|
ضِحكــة السوسنــه . شعر محمد ماهر مرعي
http://a3.sphotos.ak.fbcdn.net/hphot...35237324_n.jpg لقيت جواكِ ( أنا ) .. اللى ضايع من سنين ..! يا ضحكة السوسنه .. ولمسة ياسمين يا أنة الدندنه .. يا ناي المدبوحين .. لقيت جواكِ ماضـي مليانــي الذكريات شايفِك واقفـه قصادي دايبه الـــ مسافات ضحكة عينك خدتنى للبحر تروينــى وسط الموج سابتنى رفضتْ تِعَدِّينــي ودموعى خانتني طب ليــه سبتينى ! بتقولى غنيــلى خايــف أغنيلك يغيـــر من الغُنــا حرفي تِخلص دواوينــى ! وأرجــع وحيد عطشــان وحنينى مالينــى شايفـه قلبي اللى عاشق .. بيغني بصوت سُكات نفس المشهد زمان ... وياك هنــا ع الرصيف الإيد حاضنه الثواني بتهرب من الساعات وأحاول أعيدها تاني ألاقى الوقت فات الدنيا ضلامها زايد زي آخر الشهور لا فى نجمه تعاند ولا فيه قمر يِدور بس أنا شايف بعيد هلال بــيتْــكَوِّن وشمس متسرسبه للعتمه بتْــهَوِّن نفس المشهد يا إنتِ.. ونفس الذكريات خايف أحلم ببكره يجيني بكره عاجز ويبقى فى عمري ذكرى وألاقينـى لِســه عايــز زي بكره اللى فات دورت كتير عليَّا ملقتش صوت دليل يقولِّي عن مكاني ... يقول اني بخير فكرتْ أبعد ثواني أشوف نفسي هناك لقتني راجع تاني بفكر فيكِ ساعات ادور جوه منك .. عن بعض الذكريات لقيت جواكِ ( أنا ) اللي تايه من سنين يا ضحكة السوسنه .. يا دمع الفرحانين ! moh قلمـى .. محمد ماهر مرعي 25 مايو 2012 http://aljwaikhat.com/wp-content/upl..._1739130_n.jpg |
لقيت جواكِ ( أنا ) اللي تايه من سنين يا ضحكة السوسنه .. يا دمع الفرحانين ! جميل هذا العزف المنفرد على أوتار الحب والحنين شكرا لك عزيزي محمد أبدعت تحيتي لك #cc##cc##cc# |
أخي الغالي محمد
أبدعت في الأيقاع والكلمات بورك قلمك |
بتقولى غنيــلى
خايــف أغنيلك يغيـــر من الغُنــا حرفي تِخلص دواوينــى ! وأرجــع وحيد عطشــان وحنينى مالينــى ***** آه من الحنين كلمات عزفت بها على قلوب حائرة بين الشوق والحب والحنين راااااااائع ما خطته اناملك الذهبية سلمت الايادي #cc# |
سلمت ولآهنت..على شعرك المميز دمت ودام هـذا التألـــق.. ولآ عـــــــــدم |
شايفـه قلبي اللى عاشق ..
بيغني بصوت سُكات نفس المشهد زمان ... وياك هنــا ع الرصيف الإيد حاضنه الثواني بتهرب من الساعات وأحاول أعيدها تاني ألاقى الوقت فات تعزف على كل وتر يا محمد سلمت على هذا الجمال وان كان يتكلم عن مشاعر الفراق تقديري لك |
سلسه
وتعبيرها صادق جميل اللهجه المصريه تدخل القلب ولما يكون الكلام جميل تعطي انطباع احلى وهذا ماقرأت تسلم |
دورت كتير عليَّا
ملقتش صوت دليل يقولِّي عن مكاني ... يقول اني بخير فكرتْ أبعد ثواني أشوف نفسي هناك لقتني راجع تاني بفكر فيكِ ساعات ادور جوه منك .. عن بعض الذكريات رائع ابني محمد موضوع منظم معبر بقوة الكلمات وباصدق التعبير وجمال التصوير احييك على هذا الجمال مع تحيتي وتقديري ************* |
الله الله الله ** ذكرتي ببيت لي (( ومالي لا أراني في عيوني ----إذا نظرت إلى المرآة عيني)) سلمت أناملك أخي الشاعر القدير تقبل تحياتي |
دورت كتير عليَّا ملقتش صوت دليل يقولِّي عن مكاني ... يقول اني بخير فكرتْ أبعد ثواني أشوف نفسي هناك لقتني راجع تاني بفكر فيكِ ساعات ادور جوه منك .. عن بعض الذكريات لقيت جواكِ ( أنا ) اللي تايه من سنين يا ضحكة السوسنه .. يا دمع الفرحانين ! كلمات رائعه اخي محمد معبره بصدق الاحساس ابداع في التصوير باجمل النغمات تحيتي وتقديري |
| الساعة الآن 08:03 PM. |
Powered by vBulletin® Copyright ©2000 - 2024, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |