تستقم روحي ف " تَنيَّه "
 

https://z-p3-scontent-mxp1-1.xx.fbcd...bf&oe=58147063

لو تميل المايه يمك
تبقي نيلي ابقي يمك
اشملي العالم/ العاشق بكرمك
و اكرميني بضمه تانيه

قلبي المزروع بخيرك
كفك الممدود دا خيرك
قلبي يشرب زي طيرك
اوهبيلي شربه تانيه

تكسي مني اللحم الاخضر
تروق الدم المعكر
تشفي مني كل ألمي ..
لو سمحتي نقطه تانيه

تروي مني جفاف ف روحي
تسقي فيا انهار طموحي
يا للي عينك ليا ساقيه
تسمحي لو لفه تانيه !

تسمحي لو امد ايدي
تزحمي رسايل بريدي
تكسري فيا جليدي
لو تضمي ضمه تانيه

ضمه تانيه تضم كُلّي
م اللي راح و اللي فاضلي
جمّعي مني اللي تايه
تستقم روحي ف " تَنيَّه " !


#‏محمد_ماهر !
13 أغسطس‏2016

رد: تستقم روحي ف " تَنيَّه "
 

عدنا والعود أحمد
سلم القلم المميز
محبتي

رد: تستقم روحي ف " تَنيَّه "
 

يا الله على هذا الكلام الجميل
انت استاذ في الحب وابراز العواطف الجميلة
تحيتي لك