منتديات المُنى والأرب - نائل المظفر : احنا اخوان واحد يذبح الثاني

[frame="1 75"]

نائل المظفر : احنا اخوان واحد يذبح الثاني

بعد ما حاجه يذبح بينا الافغاني

ولا عبوه بدرب يزرعلي جيراني

ولايدخل يهودي ولا امريكاني

احنا اخوان واحد يذبح الثاني

بير التفرقه زرعته الامريكان

وادري وما طحت بس هو جراني

خمس سنين يذبح وانه راسي بجيس

وبجنطه الجسد وبجنطه ذرعاني

جبت عمرك حكم بسّك بعد شتريد

تظل ابن القصر وابن القصب اني ؟؟

وتظل انت العجل وانه اليول للموت ؟؟

وأظل بلا اضافر وانت سجاني ؟؟

وتظل البصره عاقر وأم ولد تكريت ؟؟

وتظل تنكل حطب لديالى ميساني ؟؟

وتظل ويه العرب واخواني ذوله جهول ؟

ويسألونك عليّ و تكلهم ايراني

باوع على اخوانك بيه شيسوون

وشوف شلون اخوك يرجع احساني

يعوف اختي بعبوته مكشفه اعلى الكاع

يتفرج عليها القاصي والداني

وانا الكلي عربيه تكشفت هديت

واغطيها بقميصي و ألبس الثاني

من هدوّ عليك وطبكوّ العمان

ما كلتلك اختك هذا غطاني

وانا لوما شريف اليوم اطب اردود

وانزعهن واكلهن ذني قمصاني

عمر اعلف عليكم والشعب جوعان

ويلوموني واكلهم ذوله فرساني

تالي تهد عليّ وحصاني ميت جوع

والله تندمت لو عالف حصاني

لأمريكا شلع كلكم حنيتو الراس

وعذرتو رواحكم وتعيرت اني

انا صح دنكت كدام الامريكان

ولكن دنكت شديت قيطاني

ولان شيعي الحكم ادفع ضريبه تريد ؟؟

وانه شصلت والشيعي شنطاني !!

انكسر كلبه على كوخي وكال اهدمه اليوم

وابنيلك قصر واتسكنه بس تاني

بس تاني .. بس تاني .. واتاني وصار خمس سنين

وانت من القصر طابوكه ما باني

حتى التاني ملت مني المتانا

اذا اكلها تاني تكلي ما تاني

بعد ما انتخب لا والله والعباس

لو كتبو اسم بآيات قرآني

بيت الطين يرجف وهمه عركانين

وصورهم لزكوهه بطين حيطاني

وشعارات اعلى بيتي يدكله طول قماش

وانه بحاجة كماط يغطي رضعاني

ردّ الفندقك والجبته اخذه وياك

ماريد القصر ردني اعلى بنياني

للشاعر المبدع : نائل مظفر

[/frame]