منتديات المُنى والأرب

منتديات المُنى والأرب (http://www.arabna312.com//index.php)
-   شعر بأقلام الأعضاء (http://www.arabna312.com//forumdisplay.php?f=247)
-   -   لو يوم هتطل من الشباك (http://www.arabna312.com//showthread.php?t=37049)

محمد ماهر مرعي 7 - 2 - 2018 10:27 AM

لو يوم هتطل من الشباك
 
لو يوم هتطل من الشباك

https://3.bp.blogspot.com/-R-ny2_1XM...3.14%2BPM.jpeg
معقوله بتسكر بالوحده
وبتخسر كل رهان وياك
و بتلعب على نقطة ضعفك
و بتحسب ان الوقت معاك
فتراهن على قسوة قلبك
وتراهن على عَقد حواجبك
و تراهن انك هتكشر
لو يوم هتطل من الشباك
فتطل الحلوه بمنديلها
وتنسى رهانك تناديلها
فتبص لقلبك من ضعفه
والضحك في وشك بيلاطفه
وتلاقي الطفل اللي ف روحك
واقف وياك
فتصدك هي كما العاده
تقفل شباكها ببلاده
وتلاقي الطفل اللي واقف جنبك
يرجع جواك
ترجع لمكانك مكسوف
وتصبر روحك بحروف
ويقولك عقلك : معروف
انسى ال جفاك
وتنام متأثر بنهارك
ولا جنبك الا حيطان دارك
بتضيق الاوضه بأسرارك
وودان الحيطه مهيش سمعاك
وتعيدها لنفسك بالواحده
معقوله بتسكر بالوحده
وتراهن على قسوة قلبك
لو يوم هتطل من الشباك 🤫
محمد ماهر
٧فبراير ٢٠١٨


الساعة الآن 06:09 PM.

Powered by vBulletin® Copyright ©2000 - 2024, Jelsoft Enterprises Ltd. منتديات المُنى والأرب

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى