منتديات المُنى والأرب - أغنية من التراث الفلسطيني هدّي يا بحر هدّي / أبو عرب

من التراث الفلسطيني

هدّي يا بحر هدّي / أبو عرب

يا توته الدار .... صبرك على الزمان إن جار
لا بد ما نعود .... مهما طول المشوار
يا توته الدار .... حلفتك بفرقتنا
خلي جناكي حمم .... عالغاصب الغدار
هدي يا بحر هدي
طولنا بغيبتنا
ودي سلامي ودي
للأرض ألي ربتنا
سلملي على بلادي
تربة أهلي وأجدادي
بعده ألزغلول الشادي
بيغرد لعودتنا
سلملي عالليمونه
على اهلي أل ربوني
بعدا أمي الحنونة
بتشمشم بمخدتنا
ودي سلامي يا نجوم
عالبنادق بالكروم
بعدا ألفراشه بتحوم
وبتستنظر عودتنا
هدي يا بحر هدي
طولنا بغيبتنا
ودي سلامي ودي
للأرض ألي ربتنا

عالخيمة كتبنا الوعد رح نستنا رجعتنا‏
عالخيمة كتبنا الوعد رح نستنا رجعتنا
وخبينا كوشان الأرض بين سنين غربتنا
خلينا مفتاح الدار بالصدر وبين الأسرار
والله وان طال المشوار النا حق في عودتنا
فارقنا بلدنا صغار وكبرنا وشيبنا
منسينا طريق الدار ولا بين الخلق ذبنا
بدمع الشوق والتذكار راسلنا حبايبنا
وأسامينا بتضل هناك محفورة بزيتونتنا
عالخيمة كتبنا الوعد رح نستنا رجعتنا
وخبينا كوشان الأرض بين سنين غربتنا
خلينا مفتاح الدار بالصدر وبين الأسرار
والله وان طال المشوار النا حق في عودتنا
وبليل المخيم كان عشق بلاد أغانينا
وغزلنا للوطن ألحان تصبرنا وتواسينا
وظلو هالأمل سهران ولو نغفى يصحينا
وحلم العودة فينا ظل صورة حلوة لقريتنا
عالخيمة كتبنا الوعد رح نستنا رجعتنا
وخبينا كوشان الأرض بين سنين غربتنا
خلينا مفتاح الدار بالصدر وبين الأسرار
والله وان طال المشوار النا حق في عودتنا
ومهما نغيب رح نرسى عالشط الفلسطيني
حق العودة ماننساة ولا هالبيت ناسيني
وبالصرخة وبالهمس أندهله يناديني
ويبقى هالوطن مشتاق ناطر يوم عودتنا
عالخيمة كتبنا الوعد رح نستنا رجعتنا
وخبينا كوشان الأرض بين سنين غربتنا
خلينا مفتاح الدار بالصدر وبين الأسرار
والله وان طال المشوار النا حق في عودتنا