[محمد ماهر مرعي]

كأني الناي..
ونفخة صدرك المخنوق
يزيد خنقه
و تلمس للفؤاد اوتار
تقول اسرار..
يقوم السكر المنثور.. على خدي
يعاتب شفتي الجافه
كده خايفه...
وانا خايف..
خلاص ياستي مش آسفه..
ولا آسف
و هرقص حتى يوم ما الفرحه ..
تلمس طرحة الفستان
تقولي جنان ..
اقول مجنون ..
ههد الكون ..
و اهدك حتى في عيني
وتهديني
و مكتوبلي اغني للفرح بدموع ..
دموع عيني
اقول ممنوع..
تقوم شاده بايديها الروح
انين مسموع
و مهما اجي ولا اروح..
هتفضل رغم طعم الموت.. بتحيني!
محمد ماهر
6/1/2016