منتديات المُنى والأرب

منتديات المُنى والأرب (http://www.arabna312.com//index.php)
-   شعر بأقلام الأعضاء (http://www.arabna312.com//forumdisplay.php?f=247)
-   -   مرثية أمي 3 (http://www.arabna312.com//showthread.php?t=37059)

ناجي الصقار 8 - 11 - 2018 09:21 AM

مرثية أمي 3
 
مرثية أمي 3

https://www.youtube.com/watch?v=AgeoZf08c1I

أكتب وتنزف جروحي .. يُمَّى عني لا تروحي
مُنيتي غاية طموحي .. ترجعي وتروح روحي

أصرخ بصوت ارتعد .. خاشع وقلبي سجد
يـــــا حنونه للأبد .. ليش ما مثلك أحـــد

لوتناديني اسمعك .. وبيدي أمسح مدمعك
اشتهيت أجلس معك .. أو على الموت أتبعك

ميمتي لا تحزني .. لو تشوفي هاظ أني
في مكانك مسكني .. بضحك وعايش هني

في فراشك جيت انام .. وكل من حولي نيام
ورجعت خمسين عام .. بالكمال وبالتمام

أحضن بثوبك واشمّه.. وارتجف صابتني حُمّه
وانتفض وآقول يُمّه .. صاحي ومحتاج ضمّه

أنزف وتتوجعي .. أو ع صدري تنجعي
يُمّى طولتي تعي .. لا تروحي إرجعي

إشتهيت اليوم اشوفك .. يُمّى مديلي كفوفك
ارجعي واحنا ضيوفك..يعني لو تسمح ظروفك

أشكي وانتي تسمعي .. وتمسحي لي مدمعي
يعني لو كنتي معي .. إفرحي لا تدمعي

لو على صدري تنامي .. مثل ما شفت بمنامي
أنتشي والجرح دامي.. تجبر وتحيا عظامي

لو علينا لا تخافي .. من زمان الجو دافي
يُمّى طولتي وكافي .. إحضرينا لا تجافي

عدة ايام ولليالي .. يُمّى طولتي تعالي
لو تركتيني لحالي .. ما تغيبي عن خيالي

مُنيتي غاية طموحي .. ترجعي وتروح روحي
يُمَّى عني لا تروحي
يُمَّى عني لا تروحي

الشاعر ناجي لصقار

.


الساعة الآن 09:04 AM.

Powered by vBulletin® Copyright ©2000 - 2024, Jelsoft Enterprises Ltd. منتديات المُنى والأرب

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى