الشهادة لابويا وتحتيها 5 جنيه

اتصالات تغير الإعلان الشهير إلى .. قالوا مجنون اللي يفكر .. مبارك ممكن يرحل . طب ليه وازاي و عشان ميييين ؟؟؟ مبارك: المدة لسه فيها أكتر

واحد قدم لمبارك سلحفاة في عيد ميلاده ، فقال له : إيه القرف ده ؟ رد الرجل : يا ريس دي بتعيش 300 سنة ، رد مبارك : ممم طيب خلاص أدينا هنشوف

عاجل: عقد الريس جلسة مع وزير الداخلية السابق حبيب العدلي قا له محتدا : منعت الحشيش يا فالح أهو الشعب صحصح و فاق

هههههههههههههههههههههههههههههههههههههههههه
رائعة النكت بس بصراحة انا عجبتني
هاي اكثر شي
هيا دي ثورة الشعب المصري . أم الأجنبي
مع تحيات لك

اثناء التحقيق مع السيد احمد عز








فى أثناء التحقيق مع السيد / أحمد عز .. وبسؤاله من آين لك هذا !!!؟
أجاب سيادته .. هذا من فضل ربى ..
فرد الشيطان عليه قائلا .. !!



آآآآه يا واطى يا ناكر الجميل