[بلا عنوان]

من اجمل قصايد الشاعر الراحل طلال الرشيدي

بعض قصائد الراحل



مكانك .. مكانك


أموت من فرقاك .. و أموت بلقاك
وأموت من جورك .. و أموت بحنانك

كلٍ قضاه يموت مرّه .. و يفداك
و أنا أموت ألفين مرّه .. عشانك

أذكرك.. لا مني نسيت إني نسيتك
أنساك .. لامني ذكرت نسيانك

رضيت أنا بالهم لرضاك مرضاك
و ارخصت لك قلبٍ جرحته .. وصانك

أجيك في صدري عتاب .. و أبجفاك
و أرجع ألوم الوقت و أقول خانك

أحب فيك .. احساسي إني بلاماك
في عز خوفي منك أحس بأمانك

عجزت أفرق بين وصلك و فرقاك
ياللي عطيت الناس بيدك عنانك

مر تجــــيــــني لين أقول إنـــي إيـاك
و مر تروح بعــــيـــــد و انسى أوانك

أقبل و تقفي .. و اعتذر عن خطاياك
و أقول ما عييت .. عيا زمانك

و إن خانتك دنياك .. أو خنت دنياك
إرجع و تلقابي .. مكانك.. مكانك








أحساسي .... طير

الليله احساسي غريب
عاشق وانا مالي حبيب
حبيت ... كل الناس لاموني
حبيت ... كل احبابي باعوني
قلت احب الحب احسن
قلت احب الحب اضمن
لا احن .. ولا اتوه
ولا بعد في يوم احزن
......
رضيت باقداري ونصيبي
صرت محبوب الحبايب
وصار كل عاشق حبيبي
الليله غير
شعوري غير
اشواقي غير
حتى الاغاني غير
صدري سما .. واحساسي ... طير
......
بس طيفك ماتركني
ظل ساكن تحت جفني
كان وافي
كان يذكر .. وانت جافي
انت وينك ؟
كان هذا الفرق مابيني وبينك
جيتني تشكي الزمن
وجيتك أبي أدفى
لقيت في قلبي وطن
ولقيت بك منفى






يابعد حيي

اليوم يا بنت من زيــي .. الشمس واردت على ضيي

جيت انتخي بالوجيه البيض .. يا عزوتي يا بعد حيــي

الجادل اللي حلاها غيــر .. ضيعت في شمسها فيـي

بعيونها سلسبيل رمــاح .. والموت بالسود متهيـي

موت وانا اموت انا بالموت .. كثيرها غرق شويــي

لا قلت تكفين قالت جاك .. وان جيتها فجأه تعيــي

ولا قلت مالي و مال الغيد .. قالت وهم بينهم زيـي؟

وان قلت انا تبت مالي كار .. مقفي زمانين عن غيـي

قالت وهي تلتفت للناس .. طلال موته على يديــي