|
لحظة وداع
المشهد الاول ( بيت متوسط يعيش فيه الحبيب مع اسرة متوسطة الحال )
يدق جرس التليفون فيأخذه الحبيب ويجيب عليه الحبيب :- الو . ايوه انا معاكى . اه معرفش . لكن انتى عارفه انى احبك الحبيبة :- لكن اعمل ايه دلوقتى .أنت عارف ان حبنا ده فاتتت عليه سنين طويلة من اول ما عيونا عرفت معنى الحب الحبيب :- آه أنتى لسه فاكرة ايام ما كنا صغيرين وبنلعب سوا الحبيبة :- طبعاً دي اجمل ايام عمرى . قصة حبنا تغلب كل قصص العاشقين الحبيب :- طيب ما انتى شايفه بشتغل ليل ونهار عشان اقدر اتقدم لك الحبيبه :- طيب ما انا قولتلك نعمل خطوبه الحبيب انتى نسيتى ان والدك رفضنى لانى مش كد المقام الحبيبه :- عارفه لكن لازم نحاول نقنعه لانى مستحيل اسيبك ابداً فانت من نعشقه عيونى الحبيب :- وانا ايضا اعشقك واهواكى ومستحيل يوم انساكى بكره هتتدبر وينتهى الحوار بينهم على تاكيد موعد اللقاء فى المطعم ************************************************** ******************* المشهد الثانى ( بيت الحبيبه . بيت كبير فهى من اسره ميسورة الحال ) الام :- يا بنتى تعالى نتكلم مع بعض شويه الحبيبه :- حاضر هخلص شوية حاجات واجى الاب :- بنتك حالها مش عاجبنى ولازم نشوف لها حل الام :- مالها ماهى تمام وزى الفل الاب :- انتى عجبك حالها ده وموضوع رفضها لكل عريس يتقدم الام :- ماهى كل البنات كده لازم يتدللوا الاب :- لكن بنتك متعلقه من جارنا اللى كان ساكن جبنا من فتره الام :- طيب ما هو جا واتقدم وانت رفضته . يعنى خلاص الموضوع انتهى الاب :- انا رفضته لانه مش كد المقام واخاف يكون طمعان فينا . لكن لو اشتغل واثبت العكس هوافق عليه على الفور تحضر الفتاه طعام الفطور وتقدمه لهم فيهمس الاب للام بصوت منخفض ويقول الاب :- خلاص مش عاوزينها تاخد بالها ولما نشوف الشاب ده بيحبها ولا . لانها اكيد هتدافع عنه الحبيبه :- امى كنت عاوزه حاجه الام :- لا ابدا كنت عاوزاكى تقعدى معانا بدل الحبسه الحبيبه :- حبسة ايه انابتسلى فى شغل البيت تغادر الفتاه لتستكمل شغلها ويذهب الاب الى مكان عمله ************************************************** ******************* المشهد الثالث ( شركه كبيره يعمل بها والد الحبيبه ) الاب يدخل مكتبه وهو موظف محبوب من الجميع موظف شاب فى الشركه :- بصراحه حضرتك من ساعة ما اشتغلت معاك وانا ملاحظ ان الكل بيحبك وبيحترمك الاب :- يا ابنى ده كرم الله علينا وبعدين هو انا بعمل ايه ده شغلى ولازم اعمله بصدر رحب لانى بكره الموظفين المعقدين يوقفوا نفس اى حد عاوز يقضى مصلحه الموظف :- اسمح لى انى اكون زى ابنك واتعلم منك الاب :- انت عارف انى بعتبرك ابنى يخرج الموظف ليستكمل عمله ويجلس الاب فى مكتبه ***************************************** المشهد الرابع ( بيت الحبيب – فى حجرته يرتدى ملابسه ليخرج الى العمل الاخت الصغيره :- اخويا هو انت اتاخرت ليه النهارده الحبيب :- لا ابداً ياحبيتى متاخرتش . لكن واضح انك لاول مره تصحى بدرى الاخت الصغيره :- اه انا برضه اللى صاحيه بدرى ولا انت اللى مانمتش الليل كله من الكلام فى التليفون يضحك الاخ ويقول :-اه يا عفريته بتتجسسى عليا الاخت :- لا انا صحيت على صوتك ونمت تانى اللاخ :- ماشى يا لمضه . انا ماشى على الشغل عاوزه حاجه اجيبها معايا الاخت :- اه طبعاً يعنى صاحيه بدرى وف الاخر مش عاوز تجيب لى حاجه الاخ :- ماشى هجيب اللى تؤمرى به . يلا سلام عشان متأخرش ************************************************** ***************** المشهد الخامس ( الشارع ) الحبيب متحدثا لنفسه :- اه . حلم عمرى اكون صاحب شركه زى الشركه اللى بشتغل فيها صوت داخلى للحبيب :- مش صعب .حاول واكيد هتقدر الحبيب :- احاول ازاى .حاجه زى كده محتاجه فلوس كتيره يعنى محتاجه معجزه فى زمن انتهت فيه المعجزات صوته الداخلى :- لم ينتهى زمن المعجزات ربنا يقدر لكن حاول انك تجتهد ولكل مجتهد نصيب الحبيب هحاول جايز يكون كلامك صح ********************************************* المشهد السادس ( شركة كمبيوتر كبيره يعمل بها الحبيب – زميله يجلس معه فى المكتب ) الصديق :- مالك حالك مش عاجبنى ايه اللى حصل الحبيب :- ما انت عارف كل حاجه . يعنى عجبك حالتنا دى الصديق :- ماله حالنا . بنشتغل وعايشين فى وسط اهلنا الحبيب :- بتشتغل ايه يا صاحبى . مش كفايه ان البنت اللى حبيتها حاسس انها هتضيع بسبب قلة حيلتى الصديق :- طيب انت عاوزايه دلوقتى الحبيب :- نفسى اسافر بره وابقى غنى الصديق يضحك بصوت عالى :-ههههههههههههههههههههههههه الحبيب :- بتضحك ليه ؟ الصديق :- اصل خليتنى احس ان اول ما تسافر هتلاقى الفلوس تحت رجليك الحبيب :- انا عارف انى مش هلاقى فلوس تحت رجلى لكن فى الدول المتقدمه كل نقطة ليها تمن الصديق :- طيب ماحاولتش تشوف موضوع السفر الحبيب :- اشوف ايه بالضبط الصديق :- تشوف اى حد يساعدك الحبيب :- هو فى حد بيعمل خير فى الزمن اللى اجنا عايشينوه الصديق :- انا هحاول اكلم واحد صاحب والدى هاجر بره من زمان وسمعت انه اتزوج هناك وبقى من اكبر رجال الاعمال الحبيب :- ياريت ويكمل الاثنان عملهم ثم يغادرون الشركه ******************************************** المشهد السابع ( الحبيبة تنظر إلى التليفون وكأنها ترقب مكالمة مهمة الحبيبة هو اتاخر ليه النهارده هو نسي موعد لقاءنا الاسبوعي في المطعم يرن التليفون فتلتقط الحبيبة السماعه وتجيب متلهفة الحبيبة :- الو يا حبيبي أنت اتاخرت قوي النهارده الحبيب :- لا ابداً اول ماخلصت اتصلت بك انتٍ عارفة إن حبك هوالدماء التي تجري في عروقي وإن صوتك هو نبض قلبي الذي يخفق بحبك الحبيبة :-لو سألوني عنك هقول حبييبي هو من تهواه عيوني وتعشقه اذاني سماع صوتك حبيبي هوالحياة التي احياها وبدونك لن تكون لى حياة الحبيب :- كفاية احسن نتحسد ويضحك هههههههههه الحبيبة :- تضحك ببراءة شديدة الحبيب :- أنا منتظرك فى نفس المكان على ضفاف النيل الحبيبه :-بلاش النهارده خلينا نوفر الفلوس عشان نقدر نتزوج الحبيب :- لا . أنتٍ عارفة اني بحبك وبحب اشوفك كل لحظة قدام عيوني يلا بسرعه أنا فى انتظارك وتخرج الفتاه متجهه إلى مطعم العشاق **************************************** المشهد الثامن ( مطعم يطل على النيل . طاولة يجلس عليها شاب طويل القامة ينتظر ويلتفت إلى ساعته وتقترب منه فتاة رائعة الجمال الحبيب :- اهو كده المكان نووووورررر الحبيبة :- على اساس اني الشمس الحبيب :- اكيد حبيبتى أنتٍ الشمس والقمر والنجوم وكل لحظة فرح فى حياتي الحبيبة :- يسلام . ما أنت قاعد من بدرى والبنات حواليك كتيره الحبيب :- عيني لاترى غيرك الحبيبة :- متأكد الحبيب :- اكيد متأكد اني عمري ما هشوف غيرك الحبيبة يارب ولكنى خايفه على حبنا يضيع الحبيب :- متخافيش يجلس الحبيبان يتبادلان اطراف الحديث ويحكي لها عن فكرة سفره ويقنعها بعد ان كانت رافضه جدا لفكرة السفر .. بعد ذلك يتركوا المكان ويقوم بتوصيلها إلى مقربة من البيت ****************************************** المشهد التاسع بيت الحبيب صوت جرس الباب يدق يذهب الأخ الصغير ليفتح الباب الحبيب :- مين معاك بره الأخ :- ده صاحبك اللي فى الشركة الحبيب :- خليه ينتظر فى حجرة الضيوف لحد ما اغسل وجهي واجي وقول لاختك تعمل عصير يدخل الصديق البيت ويحضر له كوب عصير يشربه حتى يأتي الحبيب الحبيب :- ازيك ياصاحبى بقالك كتير ما جيتش عندنا الصديق :- ما أنت عارف مشاغل الدنيا الحبيب :- على رأيك أنا الاخر بقالي زمن مش فاضي حتى ازو راصحابى الصديق :- انت مش كنت عاوز تسافر أنا اتصلت بصاحب والدي وهو هيساعدك وكمان وعدني هيبعتلك تأشيرة خلال يومين الحبيب :- معقوله الكلام ده . طيب هياخد كام الصديق :- ولا مليم الحبيب :- مستحيل الصديق :- لا مش مستحيل ده بدأ من الصفر وملقيش حد يقف معاه فعشان كده بيحاول يساعد الشباب انهم يقفوا على رجليهم وهو قال لي انه هيساعدك لكن لازم تجهزالجوازوالتذاكر.ده راجل كبير ومعندوش غير بنت واحده الحبيب :- صديقي مممكن اسالك سؤال الصديق :- عارف عاوز تسالني أنا ليه ماخدتش الفرصه دي.. لأني بحب بلدي ومستحيل اتدفن غير فيها الحبيب :- وأنا كمان بحبها ولكن الظروف اقوى مننا يعنى عاجبك نتعلم وسنين عمرنا تضيع عشان شغل وشوية ملاليم الصديق :- قول يارب وبكره هتفرج باذن الله يستاذن الضيف للرحيل المشهد العاشر الاخت الصغيره فى المطبخ تغسل اكواب العصير الاخ الحبيب :- واخيراً هنبقى اغنياء واتجوز حبيبتي اللى ابوها رفضنى عشان فقير الاخت :- طيب احنا ازاى هنعيش من غيرك الحبيب :- أختى أنا هتصل بك واطمن عليكم تبكى الاخت بكاءا لان اخاها سوف يسافر وتخرج مسرعه إلى حجرتها الحبيب :- يسرع اليها ويحاول تهدئتها المشهد الحادى عشر ( مطعم على شاطى النيل ) الحبيبة تجلس تنتظر حبيبها الحبيب يأتي مسرعاً الحبيبه :- قولى ايه اللى خلاك تتطلب اننا نتقابل قبل ميعادنا الحبيب :- عندى خبر حلو خالص الحبيبه :- قول وفرحنى يحكى لها ماحدث بينه وبين صديقه فتصرخ من وهول المفاجاه وتقول الحبيبه باندهاش : ايه . تسافر وتسيبنى الحبيب :- حبيبتى سفرى ده عشانك انتى لانى لازم اكون جدير بك الحبيبه :- ولكن اخاف عليك من بنات الهوى الحبيب :- لاتخافى يا من تهواكى نفسى فحبيبك يعرف كيف يصون حبك تصمت الحبيبه قليلاً وتقول يعنى كده خلاص مفيش امل تفضل معايا هنا ومصمم على السفر الحبيب : حبيبتى انتى شايفه الوضع فى البلد مهما اشتغلت مستحيل هقدر اكون بيت الحبيبه :- اوعدنى اول يوم ترجع فيه من السفر يكون نفس ميعاد لقاءنا لانى فى نفس التوقيت هكون فى انتظارك لانى لحد ما اموت هفضل فى انتظارك يضع الحبيب يده على فمها ويقول اوعى تجيبى سيرة الموت على لسانك فأنتى روحى التى احيا بها يجلس الحبيبان ياكلان سويا وهما ينظران بعمق وكأن هذا اللقاء هوالاخير المشهد الثانى عشر ( المطار ) الحبيب يتجه إلى أرض الأحلام الحبيب يتحدث إلى نفسه يا الله بلدي وحبيبتى هيوحشوني قوي و فراقهم صعب عليا . هعمل ايه حاولت كتير ولكن فشلت . كان لازم اسافر واسيب ورايا حلم عمري . يتنهض الحبيب بعمق ويتذكر كلمة حبيبته حين طلبت منه أن يعود إليها فقال بصوت عالي ساعود يا حبيبتي . فنظر إليه كل من حوله فى الطائرة فخجل كثيراً من نفسه ثم صمت اخذاً في التفكير فيما سيحدث له المشهد الثالث عشر شركة كبيرة للكمبيوتر – صاحب الشركة فى مكتبه – السكرتيرة تعرض عليه بعض الاوراق ) السكرتيرة :- حضرتك احنا النهارده اصبحنا من اهم الشركات فى العالم صاحب الشركة :- الحمد لله ده كرم كبير من ربنا بعد سنين المر والتعب السكرتيرة :-حضرتك تعبت كتير وربنا مستحيل ينسى أجر من احسن عملاً صاحب الشركه:- ونعم بالله . لكن بنتى قلقان عليها جداً خايف عليها وعاوز اجوزها واحد يعرف يصونها لكن للأسف هي دماغها ناشفه وبتطفش كل اللي بيتقدم لها السكرتيرة :- اكيد هييجي يوم وتقابل إنسان يحبها وتحبه صاحب الشركة :- المشكلة إن كمان اللي بيتقدم بيكون طمعان في مالي نفسي في إنسان يكون جاي عشان يتعب ويشتغل عشان يعرف معنى التعب السكرتيرة :- اكيد هتلاقي إنسان طيب ومتتدين تخرج السكرتيره بعد أن قام صاحب الشركة بإعطاها التعليمات.. وبقى صاحب الشركه في مكتبه حزين ينظر إلى صورة ابنته وهو حزين عما سيحدث لها اذا مات وتركها ************************************** المشهد الرابع عشر الحبيب فى طريقه للشركة – فتاه مغروره تقابله بتكبر وهى ابنة صاحب الشركة ابنة صاحب الشركة :-ايه الاشكال الغريبه اللى بتيجى تشتغل هنا ؟ الحبيب :- اشكرك على ذوقك ابنة صاحب الشركه متنرفزه :- لا العفو حضرتك وتتركه وترحل وهو لا يعلم انها صاحبة الشركة يدخل الشاب إلى مكتب صاحب الشركة ويستلم العمل ويلاحظ عليه صاحب العمل انه شاب متتدين وبعد مرور شهر يطلب منه أن يذهب ليحضر ابنته من المطار . فيذهب وهناك يكتشف ان الفتاه التى قابلها اول يوم جا الشركة هي صاحبة العمل ولكنها حين رأته اخذت مفاتيح السيارة وطارت بها فأخذ هو سيارة أخرى وراءها خوفاً عليها لانها كانت تقود السيارة بجنون ........ وفجاة حدث مالم يكن يتوقعه اصطدمت سيارتها فجرى عليها بسرعة وأخذها إلى المستشفى فاحتاجت الى دماء وكانت فصيلته مناسبه فتبرع لها بدمه وجاء والدها وشكره عما فعله لأبنته والتي كادت أن تموت لولا ان العنايه الالهيه ارسلت لها هذا الشاب . ثم تعافت الفتاه وتغيرت معاملتها له ونسى الحبيب حبيته وتعلق قلبه بابنة صاحب الشركه المشهد الخامس عشر الحبيبة تتصل بأخت حبيبها لتطمئن عليه الاخت الصغيرة :- احنا منعرفش عنه اي اخبار الحبيبة :- طيب والحل! اقولك لو قدرتى توصلى لشيء طمنئينى تغلق التليفون وهى محتارة وقلقة عليه المشهد السادس عشر ( فيلا صاحب الشركة – صاحب الشركة يتناول الإفطار مع ابنته ) صاحب الشركة :- أيه رأيك في الشاب اللي اشتغل في الشركة جديد الابنه :- من ناحية ايه ؟ صاحب الشركة :- اخلاقه وتدينه ويترى ترضى يكون؟؟؟؟؟؟ ويصمت تضحك الابنه وتقول :-اه يعنى عريس مثلاً هو بصراحه شاب مؤدب واخلاق ومحترم غير كل الشباب الى قابلتهم هنا. ده بالعكس كلهم بيحاولوا يتقربوا ويكلموني وهو بيبعد صاحب الشركة :- طيب شوفيه هو عاوز ايه الابنه تتحدث وهى مسرعة خارج الفيلا اوكي هشوف واكلمك ******************************************** المشهد السابع عشر الحبيب يجلس يفكر فى محبوبته ويتذكرها ويقول " طال غيابى عنك يا حبيبتي " وفى نفس اللحظه تظهر امام عينيه صورة ابنة صاحب الشركه فتبدأ صورة الحبيبه فى التلاشى تتدريجياً – تتصل به ابنة صاحب الشركة وتكلمه فيتعلق بها وكأنها جاءت لتمحو كل حبه لحبيبته المشهد الثامن عشر حفل زفاف يتزوج الشاب ابنة صاحب الشركه وتمر عليهما سنتان وينجبا طفل غاية في الجمال ويتذكر الحبيب ما حدث حين احب زوجته هذه وكيف رحب به والدها وبارك الزواج وتذكر كلامه مع صاحب الشركه ووالد زوجته صاحب الشركه :-يا ابنى انا منتظرك من زمان لاني اتمنى تكون زوج ابنتي الحبيب بإستغراب :- ليه ؟ صاحب الشركه :-لانى كنت براقب اخلاقك والحمد لله ممتاز ومستحيل هلاقى حد احسن منك لبنتي ثم يعود الحبيب من سرحانه على صوت بكاء ابنه المشهد التاسع عشر العوده إلى بلادي يقرر الشاب العوده إلى بلاده ونسى أن هناك قلب لا يزال ينتظره فى نفس الموعد ونفس المكان .. فيطلب من زوجته ان يسافرا إلى بلده لانه اشتاق كثيراً لهم فوافقت ويصلوا إلى هناك وتتطلب منه حين ترى المطعم فى طريقها أن تأكل هناك فحاول ان يمنعها ولكنها اصرت على الدخول للمطعم فيوافق المشهد العشرون بيت الحبيبة الام :- يا بنتى بلاش تتضيعى العريس اللى متقدم لك الحبيبة :- مستحيل اضيع حبيبي وتخرج باكية لتذهب لتنتظر الحبيب الذي طال انتظاره *********************************************** المشهد الاخير مطعم على ضفاف النيل فتاه تجلس وتبكي بمفردها – صوت اقدام الفتاه تتذكر كيف كان حبيبها يمشى هكذا وتلتفت إلى الخلف وتصرخ من هول المفأجاة واذا به حبيبها والذي قد نساها وتجد معه سيدة اخرى فتساله الحبيبة :- من تكون هذه المرأه الحبيب :- هذه زوجتي تنصدم الحبيبه من المفأجاة فتسقط مغمى عليها فيتركها ويمضي شكراً لحضراتكم جميعاً تحياتي لكم من مصر الغالية / منى |
رد: لحظة وداع
وسيطول الانتظار
موووفق |
رد: لحظة وداع
قصه رائعه الابنه منى مع تحياتي |
رد: لحظة وداع
اين كانت غائبة عني هذه القصة
سلمت يداك وتمنياتي لك بالتوفيق |
رد: لحظة وداع
لك نفس طويل في تصوير المشاهد
سلمت يداك على رائعتك موفقة اختي العزيزة |
| الساعة الآن 05:29 PM. |
Powered by vBulletin® Copyright ©2000 - 2024, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |