منتديات المُنى والأرب - يوميات أناهيد وعبد المجيد >>> بقلم ميتو ومناااار (الحلقه الثانيه)

طبعا انتم متابعين معانا الأحداث من الحلقه الأولى

لو فاكرين فى الحلقه الأولى اتعرفنا على أبطال يومياتنا أناهيد و عبد المجيد

وإن كان اليوم دا يوم خاص للطرفين

أناهيد أول يوم شغل وتوتر ودلع جامد جدا

عبد المجيد كان أول يوم فى السنه وكان نشيط جدا رغم الصباح الكروهات اللى اتصبح بيه هههههه

ونبتدى بقى نشوف بعد ما وصلوا الإتنين الشغل ايه حصل.

بكاميرتنا بنراقب كل الأحداث من أعلى نقطه

وآدى عبد المجيد بعد ما وقف الباص ...

قام لملم أوراقه وحاجته ونزل من الباص

طلع عبد المجيد منديل من جيبه ... ووطى يمسح جزمته من التراب
أنتكه بقى وشياكه زى ما قولنا....

وعقبال ما يلمع الجزمه ويظبط الكرافاته نروح بعدستنا الصغيره نشوف أناهيد حصل معاها ايه >>>

أناهيد وصلت للشغل وهى متوتره مش عارفه اى حاجه
دخلت تايهه فى المكان عاوزه تسأل أي شخص عن مكان ماهتستلم الشغل
بتتصفح المكان بعينها
أهى لقيت اللى هتسأله
‏
جود مورنينج

إذا سمحت ...هو مكتب شئون العاملين فى اى دور

قالها فى الدور السابع تانى مكتب على ايدك اليمين
ميرسي جدا
ووقفت تنتظر الاسانسير
وهى بتظبط لبسها
وبتمم على الاوراق بتاعتها

وطبعا عقبال هى ما تظبط الدنيا نشوف عبد المجيد فين دلوقتي

هههههههههه أهوه عبد المجيد
لقيناه تقريبا لسه مكانه

ياولد ....... طبعا ظبط الجزمه والكرافاته وداخل
يتعايق ويتمايل ولا النعامه ههههه ويا أرض اتهدي

السيكيورتي طبعا لازم يقوموا

دا عبد المجيد أفندي
صباح الخير استاذ عبد المجيد
كل سنه وانت طيب

كل سنه وانتم طيبين
ودخل طبعا بكل نشاط

شايف اتنين مستنين الأسانسير ويادوب الأسانسير نازل

أسرع خطواته شويه
ولحق ركب معاهم على آخر لحظه

عبد المجيد دخل عامل دوشه كإنه زلزال لفت انتباه أناهيد

دلوقتي نرجع لكاميرتنا الجميله

كاميرتنا بتراقب الموقف من سقف الاسانسير

أناهيد بتبص باستغراب وبتكلم نفسها

اممممممم ايه الانسان العجيب ده

وايه البرفيوم اللى حطه ده مش ممكن فى حد كده لحد دلوقتى ياربي مش ممكن ده
دى موديل خالص
هو فاكر نفسه شغال فى المتحف المصري

ورغم إن فى واحد فاصل بين عبد المجيد وأناهيد بس هو لمحها وهى بتبص عليه
وهو بيعلم على الدور الخامس
صبح عليها
وسألها فى حاجه يا آنسة؟

بنص ضحكه أبدا لو سمحت علملي الدور السابع

حاضر
وانت يا فندم العاشر اذا سمحت

وآدى الاسانسير وصل الخامس

ونزل عبد المجيد رايح مكتبه

وأناهيد لحد ما اتقفل الأسانسير وهي مراقبه حتى مشيته

وبدأت تتكلم مع الراجل اللي ف الاسانسير بتسأله مين دا

قالها دا موظف كبير هنا وله وضعه رغم صغر سنه
ضحكت وقالت ((ببدلته دي))

ونزلت السابع

ووصلت لشؤون العاملين

نسيب الكاميرا مع أناهيد شويه
‏
آدى أناهيد واقفه متوتره جدا
‏

أناهيد بتستلم شغلها وبتعرف هى هتكون فى اى قسم باظبط قالها رئيسها المباشر

انتى لسه هتدربي شهرين مع الاستاذ عبد المجيد

قالت طيب آلاقيه فين الاستاذ عبد المجيد

اتصل من مكتبه على مكتب عبد المجيد وقاله فى موظفه جديده هتوصل دلوقتى

وقفل التليفون وقالها اتفضلي استلمي شغلك

‏
مكتب الاستاذ ع المجيد
‏
فى الدور الخامس تحت تالت مكتب ع الشمال
‏

نزلت أناهيد ودخلت المكتب وسألت عن المسئول اللى هتتدرب معاه

كان فى اتنين غيرها منتظرين

‏

قالت لها الموظفه اللى معاها اهلا بيكي معانا انا زميلتك سهام وده زميلك احمد

ومعانا عبدالمجيد أفندي المسئول عن تدريبنا

أناهيد ... اهلا سهام ...اهلا أحمد

طيب هو فين مش شيفاه يعنى

أحمد هيوصل حالا بيوقع ورق ومش هيتأخر

هو بيحب يعمل كل حاجه بإيده
راجل منضبط زى
الساعه
بتاعت الجامعه بالظبط واكتر كمان!

وإنه بيحب اسم عبد المجيد أفندي

باستغراب أناهيد قالت ...(أفندي!!!)

دقايق بسيطه دخل عبد المجيد المكتب لقى أناهيد بتتكلم

وبتضحك معاهم

ع المجيد .. السلام عليكم... ايه الصوت العالي ده يا ساده

أحمد .. عبد المجيد افندى : ابدا احنا كنا بنرحب بالموظفه الجيده

التفتت اناهيد

ترد السلام ومن المفجأه

أما شافت استاذ الأسانسير .... أو عبد المجيد أفندي
‏
‏
وبكده انتهت حلقتنا
‏
نتقابل فى التالته
‏
وأول لقاء رسمي ...بين أناهيد وعبد المجيد
‏
‏
‏
بأقلامناااااااا
‏
‏
((منااااااااار ¥ ميتووو عاشق الفن))