منتديات المُنى والأرب

منتديات المُنى والأرب (http://www.arabna312.com//index.php)
-   الأمومة والطفولة (http://www.arabna312.com//forumdisplay.php?f=28)
-   -   حابة تقوي مناعة طفلك...تعالي وشوفي تجربتي مع توأمي...وجبة مميزة_تجربة ناجحة_ (http://www.arabna312.com//showthread.php?t=547)

جمال جرار 2 - 11 - 2009 02:59 AM

حابة تقوي مناعة طفلك...تعالي وشوفي تجربتي مع توأمي...وجبة مميزة_تجربة ناجحة_
 
انا كنت كاتبة كم موضوع عن فوائد الحلبة في رفع المناعة للاطفال وماانكر انه اطفالي الحمدلله تحسنو عليها خاصة بعد معاناة من الامراض والالتهابات اللي جاتهم في كل مكان بيخص مجرى التنفس والاذن وهادا غير حساسية الصدر وقضيت سنة تعب مو طبيعي معاهم من كتر ماكانو يتعبو معاي

وكنت متجاهلة مفعول التمر مع اني عارفة عن فوايده بس برضو مااكترثت له كتير

لحد مامرة كنت بفكر اغير لاطفالي وجباتهم بسبب ضعف اكلهم وتعبي معاهم في الاكل
وصرت اعمل لهم كاسترد بمعجون التمر مع الكويكر

ووالله وربي يشهد على كلامي انه حتلاحظو فرق كبير بعد ماتداومو عليه باذن رب العالمين

و طريقتي هي

احط في الخلاط تقريبا 4ملاعق شوفان كويكر العلالي و كمية كبيرة من التمر المعجون و ملعقتين غرف كبار حليب بودرة او حليب الطفل نفسه اذا كان تحت السنة وملعقتين غرف كبار كاسترد واخلطهم بالخلاط مع كاستين او 3موية دافية واغليهم على النار
واعبيهم في برطمانات القزاز حقت صلصة الطماطم حقت العلالي واخليهم في الثلاجة بيكفيني اسبوع كل يوم وجبة لكل واحد من توأمي

طبعا انا احطهم بالخلاط عشان اولادي مايحبو الشوفان يطلع لهم في اللقمة


وبالنسبة للاطفال تحت ال6شهور ممكن تشربوهم موية التمر
وطرريقتها

تمرة لكل 30مل موية مغلية وبس تبرد الموية تهرسيها بالشوكة وتصفيها وتحطيها بالرضاعة او البيبرونة بعد ماتكبري الحلمة حقتها شوي


وكمان بعمل مهلبية التمر اذا حبيت اغير لهم من الكاسترد وطريقته هي

بنفس طريقة الكاسترد بس بدل مااحط كاسترد بحط نشا وممكن تحلوه بالعسل <<<<بالنسبة لي انا مااحب اعطي اطفالي سكر وكل شي احليه بالعسل وعموما التمر حلاه كفاية وطعمه فظيع مرة

وجبت لكم صورة الشوفان

http://www.citihealth.com/images/_articles/oats1.jpg

ودي صورة معجون التمر

http://lh3.google.com/hky981/RxWll5r...LvETs/PL12.JPG


وامانة لاتنسوني من دعواتكم لي بانه ربي يسخر لي زوجي ويجعلني قرة عين له ويبعد عنه بنات الحرام

وسامحوني اذا مقاديري ماهي دقيقة جدا لاني مااعرف اشتغل بالمقادير قد النظر والتذوق


م ن


نشمي المنتدى

تهاني 14 - 2 - 2010 10:09 PM

http://islamroses.com/zeenah_images/1137114121_3.gif


الساعة الآن 12:08 AM.

Powered by vBulletin® Copyright ©2000 - 2024, Jelsoft Enterprises Ltd. منتديات المُنى والأرب

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى