يبه شلونك
 

يبه شلونك

يبه شلونك

ملل هالكون من دونك ..

يبه شلونك ؟؟

وتمضي رحلة الدنيا..

بليا طلة عيونك..

يبه شلونك ؟؟

وشلون المرض وياك ؟؟

بعد ماهدك بدنياك..

عساها تغمض جفونك ؟؟

تبي تدري عن احبابك ؟؟

عن عيون تغنا بك ؟؟

عن قلوب دفنها الشوق..

واذا جاها الغفا جابك ؟؟

.. يبه امي تخيلك دوم

تغني لك مع القمرا..

يبه واللي خذاك بيوم..

خذا بكريتك عفرا..

خذا.. وياماخذا.. وياما..

خذا ناس يحبونك

يبه حنا غدينا كبار..

توفقنا وتخرجنا..

يبه ماعاد فيه صغار..

يموج بهالزمن كل شي..

وحنا ماتموجنا..

على ذاك العهد نسري..

نبيع العمر والدنيا..

ولا تخلف بنا ظنونك

يبه شلونك ؟؟

تبي تدري عن اخباري ؟؟

عن افكاري وتذكاري ؟؟

اشيلك داخلي جمره ..

وبعيون الحزن عبره..

تغرقني .. وتحرقني..

اشوفك نجمة تجبر..

مراعيها .. يراعيها..

واشوفك للرجوله اسم..

اذا شد الزمن تقسى..

واحلم من معاني الحلم..

احسك مقبل بكرى..

وعيا لايجي بكرى !!

يبه تذكر زمان مر؟؟

لاقالو عمر؟؟

هو احلى مابهذا العمر..

يبه تذكر مجالسنا ؟

مقلطنا ومجلسنا ؟

وحارتنا ومسجدنا ؟

يبه تذكر هدايا العيد ؟

صلاة العيد؟ وبشت العيد؟

يبه تذكر سوالفنا ؟

لاجل هذا ..

وكل هذا ..

اقول اليوم يابيي ..

ملل هالكون من دونك

الشاعر: مسفر الدوسري

قصيدة كتبها رثاء لوالده رحمه الله

كم من ابن يعيش مع والده ولا يعيش

وكم من ابن فقد والده ولم يراه

وكم من ابن يبر والديه اليوم؟؟ ...

صيد موفق صائد والله ما يحرمني والدي

تحيتي

رووووووووعة
بجد جميلة جدا
رائع انت في اختياراتك
شكرا لك كثيرا

يسلمو صائد على الكلمات والاختيار الرائع
بصدق تذكرت والدي رحمه الله
سلمت على نقلها لنا

لاجل هذا ..

وكل هذا ..

اقول اليوم يابيي ..

ملل هالكون من دونك

مشكور صائد الافكار على القصيدة المؤثرة

شكرا لك على القصيدة المميزة بكلماتها ومعانيها
راقت لي
تحياتي

روعه
لا حرمنا من هالكلمات الروعه
مشكووور