حاضنه الكل فى أحضانك

[شوقى غنيم]

حاضنه الكل فى أحضانك
للشاعر المصرى شوقى غنيم
-------------------------
حاضنه الكل فى أحضانك
حببتى يا مصر الغاليه
جوم يشاركوا شبابك
فى سينا الأرض الطاهره
وبشربة ميه من نيلك
حيجولك مره تانيه
ويقولوا والله جاينلك
يا مصر يا أم الدنيا
جايين يشوفوا أمجادك
شبابك عزم وهمه
والّلى حققوا ابنائك
فى سيناء الحره الغاليه
وجنودك قافلين أبوابك
صادين أعداء الأمه
ويكرموا دماء شهدائك
أرواحهم لمصر هديه
ويعيشوا أيام فى رحابك
يشاركوا مؤتمر القمه
شباب العالم وشبابك
فى شرم الشيخ الحره
شباب يحكى تاريخك
واذاى بيحافظ على أمنه
يشوفوا انجازات ابنائك
سينا اللي بتجرى فيها الميه
بعزم بسواعد ابنائك
صبحت الأرض الخضره
بعرق وجهد شبابك
وسفاين فيها عابره
وبشعبها شرطه بجيشها
الكل ايدين واحده
*****************