منتديات المُنى والأرب - ارجع لبيتك ما نستغناش عنك

منتديات المُنى والأرب (http://www.arabna312.com//index.php)

- الشاعر شوقي غنيم (http://www.arabna312.com//forumdisplay.php?f=296)

- - ارجع لبيتك ما نستغناش عنك (http://www.arabna312.com//showthread.php?t=32796)

ارجع لبيتك ما نستغناش عنك

ارجع لبيتك ماستغناش عنك
للشاعر المصرى شوقى غنيم
***********
ارجع لبيتك أنا عايزاك ماستغناش عنك
ابنك وبنتك عايزين رضاك حنية قلبك
وانا وياهم حستناك عشان بنحبك
ما تسبناش وحدينا ماتسبناش
بعدك معزبنا مابيرحمناش
خدنا ايه من بعدك ماكسبناش
والحب اللي بينا حيضيع ويروح بلاش
*******
طال السفر والبعد له أثر على القلوب
من الفكر والسهر اللي يخلي الحجر يدوب
وكنت في القرب كنت الدوا كنت الطبيب
والروح للقلب والفرح والهنا وأخلص حبيب
من كل دا انحرمنا في البعاد اتألمنا
شوف ايه بيجرالنا لما بتغيب
********
ارجع لبيتك ضاع من عمرنا الكتير
قلبي تعب من كتر السهر والتفكير
ولادك عايزين حنيتك موش م الغير
وارحم قلبي السجين قلبي الأسير
*******
اتحرمت من الحضن اللي كان مدفيني
اتحرمت من الأمن
وسهرت مع الفكر
ياخدني ويوديني
وعشت ويا الحزن والألم والدمع في عيوني
وانت جنبي أى شيء كان بيرضيني
بدال مابتضيع سنينك وتضيع سينيني
وفي يوم من البعد حيضيع الحب اللي بينك وبيني
ارجعلي يا حبيبي
ارجع لابنك لبنتك ارجع لحبك دفيني
ارجعلي تاني يا نور عيوني
************
xzxzolz