[شوقى غنيم]

ليه دمنا يروي الشوارع
راح فين حبنا اللي بينبض في العروق
ليه يا ابن بلدي أنا وانت بنتصارع
يتموت يموت ويبات قلب أمنا محروق
موش أحسن نحمي بلدنا وبيوتنا والمصانع
ويكون التعامل بينا بالرحمه والزوق
موش بالعصا والحجاره وطلقات المدافع
وعدوي وعدوك يصبنا برصاصه من فوق
ويوقع بينا ويقولك عن الشرعيه دافع
لحد ميشعل بفتيله بينا الحروق
ويشجعك بهتافاته انت رائع
بعدها تندم لانك ضربت أخوك الشقيق
ويعلا صراخ الأم اللي قلبها والع
على ابنها اللي اتقتل
أو على طفلها اللي ضل الطريق
اللي راح ومن تاني موش راجع
ياللا انا وانت نصحى ونفوق
عشان بلدنا ياللا نتصافح
ونتقابل بحب وبشوق
*************