حدوتة مصرية

[حنان عرفه]

حدوتة مصرية

في كل مكان يابلد بنادي فين حق ولادي

طلباتنا طلبات إنسانية لاهي عجيبة ولا غبية

بنقول

عيش .. حرية .. عدالة إجتماعية

إيه الغلط في كلامنا ياللي بتقولوا بلطجية

انزلوا وشوفوا شباب بلدنا زهور مفتحة وندية

شايلين أرواحهم على كفوفهم

مايهمهم رصاص ولا عسكر ببندقية

بينادوا في كل ميدان فيك يامصر

حق الشهيد ويا النصر

بلاش مسرحية هزلية عنوانها محاكمة صورية

فين مبارك .. فين العادلي

مبارك نايم عالسرير والعادلي جنبه غفير

ياللي بتتفرج علينا ليه مانزلتش تقوى بينا

شباب أطفال وياشيوخ ... بنات مع ستات البيوت

كله بيهتف قوم قوم يامصري حقك مهضوم

جوه الجامع جوه كنيسة حكم العسكر ده مش لينا

أول هام يا برلمان لازم تحاكم الجبان

اللي باع الغاز والزيت وغلى علينا الاسعار

ليه الغاز في تل أبيب واحنا يامصر مش لاقيين؟

ليه غليتوا علينا عيشتنا علشان الناس تكره ثورتنا؟

مهما عملتوا ومهما كان المصري عمره ما يبقى جبان

وكل رصاصة هتقوينا مهما قتلوا عماد مع مينا

روحوا اسألوا عالقناص فين عيون الشباب

لو كان الامر ياناس بايدي .. كنت دوقتوا من نفس الكاس

ثورتنا مستمرة لتحقيق مطالبنا

عيش .. حرية .. عدالة إجتماعية

ودي ياناس حدوتنا

حدوتة ثورة مصرية

[ورد بعد]

حكاية الشعب الثائر
مهما طال الزمان
الأصيل يبقى و الخائن يغادر
.
حنان عرفه
اشتقنا إلى قلمك
و ها هو يعود بلغة الأصالة و الحرية
.
ألف تحية
ورد

[أبو جمال]

الأصيل بيضل اصيل
حياك الله اختنا الغاليه
أنا كلي يقين بأنها مسألة وقت وآمل أن لا يطول لتعود لنا أرض الكنانه
وشعبها الأصيل لقيادة الأمه العربيه نحو التحرر والحياة الكريمه لكل العرب
دمت ايتها الأديبه المميزه

[ناجي أبوشعيب]

الأخت حنان
حمدا لله على سلامتك وعود أحمد بإذن الله
نبض جميل بورك فيك
نقل الى المكان الأنسب
تحياتي

[السهم المصري]

الأخت الغالية حنان عرفه
ها قد عدتي بنبض الثائرة القوية الثابتة على الحق

كلمات رائعة وأكثر
وسينتصر الحق مها علا الباطل

شكرا لك
وحمد الله ع السلامة

[shreeata]

اكيد منوره عزيزتي حنان
وحدودته رائعة وجميلة
والف حمد لله علىسلامتك
سلمت لنا
تحيات لك

[أرب جمـال]

اهلا بحنان وحدوتة حنان وقصة الميدان ..
لاشك ان من يكون بين الشعب الثائر يكتسب خبرة اكثر من الذي يجلس ويراقب
قلب نابض بحب مصر ..
عبّرتي عن الوضع القائم بروح ثورية
سلمت الايادي حنونة

[المفتش كرمبو]

عادت حنان يامصراويه

وقلمها بيرن فى وش اللى بيكرها

واللة اشتقنالك يحنان

[ابو فداء]

منوووره حناااان
بجد نورتي المنتدى
أشتقنالك كثيررر
لا يحرمنا منك ومن قلمك

[وطن في الذاكرة]

الأخت حنان عرفة /

تحياتي لهذه الروح التي تحمل بين طياتها عنفوان الثورة والوطنية

ودمت بكل المجد والإباء

وعاشت مصر عظيمة برجالها ونسائها

وطن