منتديات المُنى والأرب

منتديات المُنى والأرب (http://www.arabna312.com//index.php)
-   الخواطر الأدبية (http://www.arabna312.com//forumdisplay.php?f=168)
-   -   نبضات مستحيلة ¤ ميتو عاشق الفن (http://www.arabna312.com//showthread.php?t=9842)

الروميساء 8 - 11 - 2012 03:22 PM

رد: نبضات مستحيلة ¤ ميتو عاشق الفن
 
يا انا يا عمرى القادم يا كل حروف الهجاء

انى اتنفس بك انى اعيش عمر النقاء

فانت عندى البر والبحر فلا سبيل للغرق مادمت معى

فانت فارسى وامير مملكتى فكن معى ابداا

وكن دوما سفير القلب والانفاس


محمد ماهر مرعي 26 - 11 - 2012 12:32 AM

رد: نبضات مستحيلة ¤ ميتو عاشق الفن
 
نورتِ الدنيا روميساا .. وحشتيني جدا :)

محمد ماهر مرعي 26 - 11 - 2012 12:33 AM

رد: نبضات مستحيلة ¤ ميتو عاشق الفن
 

وبضحك ضحك متداري .. بضيّ دموع ..
وقلبك نبضة مش داري .. بإن حُبك ملوهش رجوع ,,
دا حُبك دا اللى خلاني ..
وحبك برضو عدّانـــي ..
غيرت عشانه عنواني ,, وغيرني ,,
لا عارف مين أكون بعدك .. ولا قادر على بُعدك ..
ومش طايق أشوفك طيفك بيغريني .. لكن السلام ممنوع !
محمد ماهر مرعي
25/11/2012

محمد ماهر مرعي 26 - 11 - 2012 01:30 AM

رد: نبضات مستحيلة ¤ ميتو عاشق الفن
 
أنا كنزــكــ
كنز سهل تفتحــيه .. بلمســة حنان :d
لمسة تسحب مني روحي ,,
لمســة تسرق حُر بوحــي ,,
لمســة تشفيلي جروحي .. وتترسملــي طووق نجاه ,,

الشاعر محمد ماهر مرعي

محمد ماهر مرعي 26 - 11 - 2012 01:37 AM

رد: نبضات مستحيلة ¤ ميتو عاشق الفن
 
ولضمة حضنك يا حبيبي ..
احساس مجنون ,,
ولما أشوف عينك تغمـز ..
بيلف الكون ,,
لا أنا عارف أوصف ايه فيك ..
ولا عارف أشرح معانيك. .
ولا عارف أكون ..
كل اللى أنا حاسه ان أنا تايــه ..
ودليلي عيـ ـ ون !

الشاعر محمد ماهر مرعي

shreeata 27 - 11 - 2012 05:47 PM

رد: نبضات مستحيلة ¤ ميتو عاشق الفن
 
معك اجد نفسي انسان بملامح وطن

محمد ماهر مرعي 6 - 12 - 2012 05:06 PM

رد: نبضات مستحيلة ¤ ميتو عاشق الفن
 
أراك غصن زيتون ,,
وإشراق عيون ,, وزهرة بنفسج ,,
ورحيق اقحوان ,,
أراك حبيبي .. كل ما يكون وكل ما سيكون ,, وكل ما قد كـــان !!
,, محمد ماهر مرعي

محمد ماهر مرعي 20 - 12 - 2012 01:15 AM

رد: نبضات مستحيلة ¤ ميتو عاشق الفن
 
ومين قال إن صوتك بس .. مجرد نغمة تلمسني
دا صوتك طعم أفراحي ..
دا صوتك قلب حاسسني
فبيدفيني لما أبرد ..
ووقت الخوف بيحرسني
وبيرجعني لما أغلط
ووقت العند سايسني
دا صوتك مدرسة عشقك
يا ريت يفضل يدرسلي !
محمد..

صدى الروح 2 - 2 - 2013 02:52 AM

رد: آنـات .. على شفــا جُرحٍ هــارٍ
 
ماذا عسى الروح ان تفعل اذا طغى الالم على الايام .. و ماذا عساني انا ان اقول في ظل هذه الاهات .. فالقلب يكاد يختنق ..و العيون من الدموع قد ملت ..وحتى الحروف من كلمات الاحزان و اليأس التي قيدتها بالسلاسل و الاغلال قد كرهت...

محمد ماهر مرعي 3 - 2 - 2013 12:12 AM

رد: آنـات .. على شفــا جُرحٍ هــارٍ
 
في حياةِ الماءِ شيء يحترق
وفي كبدِ السماءِ نجمٌ يحترق ..
وفي نبض الشقاءِ .. قلب يحترق ..
وفي مواكب العزاءِ دمعٌ يحترق ..
وفي مدائن الأغبياءِ يتيمٌ يحترق ..
وفي مسامع الأمراءِ .. طنين يحترق ..
وفي صدرِ العزراءِ . لهب يحترق ..
وفي مشاعل الثوراتِ ضمير يحترق ..
وفي قبرِ الظالمين .. أجسادٌ وروحٌ تحترق ..
في دواخلنــــا .. ذكرياتٍ تحترق !!!
محمد ماهر

محمد ماهر مرعي 27 - 4 - 2013 03:18 PM

رد: آنـات .. على شفــا جُرحٍ هــارٍ
 
ويأخذنى المُنى مني .. لأسكن ساحة الأربِ
عشقت الحرف من صغري .. ومعكم تعلم الطربِ
أيا أحباب لا تقسوا .. برفع حبائل العتبِ
ويا أحباب لا تنسوا .. بأن جميعنا عرباً .. وبكم سترفع راية العربِ ..
محمد ماهر

محمد ماهر مرعي 21 - 5 - 2013 06:19 PM

رد: نبضات مستحيلة ¤ ميتو عاشق الفن
 
بخطى في عرض شريانك
أحنى كعبي من دمك ..
وأوصل حبلك السري
تمام زي ما اكون أمك !!
محمد ماهر

محمد ماهر مرعي 30 - 6 - 2013 07:23 PM

رد: نبضات مستحيلة ¤ ميتو عاشق الفن
 
وآدى آخرة اللي طلع من جلد أحرارها
وصدق المسأله وغرورة زينلـــه..
ودى أخرة اللي ارتوى من دم ثوارها
يدور عليه الحول والثورة بتذله !!
محمد ماهر
https://fbcdn-sphotos-g-a.akamaihd.n...08638198_n.jpg

محمد ماهر مرعي 20 - 7 - 2013 01:34 AM

رد: نبضات مستحيلة ¤ ميتو عاشق الفن
 
اضحك كركر ..
يمكن طعم الكون يتغير
جوا شفايفك
جرب تضحك !!
محمد ماهر

محمد ماهر مرعي 20 - 7 - 2013 01:34 AM

رد: نبضات مستحيلة ¤ ميتو عاشق الفن
 
بلمس خيطان الأجوبه جوا السؤال
والإندهاش .. أول مراتب الإحتمال
فبلاش تضيع وقت في فهم الحقيقه
إن كان نصيبك تبقى درب من المحال ؟!
؛)
محمد ماهر

محمد ماهر مرعي 20 - 7 - 2013 01:38 AM

رد: نبضات مستحيلة ¤ ميتو عاشق الفن
 
انا عاشق وقلبي من الحنين دبلان
يا دوب فتح على عيونك ؛)
محمد ماهر

محمد ماهر مرعي 20 - 7 - 2013 01:38 AM

رد: نبضات مستحيلة ¤ ميتو عاشق الفن
 
وهى عينك مالها أصلا بتعاكسنى
على ناصية الغمزة واقفة و بتصفر
ايه يعنى لو سبتها المرادى تهمسلي
وأمشي ورا الأحلام دايب و بتتمختر

محمد ماهر

محمد ماهر مرعي 20 - 7 - 2013 01:38 AM

رد: نبضات مستحيلة ¤ ميتو عاشق الفن
 
لازلتِ عطراً
يعبق بوريدى
ولا زلتِ فجراً ..
واشراقُ تنهيدِ
ولا زلت أحلم أن تكون صباحاتــى ..
حرفان من عينيكِ .. يضيئـــان ( صندوق بريدى ! )

محمد مــاهر مرعــي .!

محمد ماهر مرعي 20 - 7 - 2013 01:39 AM

رد: نبضات مستحيلة ¤ ميتو عاشق الفن
 
الثورة تبدأ بالهتاف .. ومتنتهيش
الثورة تبدأ باللي مات ..
عشان سيرته في الميدان تعيش
محمد مــاهر

محمد ماهر مرعي 20 - 7 - 2013 01:39 AM

رد: نبضات مستحيلة ¤ ميتو عاشق الفن
 
عيون الشمس كسلانه وبتفتح لكن بشويش,,
عشان الصبح جاي وحده من غيرك ..
فجايه الشمس تتمايل كما الدرويش ,,
وجاي الصبح يتحايل على طيرك ..

3> 0• بَعّضُ النَبْضِ مُسْتَحِيل •0· لـ / محمد ماهر مرعي ツ

محمد ماهر مرعي 20 - 7 - 2013 01:39 AM

رد: نبضات مستحيلة ¤ ميتو عاشق الفن
 
إعزف اللحن اللى لسه متكتبش
وإروي بأنينك عروقي ,,
يخضر من صوتك جنانين ,,
ويشــع من وترك شروقي ,,

محمد ماهر مرعي

محمد ماهر مرعي 20 - 7 - 2013 01:40 AM

رد: نبضات مستحيلة ¤ ميتو عاشق الفن
 
ودي آخرة اللى العشق ..
ما دق يوم بابه
ويوم ما دق الباب ..
دق بصوت مبحوح
لا منه قام وانتشى وبدل تيابه ..
ولا منه عاش وحدته .. حتى بحلاوة روح !!



3> 0• بَعّضُ النَبْضِ مُسْتَحِيل •0· لـ / محمد ماهر مرعي ツ

محمد ماهر مرعي 2 - 8 - 2013 03:41 PM

رد: نبضات مستحيلة ¤ ميتو عاشق الفن
 
اتعرى الا منك على مسارح الاختناق
في بلاد تقتل كهان الذاكرة
في بلاد تعبد النسيان وتدمن أقراص الخدر
في بلادى لا شمس و لا قمر
ضجر ضجر ..

محمد ماهر

محمد ماهر مرعي 3 - 8 - 2013 11:22 AM

رد: نبضات مستحيلة ¤ ميتو عاشق الفن
 
محتاج أطمن بوجودك
وأميل مع عودك لما يميل
أحتاج للضحكة تغيرني
وفى كحلة رمشك أشوف الليل
وأدوب في عيونك لو ألمح
جواهم لمعه وفرح جميل
محمد ماهر

محمد ماهر مرعي 4 - 8 - 2013 05:44 PM

رد: نبضات مستحيلة ¤ ميتو عاشق الفن
 
الحلم حالة من الهروب ,,
ومن نومه أصلاً مش تمام
الحلم جاي من الفراغ ,,
ونفسه يسكن في الزحـام !

محمد ماهر ..

محمد ماهر مرعي 4 - 8 - 2013 05:45 PM

رد: نبضات مستحيلة ¤ ميتو عاشق الفن
 
هو الشوق .. يملأ كل آنية البكاء
هو الشوق .. سلطان .. يصيب بقسوته من يشاء !
محمد ماهر ..

محمد ماهر مرعي 14 - 9 - 2013 03:24 PM

رد: نبضات مستحيلة ¤ ميتو عاشق الفن
 
أحيانا ,, رغبتنا في الحفاظ على من نحب , ,
تحول بيننا وبين التفكير ,,
تتركنا دوما على حواف الإحتضار محاولين المشي فوق أسنة الحياد ,,
عري الأقدام لا يؤلمنــا بقدر ما يؤلمنا أن نلبس حذاءًا ليس بمقياس الخطى ..
أحيانا نسيء التقدير ,, نسيء الفهم ,,
فنفقد كل شيء لحسن نيه وسوء تقدير ,,
لذا ,, قررت الإعتذار ,,,


محمد ماهر .

محمد ماهر مرعي 8 - 11 - 2013 07:54 PM

رد: نبضات مستحيلة ¤ ميتو عاشق الفن
 
والقلب سهران يغازل
دقات قلبك ويحكي
والعشق عامل عمايل
في الفرح والحزن نبكي !
محمد ماهر

محمد ماهر مرعي 8 - 11 - 2013 07:58 PM

رد: نبضات مستحيلة ¤ ميتو عاشق الفن
 
ياللي عمال تجامل
وفاكر بالغش تكبر
غيرك وزع جمايل
و اتقال عليه مِقصّر ..
محمد ماهر

محمد ماهر مرعي 8 - 11 - 2013 07:59 PM

رد: نبضات مستحيلة ¤ ميتو عاشق الفن
 
ابدأ طريقك بدوسة,,
خليك على الدرب واصل
والحب يبدأ دروسة ,,
لو نبضك للقلب واصل !
محمد ماهر

محمد ماهر مرعي 8 - 11 - 2013 08:00 PM

رد: نبضات مستحيلة ¤ ميتو عاشق الفن
 
وسحرني يا حلوة عينك
والقلب دايب سنين
بسأل يا حياتي فينك
حارق قلبي " الحنين "
محمد ماهر

محمد ماهر مرعي 8 - 11 - 2013 08:01 PM

رد: نبضات مستحيلة ¤ ميتو عاشق الفن
 
بهديكِ قلبي اللى عاشق
قلبي اللى دايب محبه
وأنا حبي من قلبي صادق
لو تهدي على قلبي حبه !
محمد ماهر

محمد ماهر مرعي 15 - 2 - 2014 03:33 PM

رد: نبضات مستحيلة ¤ ميتو عاشق الفن
 
الوش اللى بيضحك دايما
وملاحمه الحاضنه لمواجعك
نفس الوش اللي تملي ..
يعزف على نبرة وجعك
نفس الوش اللى يحلي
طعم المر في انة دمعك
الوش الدايب في السكر
والقمر المصلوب في سماه
والشمس الكسلانه بتسهر
للصبح عشان تستناه
دايم يضحك لاجل ما تضحك
وجوا في قلبه .. مليون آه !
#محمد_ماهر

حنان عرفه 15 - 2 - 2014 06:24 PM

رد: نبضات مستحيلة ¤ ميتو عاشق الفن
 
نبضة تنغص حياتي
اتدرون ماهي ؟
نبضة عشق وطن بخيل جدا ابنائه

محمد ماهر مرعي 7 - 3 - 2014 10:01 PM

رد: نبضات مستحيلة ¤ ميتو عاشق الفن
 
أوطاننا معلقه .. حتى اشعار آخر

محمد ماهر مرعي 7 - 3 - 2014 10:09 PM

رد: نبضات مستحيلة ¤ ميتو عاشق الفن
 
وتاني ,,,
أخطي في عرض شريانك ..
أحني كعبي من دمك ,,
وأوصل حبلك السُري ..
تمام زي ما أكون أُمـــكـ
#محمد_ماهر

محمد ماهر مرعي 7 - 3 - 2014 10:10 PM

رد: نبضات مستحيلة ¤ ميتو عاشق الفن
 
بهديكِ قلبي اللى عاشق
قلبي اللى دايب محبه
وأنا حبي من قلبي صادق
لو تهدي على قلبي حبه !
محمد ماهر

محمد ماهر مرعي 9 - 3 - 2014 05:41 PM

رد: نبضات مستحيلة ¤ ميتو عاشق الفن
 
عن انى خايف اعشقك والعشق ميل
عن انى خايف اصدق الحلم الجميل
عن انى خايف .. صبري يوم يخلص كده
بين دا ودا ..
النجمة لو يوم تعشقك .. ع القمره يومها تميل
والموجه لو هتصدقك..
تسهر ع شط طويل
يمكن في خطوة تلمسك .. تشفيلي جرح عليل

#محمد_ماهر

محمد ماهر مرعي 11 - 5 - 2014 06:13 PM

رد: نبضات مستحيلة ¤ ميتو عاشق الفن
 
متبرريش الضحكه لو صابك عته ..
كل البشر بحجم الخطايا مُغيبيــن
#محمد_ماهر

محمد ماهر مرعي 27 - 11 - 2014 11:28 AM

رد: نبضات مستحيلة ¤ ميتو عاشق الفن
 
يا احلى من غزل البنات و الغزل
و الضحكه لما تتغزل بكلمة انا حباك
فقولي لو تخجل .. هيفيد بإيه الخجل
قلبك دا لو يتقل .. نظرة عنيك فضحاك !
#محمد_ماهر


الساعة الآن 02:21 AM.

Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى