آسفه يا حبيبى مانيش اللعبه اللى فى ايديك

[شوقى غنيم]

آسفه يا حبيبي ما نيش اللعبه اللى فى ايديك

تيجي وقت ما تيجي تروى العطش اللّى فى عينيك

وتخدرني بكلام تقوله أنا فى الدنيا اللى ليك

الكلام ده كتير سمعته ومن بحور كدبك ارتويت

ياما فى بعادك صبرت ياما فى هجرك انكويت

ياما رسايل ليك كتبت وما ترودش وتقول نسيت

***************

أنا آسفه بقولك يا حبيبي أنا آسفه آسفه نسيت

لأنك ما بقتشي حبيبي وما بقتشي فى الدنيا النصيب

وحدور على قلب غيرك ودا آخر كلام منه انتهيت

وموش حفكر تاني فيك دى مرحله ومنها عديت

******************

الحب موش ذى ماانت فاهم الحب موده واخلاص

وانت فى حبك كنت راسم تقضي وقت معايا وخلاص

وانا موش بتاع الكلام ده أنا حبي ذى حب كل الناس

ينتهي بعش هادي مبني على أكمل أساس

مالقتشي منك حاجه من دي والحمد لله عرفتك على حقيقتك

عايزه اللى أحبه يكون سندي موش شفتني بس وشفتك

عايز يتسلى بس بيّه وابقى أسيره لك وملكك

عايزه اللي أحبه يكون قلبه طاهر

موش اللي يمثل عليّه ويتظاهر

اللى يخبط على بيتى وييجي

هو ده اللي أقوله حاضر

هو ده اللي اديله حبي

هو ده اللى أملكه قلبي

**********

[ميارى]

كلمات بسيطة بلهجتها المصرية المحببة والقريبة من قلب كل عربي, ومعانيها العميقة التي تتوجه بالنصح والإرشاد بأسلوب هامس حاني بعيد عن الغلظة والفظاظة, اخترت أن تكون نصيحتك لكثير من الفتيات اللاتي يركضن وراء الكلام المعسول على لسان بنت منهن تكون قدوة وتعطيهن مفهوما جديدا عن معنى الحب الصادق :
عايزه اللى أحبه يكون قلبه طاهر

موش اللى يمثل عليّه ويتظاهر

اللى يخبط على بيتى وييجى

هو ده اللى أقوله حاضر

هو ده اللى اديله حبى

هو ده اللى أملكه قلبى

جميلة هذه الدعوة للطهر في عالم تدنست فيه الكثير من المعاني والقيم , وجميل هذا الأسلوب في النصح والتوجيه عندما يبتعد عن الوعظ المباشر والأمر والنهي .
ألم أقل أنك القلم الحاني هنا ؟ جزاك الله كل خير

[شوقى غنيم]

اقتباس : المشاركة الأصلية كتبت بواسطة ميارى [ مشاهدة المشاركة ]

كلمات بسيطة بلهجتها المصرية المحببة والقريبة من قلب كل عربي, ومعانيها العميقة التي تتوجه بالنصح والإرشاد بأسلوب هامس حاني بعيد عن الغلظة والفظاظة, اخترت أن تكون نصيحتك لكثير من الفتيات اللاتي يركضن وراء الكلام المعسول على لسان بنت منهن تكون قدوة وتعطيهن مفهوما جديدا عن معنى الحب الصادق :

اقتباس : المشاركة الأصلية كتبت بواسطة ميارى [ مشاهدة المشاركة ]

عايزه اللى أحبه يكون قلبه طاهر موش اللى يمثل عليّه ويتظاهر اللى يخبط على بيتى وييجى هو ده اللى أقوله حاضر هو ده اللى اديله حبى هو ده اللى أملكه قلبى جميلة هذه الدعوة للطهر في عالم تدنست فيه الكثير من المعاني والقيم , وجميل هذا الأسلوب في النصح والتوجيه عندما يبتعد عن الوعظ المباشر والأمر والنهي . ألم أقل أنك القلم الحاني هنا ؟ جزاك الله كل خير

أشكرك ابنتى ميارى على هذا الرد اللذى كان شموع

تضيئ كلماتى وتعبير صادق عن خاطرتى ومشاركه

فى تقديم الوعظ والارشاد لبناتنا المقبلين على الزواج

والله ارتاحت نفسى لردك الاكثر من ممتاز وصدق

احساسك بما احسست به وايضاح لمقصدى فى كلماتى

بارك الله فيكى يا عزيزتى مع أخلص تمنياتى لكى بالسعاده