|
================ كل واحد واخد نصيبه يوم فرح وهنا ويوم يسيبه ناس للنكد تشتريه ليلاتى وناس الحزن جبال تشيله وعجبى |
حروف تبدر خير حروف تشعلل نار حروف للوجع ويل وحروف للسلام دار وعجبى =================== |
اهات جواها ضحكه اهات حزن باكيه اهات هايمه فى القلوب اهات من الظلم شاكيه وعجبى |
وعجبي على ضحكة خرجة من القلب مزقططة وفى جوة القلب دخلت مزغرطة اصل الحبيب قال لحبيبته بكرة تبقى مقطقة وعجبي على ضحكة مزقططة |
البنت حلوة الحلوين عيونها تسحر الملايين فى الادب والذوق لها باع كبير نفسى تنثر علينا عطر الياسمين وعجبى |
وعجبي على ياسمينا فى حرتنا مستكينه عطرها يدق الف الف باب ويفتح كل قلوب العباد ويا عيني على ياسمينا من حظها نشف الوادي وطال البعاد فحزنت يامسينا ومن عطرها فتح الف الف باب |
عجبى على صبيه مصريه واللون خمريه بنت جدعه والعيون ملاغيه عشقه شط الغرام والخدود ورديه يدوب نظرت مره غرقت ف شبر ميه وعجبى |
احنا من ماء مهين جينا خدنا من الدنيا وايدينا حلاوه ومراره وشقاوه يا ريتنا ما روحنا ولا جينا وعجبى |
=============== الدنيا غنوه لها نغم الشاطر اللى يبيع قبل الندم ترقص شنب وتغوى الجدع الخايب اللى حاله عدم وعجبى |
الشمس طلعت وشقشقت العصافير طارت وزقزقت الفجر لاح حى على الفلاح انت نايم عجينه شققت وعجبى |
| الساعة الآن 10:41 PM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |