[شوقى غنيم]

لا يا جمال
*******
كتبت يوم 9 يونيو 1967
********
حنرجع الارض السليبه فلسطين الحره الحبيبه

والعدو مهما طول...... فى أرضنا نهايته قريبه

واللى قام على الظلم لا بد يوم ينهد

مهما كان عنده من عتاد من قوه ما تنعد

حيلقى يوم قوه صامده ما تخلى منهم فرد

*******

لا ياجمال يا بانى أعظم سد

لا يا بطل بالاراده وبالقتال

بالوحده بالايمان بالجهد

حنرجع الارض

دى مطالب كل الشعب تتردد من كل فرد

ما حد غيرك رئيسنا غيرك ما يكون حد

********

لا يا جمال دا احنا منك وانت منا

لا يا بطل مستحيل تتخلى عنا

للابد حتبقى بينا دا المحن بتعلمنا

والعدو مهما اتقامر موش حيخفض

يوم اعلامنا

والوحده الشامله هىكسب وبرهان

عل انتصارنا

ان كانت دى نكسه ان ضاعت منا فرصه

نقابلها بايمان وصبر

ما نستسلمشى لاى صدمه ونصبر على كل محنه

ما دام باقلنا على الارض عمر

وفى يوم حنحرر وطنا والحق سانده ايمانا

ما فيش ابدا مفر

وحنهتف وانت بينا يا جمال يا ناصرنا

تعيش طول العمر

والتاريخ اللى كتبته واللى اتبنا عليه مصيرنا

حيفضل يحكوه ولادنا

يا ابو خالد مدى الدهر

********

والحمد لله انتصر شعب مصر

بعد هذه النكسه اللتى تعلمنا منها

فى السادس من اكتوبر عام1973

وهذا الموضوع اقدمه لشبابنا الذى لم يكن

متواجد فى هذه الفتره من تاريخ مصر

ووقوف الشعب المصرى والعالم العربى

مع جمال عبد الناصر الذى اراد التنحى

عن الحكم وخرجت جموع المصريين من

منازلهم يهتفون باسمه ومطالبين له بعدم

التنحى والوقوف بجانبه فى هذه المحنه اللتى

مرت بالبلاد وكذلك وقف بجانب مصر كل الشعوب

العربيه

وهكذا تظهر قوة العرب عند المحن والشدائد

وان شاء الله سيكون موعدنا فى المسجد الاقصى

**********
ويعيد التاريخ ثورات مصر الخالده
فقد قامت ثورة في مصر ثورة25 يناير
2011 ثوره شبابيه ضد الظلم وتوريث الحكم
ساندها كل الاحرار من شعب مصر ونجحت
والحمد لله واصبحنا احرارا بعد ثلاثون عاما
من الحكم الظالم
شباب ضحوا بارواحهم رووا ميدان التحرير
بدمائهم الغاليه
تحيه لهؤلاء الشهداء
**********