|
أسرار عمل عجينة المعجنات و طرق تشكيلها اهداء خاص لكم جميعا
اخواتي الغاليات
اخوتي في المنتدى كنت قد وعدتكم (وودعد الحر دين )بنقل ما تعلمته في دورة المعجنات عن أسرار عمل العجينه و طرق جديده و مبتكره لتشكيلها ولكن لظروفي الخاصة تأخرت كتيررررررررررر فالمعذرة منكم كثيرا ولكن يعلم الله ظروفي أسرار عمل العجينه و طرقتشكيلها اولا............ مش اي طحين يصلح لعمل عجينة المعجنات لازم يكون طحين زيرو اوالطحين المغلف باسماء الغزال ...الجويدة....الزهراء او مكتوب علية صالح لجميع الاستعمالات ثانيا......نبدأعلى بركة الله ملاحظة هامة جميع المقادير الواردة هي لكيلو طحين واحد .................................................. ..... 2ملعقة طعام خميرة عادية ملعقة سكر نصف كوب ماء دافىء تخلط جميعها معا وتوضع في مكان دافىء ومعتم (يعني ممكن في فرن الغاز تشعلية اشوي وطفيه) ......................................... كيلو طحين زيرو اربع ملاعق حليب بودرة ملعقة سكر نصف ملعقة ملح او حسب الرغبة تخلط جميعها ناشفة جيدا ..................................... على جنب وفي مرطبان فاضي بيضتين ونصف كاس زيت قلي بس مش زيت زيتون وملعقة كبير خل ابيض؟؟؟ يساعد على زيادة الخميرة ويحسن من قوام العجين نخفقهم جيدا في المرطبان ومن ثم نظيفهم الى خلطة الطحين السابقة الذكر واضافة الخميرة بعد التأكد من تخميرها جيدا .............................................. نضيف الى ما سبق كاس حليب سائل دافىء وعلبة لبن رايب دافئة مو من الثلاجة بتكوني مطلعيتها قبل بوقت او ضعيها بالميكرويف فترة بسيطة مشات تكون دافئة .................................................. ....... وهيك بتكون العجينة تشكلت معك بدوان اضافة اي قطرة ماء لاحظي ذلك .......................................... اخرجي العجين من وعاء العجن وضعيها على الرخام وبلشي بضبضبتها وخبطها بكل قوه في الرخام يعني تخيليها اي واحد حابه تفشي خلقك فيه..........زوجك .........حماتك..........ولادك............جارتك.........عادي المهم العجين ينخبط منيح ليش الخبط والضرب( لتفكيك شبكة العجين لحتى ينفش منيح) بس يلي ربنا فارجها عليها وعندها عجانه ما بتحتاج للخبط ولا للضرب) اللهم لا حسد وبعد ربع ساعة من العجن احمليها بين راحتيك وادهنيها بقليل من زيت الزيتون ثم لفيها بكيس نايلون وضعيها في وعاء العجن ثم ضعيها في مكان دافىء وغطيها منيح او شغلي الفرن وردي اطفيه لحتى يكون دافىء ................................................ بعد ما تتأكدي انو العجين خمر بأمكانك الاحتفاظ به في الثلاجة تحت لوقت الاستعمال ملاحظة عند تقطيع العجين لا تحاولي تعمليها كرات وتلفيها كتيررررررررر بل ضعيها كاملة على الطاوله وفرديها بيديك وقطعي منها بالسكين وبلشي اعملي الاشكال التي ترغبي بها ............................................. ورنيش او تلميع العجين بعد حشوها نحتاج الى بيضة فنجان حليب سائل نصف ملعقة خل ابيض رشة ملح لحتى ما يكون الطعم دلع عن العجين نخلطهم سوا وندهن اقراص المعجنات بواسطة فرشاة ونزين باسمسم او القزحة ........................................ بأمكانك استخدام العجين للبيتزا ............................................. الحشوات جبنة بيضاء مع ورق زعتر اخضر زعتر وزيت جبنة صفراء مربى بطاطا مسلوقة مع بزيلا ورشة فلفل اسود وملح لحمة مفرومة مع بصل لبنه مع بقدونس وبودرة الثوم بس هذه تحشى بعد الخبيز نقانق مرتديلا وجبنة شيدر .................اي شي بدك اياه .................................................. ........ الخبيز ممكن في الفرن العادي تاع امهاتنا زمان او المسعدة يلي عندها فرن كهرباء او فرن الغاز ........................اذا بفرن الغاز نصيحة اغلي ماء وضعية في صنية في الرف العلوي للفرن لحتى تظل الاقراص طرية من بخار الماء ما بدك بلاااااش اشكال المعجنات وطرق التشكيل رح ارفق صور ان شاء الله وصحتين وعافية ما تنسوني من صالح دعائكم اخوتيzolz |
رد: أسرار عمل عجينة المعجنات و طرق تشكيلها اهداء خاص لكم جميعا
|
رد: أسرار عمل عجينة المعجنات و طرق تشكيلها اهداء خاص لكم جميعا
شووووووووووووو هالجمااااااال
جااااااااااااي هلقيت مووووودتي |
رد: أسرار عمل عجينة المعجنات و طرق تشكيلها اهداء خاص لكم جميعا
الله يعطيك العافية ويرضى عليك ويسلمك يا ام عااامر
عن جد انك فنانة خلص رح اجرب طريقتك اضحكي وانا شفت المعالق قلت ليش وفاء بتخبزهم ههههههه يعني نشتري طقم معالق للخبيز مخصوص يسلمو يا عسل |
رد: أسرار عمل عجينة المعجنات و طرق تشكيلها اهداء خاص لكم جميعا
شكرا على المعجنات
وصل ابو فداء والا انتظره نيجي سوا ههههه مجهود مميز تحياتي صائد |
رد: أسرار عمل عجينة المعجنات و طرق تشكيلها اهداء خاص لكم جميعا
اقتباس:
عم ننتظرك باين ضيعت العنوان طولت كتيرررررررررر يا ريتكم قراب منا كنا بعثنا صحن كبير تحيتي اخي الغاليzolz |
رد: أسرار عمل عجينة المعجنات و طرق تشكيلها اهداء خاص لكم جميعا
اقتباس:
يا ريت تجربيها وتردي علينا هنا اختي ارب قبل ما نلف العجين على المعالق تدهن بشوية زيت وكمان ممكن نستعمل عيدان الشوي الخشب وندهنها زيت ونلف عليها العجين بتطلع متل السبلة بتجنن مرورك اسعدني يا غاليةzolz مشكووووووووووووووووورة |
رد: أسرار عمل عجينة المعجنات و طرق تشكيلها اهداء خاص لكم جميعا
اقتباس:
بعدو ابو فداء ما وصل شكلو المعبر مسكر او مش لاقي جواز سفره نورتو موضوعي |
رد: أسرار عمل عجينة المعجنات و طرق تشكيلها اهداء خاص لكم جميعا
اوووووووه يا خيتي شلون لو كان فطورنا اليوم معجنات وابريق شاي
يسلم دياتك والله يعطيك العافية |
| الساعة الآن 02:36 AM. |
Powered by vBulletin® Copyright ©2000 - 2024, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |