[دمعة معذبة]

أكبر كذاب

تلات شباب ساكنين مع بعض خلف وشريتح وعمر

شريتح بيقول للشباب قوموا اعملولنا كاسة شاي.. قالوله ليش ما تقوم انت ؟
قلهم ماشي خلونا نعمل شغلة الي بيكذب أكبر كذبة الاثنين الباقين بيعملوا الشاي

ابتدا خلف يحكي ويقول:
مرة يا جماعة الخير أنا ما شي في نيويورك الساعة 3 الصبح في الداون تاون بدي أدخن سيجارة.. سمعت صوت حركة فوق العمارة.. اطّلعت.. والا شفتلكم قط لاحق فار ..والفار هربان بأقصى سرعة والقط وراه.. المهم نط الفار على العمارة الثانية.. إجا القط بده يلحقه.. قصرت معه ما وصل.. ظل ينزل يمكن ربع ساعة وصل متجمد ضرب في الأرض اتكسر متل الزجاج .

إجا دور عمر
هدا مرة يا جماعة أنا ماشي في الشارع.. شفتلكم بياع ترمس على عرباية كبست عليه البلدية.. هرب الزلمة مع العرباية.. هو يركض وهم وراه.. وقعت حبه ترمس منه.. مثل الصاروخ نزلت الحبة تحت سيارة وهو وراها طلعت على الرصيف ظل وراها.. المهم مسكها ورجع راكض على العرباية وكمل.. والبلدية ما مسكته .

إجا دور شريتح
ياجماعة الخير أنا قاعد في البيت بلعب بلي ستيشن.. اجتني امي وقالتي روح جيب كيلو سمسم من الدكان..أنا رحت متل الصاروخ ورجعت بكيلو سمسم.. المهم أول ما دخلت البيت وعطيت امي الكيس اطلعت فيه وصارت تسبني مسبات فظييييعة.. ولك ليش ضحك عليك صاحب الدكان ؟ في حبة سمسم ناقصة !!!
إذا ما بتجيبها ما بتنام في البيت ..المهم أخدتها على قد عقلها ورحت عند صاحب الدكان وقلتله في حبة ناقصة .. اطلع فيي وقلي روح من هون أحسنلك انت حرامي أنا عطيتك كيلو والحبة كانت معهم..
ولعت معي بدي اضربه.. دخل علينا ختيار وقال: شو في مالكم متخانقين..؟ قلتله القصة..
قال والله كلام صاحب الدكان صحيح لأنه أنا قبل شوي شفت نملة طالعة في الحارة فوق معها حبة سمسم.. الحق حالك قبل ما توصل بيتها..والله يا جماعة واكبسها وراها.. شفتها و شافتني.. اجت عيني في عينها..وهربت.. هي تركض وأنا أركض.. المهم قربت توصل بيتها.. وشفت حديدة على الأرض مسكتها ورميتها على النملة..اجت الحديدة في نص حبة السمسم..انقسمت نصين نص صار زيت بريك والنص الثاني زيت طحينية .

ولعت مع عمر وقال لخلف قوم يا ولد
قوم نعمله شاي.. قوووووووووووم


تابعوني+++++++++