منتديات المُنى والأرب - جذب طلعت صفنتك ما تخلص الليل

منتديات المُنى والأرب (http://www.arabna312.com//index.php)

- المنقول من الشعر النبطي والشعبي (http://www.arabna312.com//forumdisplay.php?f=190)

- - جذب طلعت صفنتك ما تخلص الليل (http://www.arabna312.com//showthread.php?t=31292)

جذب طلعت صفنتك ما تخلص الليل

جذب طلعت صفنتك ما تخلص الليل
طويله الحسبه بيه الصفنه مو كدهه

وغميجه الحسره حيل بغمج صبري وياك
جيب الحسره بس الصفنه لا ردهه

وانه ماشي و ادور بالدروب ادموع
اذا ما عدهه عين بعيني اكعدهه

وصح سديت بابي بحركه من رديت
بس بوجه طيفك عيني ما سدهه

اذا يا ليل عدك حط بعد نجمات
حفظت نجومك انه بكثر ما عدهه

تمد ايدك علي تاخذ سنيني وياك
وانه بروحي من احظنك ايدي ما مدهه

غفت روحي اعلى بابك من وحشتي عليك
من تطلع بدربك عود كعدهه

وتره خلصت عيوني بليله من جفاك
لا ايامي اليجن يراد اجددهه

خفت ينجاب اسمك سكته اون عليك
ولان تكدر تعيط الفاكده احسدهه

.
للمبدع ادهم عادل