|
وحشتيني وحشتيني وجيت اسأل واظن اني على بالك عسى ماشر ماتسأل وش اللي غير احوالك رغم بعدك وتقصيرك ورغم انك معي قاطع تزعلني واجي لرضاك واحبك وارضى بالواقع ترى مهما جرى مني ومهما كنت انا الغلطان سؤالك عني مايمنع ولو قلبك علي زعلان احبك يااجمل الاحساس وحشني حبك المجنون متى ترضى علي وتحن ياانت يااحلى مافي الكون http://www.jeeran.com/im/close.gifhttp://www.jeeran.com/im/close.gif |
عــاش من شافك عاش من شافك حبيبي وين كل هالغيبة عنا كانها ظروفك رضينا كانها غيره زعلنا حلم والا علم شوفك والا انا اكذب عيوني من كثر مانا انتظرتك شوقي وصلني جنوني ياهلا والله بحبيبي اللي ماتحمل بعاده كل هالغيبة تغلي والا انا شوقي بزياده والله لك بالقلب وحشه ياحبيبي وانت غايب وافرحت عيني وقرت فيك يااغلى الحبايب |
علـى ذكراك على ذكراك انا باقي ولا غير هواك احساس حاولت انساك بفراقي لقيت اني نسيت الناس ومـــاقدرت انســـاك انا جربت نفسي يوم اعيش العمر من دونك لقيت القلب مايسلا بعد مــاصار مجنونك أليمه فـرقة الاحباب اذا صار الوفـا فيهم انا قلبي مع احبابي ولايـرضى يخليهم |
المحبــة المحبة نارها نار ودواها دوى وانت في قربك سعادة وفي بعدك عذاب ودي انك معاي اتعيش وان متنا سوى ماتغيرنا الليالي ولاطول الغياب ياحبيبي مقدر انساك لو قلبي نوى ياما فينا الناس قالوا وياما الظن خاب كم عذولٍ في هوانا تحدى وانكوى رافعين الراس في الحب مانحسب حساب يشهد الله الوفا فيك هو سر الهوى والا يامكثر قلوب نحبتها سراب دايم المشتاق لو كان يشرب مارتوى اسأل اللي جرب الحب يعطيك الجواب |
ريحــة هلـي ياهلا باغلى الحبايب ياهلا بريحة هلي كان بدرك عني غايب وبان في طلتك لي لاتغلى وانت ذايب تدعي قلبك خلي ظني بك ماكان خايب انت تتغلى علي ياما في الحب العجايب فيه ياما مبتلي منك راسي صار شايب وفيك همي ينجلي خاطرك بيكون طايب دام انا لك وانت لي الله يكفينا المصايب ونجمنا دايم علي |
علــى اللــــه على الله تسمح ظروفك واشوفك بعــد هــالغيبة واطمـن قلبي بشوفــك وشوقي فيك اغني بـه الا يــا نصفي الثــاني سعادة قلبي واحزاني ومهمــا غيرك اغرانـي معاك يبـــان بــه عيبه ترى بعدك عن عيوني تـزود شكي وظنوني ولا اسمع لو يلوموني وهذا طبعي تدري به انــا ابيــك توعــدني حبيبي مــا تفارقني وعلى وصلك تعودني ولا عــاد تطول الغيبة |
انتــي حلـــــوة انتي حلوة انتي حلوة ودي احلى منها كلمة انتي في عيني بصراحة والله آية في الجمال انتي في عيني جميلة وانتي في قلبي اصيلة وانتي قصة الف ليلة من حكايات الخيال يابعد عيني وروحي يامعاناتي وجروحي اتبعك لو قلت روحي واشتري بعمري وصال |
الف شكر على الطرح والأشعار الأكثر من رائعة تحيتي واحترااااامي لك يا العنقاء |
| الساعة الآن 02:16 PM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |