|
يوميات أناهيد وعبد المجيد >>> بقلم ميتو ومناااار (الحلقه الاولى)
فى شارع الزهور رقم 18 على ناصية الشارع عماره فى الدور السابع بلكونه مفتوحه تعالوا نطلع مع الكاميرا
نشوف هتورينا ايه؟ دى شقة عبد العظيم يوسف موظف كبير فى الضرايب العقارية مات وساب ولد وبنتين وأمهم الولد أمجد مهندس مدني البنتين أناهيد (بطلة يومياتنا) وحبيبه حبيبه.... طالبة فى أولي حقوق هنبتدى مع صاحبة القصة أو زى ما بيقولوا محور الاحداث لحد كده دورى مع الكاميرا انتهى أسيبكم دلوقتى مع سيدة الاحداث تتعرفوا عليها من قريب أناهيد خريجة كلية تجارة من أربع سنين لسه واصل لها جواب التعيين إمبارح والنهارده أول يوم تستلم الشغل فيه وهو أول يوم فى العام الجديد أناهيد جود مورنينج ماما مش عارفه ليه عندى فيلنج غير طبيعي النهارده ليه كده حبيبتي مالك انتى بس اتعاملى بهدوء مع زمايلك وخليكي نورمال وبلاش العصبيه الزايده دى من وقت ماوصلك جواب التعين يووه يا ماما مش تفكرينى انا اصلا مش عارفه ازاى هتعامل معاهم عادى يا حبيبة ماما زى اصحابك فى الجامعه و الكورسات بالظبط نو مام مظنش هيكون بينا نفس التوافق فى الافكار طيب بس روحى خلصي لبسك لحد ما أحضرلك الفطار لأ أنا مش هفطر مش قادره متوتره جدا طيب بس إلبسي علشان أمجد يوصلك أناهيد فى غرفتها بتلبس وهى متوتره جدا مامااااااا فين السوي تيشيرت الموف كان ع الشماعه بالليل حبيبتي فى مكانه مالك استنى انا جيالك لا خلاص لقيته ماماااااا فين يوه خلاص خلاص لقيته ايه بس يابنتى مالك اهدى هى وظيفة الخارجيه أمجد: ... يلا أناهيد خلصينى الساعة بئت 8 ولازم ألحق شغلى إوعى تعملى كل يوم كده النهارده بس علشان اول يوم خلاص أمجد أنا بلبس اهو......... ونسيب أناهيد تلبس ونتنقل بكاميرتنا لمكان تانى >>>>>>>>>>>>>>>>> وانتقالنا لمنطقة تانيه بكاميرتنا لشقه فى الدور السادس شقة أستاذ عبد المجيد أو زي ما بيحب ينادوه بعبد المجيد أفندي الشقه عفشها قديم أنتيكه زي ما بيقولوا ورث الشقه والعفش بعد وفاة مامته وباباه منظم جدا لكنه قديم حبة .... لأ حبتين كل حاجه مظبوطه على الساعة لبسه تحسه من الأربعينات بيجامه بصف زراير من على الجنب وارثها من باباه تمللى لابسها ولا نظارته وشكلها حاجه كده عجيبه اكيد هتشوفوها أهو بيحرك ايده وبيصحي من النوم هههه صح النوم يا عبد المجيد بيدور على شبشب الحمام اهولبسه وقام اهولبسه وقام اسيبكم بقى معاه ومع صباحه اللى شكله مش ولا بد...... عبد المجيد: فين النضاره أهيه أيوه كده الرؤيا تمام يلا علشان ألحق أتوضا وأصلي ايه دا يا فتاح يا عليم المايه مقطوعه هضطر أجيب مايه بالكوبايه وأفرغ لنفسى يا دى العذاب ع الصبح ترن ترن حاضر جاي ترن ترن حاضر ما اتوضاش يعنى يوه اديني جاي ترن ترن جاي بقولك ترن ترن جااااااااااااي أيوه يا عم (المتصربع) نعم ... لبن يا بيه فيه من بتاع امبارح شكرا دا صابح يا بيه ياعم بقولك فيه يا بيه النهارده أول السنه صباحك حليب أبيض يا عم انا أفندي وصباحك فل ياسيدي مع السلامه دب ...(صوت خبطة الباب) ايه الناس دي ناس عجيبه على الصبح دخل على المطبخ حط الشاي على النار وحضر بوقسماط يوه نسيت أتوضا الحمد لله المايه جت الحمد لله المايه جت أتوضا بقى بسرعه اروح اصلي ايه الصوت دا؟ دا الشاي فار على البوتجاز ...... كده انا صبيته أصلي عقبال ما يبرد الله أكبر >>>> السلام عليكم ورحمة الله ... السلام عليكم ورحمة الله كده شربت الشاي وفطرت بالبوقسومات ألبس بقى أجدد بدله عندي النهارده بداية السنه ((طبعا موديلها انتهى من خمس سنين)) كده بقيت آخر شياكه وآدي الجزمه وآدي الباب اتقفل بالمفتاح ,,,,,,,,,, (مش قلتلكم راجل منضبط مفيش منه فى الزمن ده ) هههههههه ,,,,,,,,,,,, أأقف على المحطه وأضبط الساعة فاضل على وصول الاتوبيس اربع دقايق يارب يا مسهل كل أمر عسير ....إستعنى على الشقى بالله الحمد لله آدى الاتوبيس وصل فى الموعد تمام عبد المجيد:(سبحان الذى سخر لنا هذا وما كنا له مقرنين ..........) وصل عبد المجيد فى الوقت المظبوط ,,,,,,,,,,,,,,,,,,, نرجع بكاميرتنا لأناهيد نشوفها عملت ايه ,,,,,,,,,,,, يلا يابنتى بئا الوقت كده هايسرقنا مش ناقصين عطله لو كل يوم كده عليه العوض فى الوظيفه والشغل كله خلاص خلاص انا خلصت اهو ها ايه رأيكم الألوان مظبوطه طيب شوفي كده يا ماما شعرى كويس ولا أظبطه تانى يا بنتى زى الفل بلاش وسوسه بئى اخوكى هيتأخر خلاص خلاص يلا بينا يا أمجد نزلت أناهيد ووصلت الشغل أخيرا الحمد لله ,,,,,,,,,,,,,,,,,,, وانتظرونا بئى فى الحلقه القادمة بإذن الله و نشوف اول يوم شغل بين اناهيد وعبد المجيد بأقلامنا منااااااااااااار. . § . . ميتووو عاشق الفن |
منار ومينو
استمتعت جدا بهذه اليوميات الظريفة وبانتظاركم على أحر من الجمر اسلوبكما جميل ويشد القارئ بانتظار اناهيد وعبد المجيد .. عشت الدور معهما .. تقديري لكما |
احبتي منار و ميتو
كونتما ثنائي منقطع النظير في منتدانا الغالي, من تناظر في الخواطر الى مسرحية ممتعة و ظريفة, سوف اتابع الاحداث و كلي شوق لمعرفة ماالآتي! تحيتي الكبيرة لكما اعزائي |
اقتباس:
انرتينا يا جميله سننتظرك في الحلقه التانيه ورودي يا قمر |
اقتباس:
وجودك هو غير منقطع النظير موعدنا ف الحلقه الجايه لن نتأخر ... ما دامت منار بخير ورودي يا غاليه |
ما شاء الله
تحفيه يا منار , ميتو بجد انتو ما في متلكم بارك الله فيكم ^_^ استمروو .. لانها عجبتني هههه تحيتي لكم |
تسلم يا سلو
نورتنا حبيبي ... تابعنا بقى... |
الاخوه الاحباء منار وميتو حقيقة قرأت لوحة معبرة ومشاهد تشكل ميلو دراما أجتماعيه جميله حتى اعدت ذاكرتي الى ومن الاستديو والاعداد ...فعلا كانت هناك لقطات رائعه وتصوير لمشاهد تنقلت الكاميرا من خلالها في بعض التفاصيل الجميله رغم عدم وجود خبره في تفاصيل ادارة الحدث من خلال كاميرا أفتراضيه ...جيدهذا العرض الشيق الذي فيه ابعادا متنوعة يرسمها المشهد الدرامي بصدق مع خلو من محطات التوقف بين المشاهد ليكون الانتقال بين المشاهد مبنيا على حركة الكاميرا الافتراضيه ليجول القارىء بالحدث من خلال الكاميرا ويشعر انه يتنقل بتضارس الحدث بمتعه ...جميل بصدق ورائع هذا الجهد الثنائي المميز وانتظر ان نرى فعلا حلقات ممتعة وجميله تجول فيها كاميرتكم بين الازقة والحواري والناس لنقول يوميات رائعه الى امام احبتي منار وميتو تستحقون كلمة شكر واكثر |
الغالي ... الشهابي
مرورك فخر وسعاده شكرا أخي الحبيب... على حلو مرورك وتنبيهاتك الغاليه سنحاول تلاشيها فى الآتي لنبدو على اجمل وجه ورودي اخي الغالي ميتو |
الأخ ميتو والأخت منار
اثني على كلام اختي ازهار فأنتما ثنائي رائع وحقا انها ظاهرة فريدة قد تكون في اغلب المنتديات فقد اعتدنا ان نرى القلم بيد ثم ينتقل الى اليد الأخرى وما اعتدنا على يدان تمسكان قلما واحدا وتكتب الى الأمام وبانتظار لوحاتكم الجميله والمعبره صائد |
| الساعة الآن 12:54 AM. |
Powered by vBulletin® Copyright ©2000 - 2024, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |