يوميات اناهيد وعبد المجيد..الحلقه الثالثه ..بقلم ميـــــــــــــــتو ومنـــــــــــار

[Laila mhd]

فى زاويه من زوايا المكتب تتربص كاميرتنا الشقيه وتترقب رد فعل أناهيد
أما عرفت ان أستاذ الاسانسير (الدى موديل)
هو نفسه عبد المجيد افندى اللى هيدربها على شغلها الجديد تعالوا معانا نشوف ايه هيحصل بينهم>>>

وبنظره سريعه خاطفه بصت أناهيد على عبد المجيد
من تانى بس المره دى خايفه تضحك او تبين أى ...ري أكشن ... اناهيد بتكلم نفسها
خلاص بئا يا أناهيد مينفعش تتكلمى او تبينى إستياءك واندهاشك من المظهر العام لمديرك !
عدي يومك على خير لحد ما تعرفي هتتصرفي ازاى مع مدير متاحف الشمع ده
......................

وطبعا عبد المجيد افتكرها
اه هى دى صاحبة النظرات العميقه الفاحصه فى الأسانسير...
قامت أناهيد سلمت على عبد المجيد افندي
وعرفت نفسها

أنا أناهيد عبد العظيم يوسف

إستلمت الشغل النهارده

وبعتنى مدير شئون العاملين وقال إن استاذ عبد المجيد هيقوم بتدريبك ....
بصلها كده باستياء....!!

راجعت نفسها وقالت عبد المجيد افندي ...سوريي

فرحب بيها وقال مدير
الشئون قالى

اتفضلي اهلا بيك بينا>> ابتسمت وقعدت >>
تتنقل كاميرتنا لتكشف تعابير وجه كل من بطلينا وتمتمتهم ومايدور بخواطرهم
>>>>>>>>>>>>>>>>>>>>>>


دارت الكاميرا وأخدت زوووم على وجه الاتنين

تعابير غريبه عبد المجيد لسان حاله بيقول ... ايه البنت دى وايه اللبس المبالغ فيه ده وكل ده مكياج

أناهيد بتكلم نفسها معقوووول فى كده؟

خارج من من فيلم ابيض واسود هو فيه كده لحد دلوقتى خارج من مغاره ياخرب بيت عقلك
مفيش مول فى الطريق ولا فاترينا فيها اى مليكان مش بتشوف تليفزيون متعرفش اى مجله حتى نصف الدنيا
ولا نصف الأخره حتى ... ياساتر

‏

وانقطع طبعا خيال أناهيد وانفرادها بمحادثة نفسها

أما طلبها عبد لمجيد أفندي وطلب منها كتجربه تعمل دفتر يومية المدفوعات الشهري

علشان يشوف شغلها

وهي طبعا لسه جواها كلام فبتقول......


...مدفوعات ايه اللى هسجل يومياته اول يوم في شغل

هسجل غرامات وديون ع الشركه سبحان الله نسخه من حسين صدقي فى افلام ليلي مراد ولسه بتكمل انتبهت ان عبد المجيد موجه لها الكلام

فردت بسرعه من غير تركيز ايوه معاك يا حسين افندي

هو كمان اسرع منها رد عليها عبد المجيد أفندى يا انسه شريهان


ومازالت كاميرتنا مراقبه الحوار
اناهيد بتبص للساعه كل شويه عاوزه ترجع للبيت بسرعه

نفسها تحكي لأمها واخواتها عن يومها وكمان خلاص بدأت تتخنق

عبد المجيد ..لو سمحتى يا آنسه اناهيد هاتى الملف اللى على الرف التانى فى الشمال دا

بتروح اناهيد تدور وهى بتحكي مع نفسها هو ايه ده مسمعش عن حاجه اسمها كمبيوتر ده دخل كل المصالح الحكوميه
عبد المجيد بتقولى حاجه يا آنسه ناهد

أناهيد يا عبد المجيد افندى

لا حضرتك انا بدور على الملف
يا فندم بس كنت بسأل انا كنت أخدت كورسات محاسبه بالكمبيوتر واختبروني فيها فى الانترفيو

هو احنا مش هنشتغل بالكمبيوتر

هنشتغل أكيد بس لازم تتقنى اليدوى الأول

وبعد كده الكمبيوتر ....اهم حاجه تكوني فاهمه يا آنسه

حاضر يافندم .. وآدى الملف لقيته هعمل يومية المدفوعات واجي لحضرتك
منتظرك

وبعد دقايق رجعت اتفضل عبد المجيد أفندي شوف كده

بيبص ع المجيد أفندي
ايه دا يا آنسه
دي منظر تسطيرة جدول
وفين التواريخ
وليه هنا مش كتبتى ان في كمبياله

واسم العميل هنا مش واضح

لأ كده انت عاوزه تتعلمى من اول الصفر

ردت اناهيد وقالت....
تحت امر حضرتك اكيد معاك هتعلم كتير

حس عبد المجيد انه مزودها شويه مع اناهيد وقسى شويه

سأل نفسه ايه يا واد يا عبده بتعاملها كده ليه هتكرهك من اول يوم ده شغل مش مدرسة

ابتسم وقال يا آنسه تقدرى تقفلي الملفات دلوقتى مش هتلحقي تكملى معاد انتهاء العمل قرب
اخدت اناهيد نفس جامد أووووووف يا ساتر ايه انسان الغابه ده اللى هكمل باقي حياتى العمليه معاه يارب استحمل يااااااساتر عليك راجل حاجه خنقه

وانتهى اول يوم شغل


ونزلت اناهيد لقت أمجد منتظرها عند الباب
سلمت عليه يلا حبيبي انا هموت واوصل البيت
ركبوا عربيتهم وطيران على البيت
‏.
‏.
لحد كده انتهت حلقتنا
هننتظر ونشوف ف الحلقه الجايه هيكون ايه
وإيه موقف عبد المجيد أفندي
هى قالت انها هتحكى لمامتها طب ياترى عبد المجيد أفندي هيعمل ايه ؟
‏
كل الأسئله دي وأكتر إجابتها فى الحلقه الجايه
‏
إنتظرونا>>>>
‏

أرق ورده
‏
بأقلامنااا
‏
منااااااااااار ¤¤¤ ميتو عاشق الفن

[Laila mhd]

............ اسفه للتكرار

[أرب جمـال]

منار وميتو
بدون مجاملة تنقلون الواقع بشكل جميل فالموظفة في اول يوم عمل لها تنتقد في داخلها كل شيء ولا تشعر ايضا بنظرات من حولها ولكن لاحقا حين تصبح موظفة قديمة في وظيفتها وتختلط بزملائها يبدأ الاعتراف من كلا الطرفين.

انتظركم احبائي

تحيتي لكما يا ارق ثنائي

أرب

[حنان عرفه]

منار ،،،، ميتو

بجد يوميات رائعة ولذيذة جدا

اروح اشوف الحلقة الاولى والتانية

[ياسر]

منااااااااااار ¤¤¤ ميتو عاشق الفن

سلمت يداكم ...


متابع معكم

دمتم بخير .......

</b></i>

[محمد ماهر مرعي]

سعدت جدا بقدومك ... ارب جمال
تلك هي البنت وذاك الشاب ...
وللحب دوما رأي اخر
ميتو ومنار
رفقاء عمر ...

[Laila mhd]

أرب
حنان عرفه
ياسر
منورينا
اسفين على التأخير بالجزء الرابع
محبتنا
ميتو و منار