[وفاء بنت غزة]

لاجئ فلسطيني ...كل الاحترام

أسمك :أحمد

نازح ولا لاجئ

لاجئ هيك حكولي

وين عايش : في مخيم ..

شو المخيم .:. المخيم عبارة عن منطقة كبيرة الناس فيها فوق بعض

من نفس البلد ولي هي فلسطين

وينها فلسطين : سرقوها اليهود

مين جيرانك .. إيشي من حيفا وإيشي من نابلس .. وإيشي مدني

وإيشي بدوي وإيشي فلاح !!

كيف تفاصيل دراكو: دارنا !!.. مفش صالة .. مفش صالون .. مفش تقول لصاحبك أدخل ..

وين بتقعد .. ببساطة على الرصيف .. بنجيب كرتونه .

.وبنقسمها .. ووبنوزع الدخان بيناتنا ..

بدخن : اه بدخن

المخيم في الصيف : فرن يا خوي فرن

الناس من الجو .. محداش بيقدر يفتح شباك على جارو .. ناس فوق بعظها ..

كــل واحد حاطه مروحه ووبتزن فوق راسو ..

وين درست : وين يعني في المخيم بمدارس الوكالة

..شو هاي مدارس الوكالة : مدارس مش تابعة للحكومة . كــل

50 طالب بصف ..ومصروفك ( شلن)* ..بشتري فيه سيجارتين

ميـــن صحابك : ..كل المخيم صحابي .. الهامل والكامل ..


الدارس والصناعي .

.شو هواياتك .

. فطبل هو في غيرو .. في الحارات بين الزقق ..سطلين زبالة

على شكل مرمى .. وأهبل واحد هو الحارس والباقي .. بطاردو

ورا الفطبل ..واللعبة عشر دقايق لانو راح نطرد وينسب على أبونا كمان .

.شو كمان هواياتك .

أه المطالعة بس ما بخلونا نروح على المكتبة .. دايماً ولاد

الاساتذة بروحو وبشاركو بالمسابقات إحنا لا

ليش ؟ قال بنسرق الكتب . او بنمزعها فبخلوناش نروح

..أبوك شو بشتغل يا احمد :أبوي طوبرجي بنزل اشتغل معو ايام العطل .

شو بشغلك : بعطيني ( العتلة )* أخلع مسامير عن الخشب

!!بتعرف ترسم يا احمد

: اه بعرف

شو بترسم , مناظر طبيعية ولا شو

لابعرف بس أرسم حنظلة ..

مين حنظلة ..

بعرفش ولد لاف وجهو على الحيط كثير مرسوم بالمخيم ورسمتو

مره على حيط غرفتنا

ابوي قتلني ..

شكرا يا احمد ..