منتديات المُنى والأرب - يمه فديتك من هموم الليالي

منتديات المُنى والأرب (http://www.arabna312.com//index.php)

- المنقول من الشعر النبطي والشعبي (http://www.arabna312.com//forumdisplay.php?f=190)

- - يمه فديتك من هموم الليالي (http://www.arabna312.com//showthread.php?t=30417)

يمه فديتك من هموم الليالي

هذي احدى القصائد التي أعجبتني

عن الأم

أترككم مع القصيدة :

يمه فديتك من هموم الليالي
يمه عسى ما شر شفتك تونين

يمه خذي مالي واخذي حلالي
يفداك يا يمه وأنتي تعرفين

يمه ترى منسى خيالك قبالي
يمه خيالك مسكنه داخل العين

إليا سمعت الصوت ينسر بالي
وانسى هموم الوقت وانسى الدواوين

يمه ترى الجنه معك والمعالي
يمه قدم رجلك أحطه على العين

أذكر زمان اول وانا فالدَلالي
أذكر تعبتي معي وانتي تربين

من كثر ما ركض من يمين وشمالي
واتعبك ما همي سوى اللعب تدرين

وتقولي اجلس يا وليدي ومالي
وانا مع الشارع ولعب الوراعين

احيان اقول إني صغيرٍ وسالي
العب مع الجهال لعب الشياطين

يوم اتذكر وش جرى في خيالي
مدري عن الأيام وشلون تمشين

يوم إني اكسر خاطرك ما ابالي
ما همني يمه صغير ومسكين

واذكر زماني يوم اشق الريالي
يوم الهلل والقرش يسوى الملايين

يا حسرتي يا وقتي اللي مضالي
يوم(ن) اشوفك طول الأيام تبكين

مدري مرض ولا هموم تصالي
مدري تعب مدري كثر ما تحسين

يمه عسى روحي وحالي ومالي
فدوه لدمعك يوم للدمع تخفين

يمه لو الأيام تشرح سؤالي
سألت أنا الأيام وينك وانا وين

وسألت دمعك يوم بل الشيالي
يا دمعة تسوى كنوز السلاطين

وسألت حر الشمس وين الظلالي
وسألت قمرى الليل ما نورت زين

يمه أبي منك السموحه ولا لي
مطلب سوى تعفين عني وترضين

واخذي من الدنيا ودوك العيالي
أنتي لنا الراعي وحنا رعيين

وستأذنك وقتى ترى ما صفالي
ادعي لمن ضاقت عليه الفلاتين

ادعي لمنهو بيدته الليالي
عسى زمان راح يرجع وترضين

وصلاة ربي عد رمي النبالي
على نبيٍ وضح الحق والدين