الأخت الفاضله وفاء
مبروك المدونه
شو اعطيك لو رجعت لي طفولتي
ولكن لن تنقلب الصوره المرسومة في ألاعماق
مودتي لك أختي الفاضله
نيالكن وبس

كتير حلو نبش الذاكرة
فلكل منا وقفة عند طفولته
الحقيقة استمتعت معكم بقوفتكم الجميلة هذه شكرا لكم
على مشاركتي واضافة ما هو اجمل على موضوعي بردودكم الرائعة
اما فقد نبشت طفولتي فوجد
الآتي
كنا نلعب بحرية وبدون خوف ولاد وبنات يمكن لانو كان اكلنا مش مهرمن ولا في تلفزيون ولا نت ينقلنا لعالم الكبار.........كنا نقضي النهار نراقب الدجاجة كيف تبيض........ونسرق صحن الغسيل ونرفعه بخشبة مربوطة بحبل ونحط تحتو حبات قمح تنصيد العصافير ونشويها............كنا نتسابق مين يطلع على اخر الشجرة يلي زرعها جدي...............كنا نحفر تحت نبتة الفقوس وندفن الفتوله لتكبر مشان ما حدا يسبقنا عليها ولما نتوه نرفع كل النبته ونلاقي المخبينه
اخوانا...........كنا نخزق بكيت الناشد اخون السوري يلي مخبية امي وناكل الحلو وامي لما تعوزه تتوجب جارتها تلاقية فاضي وما حدا يعترف مين الي خزقو...........سامحيني يا امي..............كنا نفرح وقت البيادر
نركض وراا الحصاده ونجمع سبل القمح ونعمل مونه..........كان المسعد الي بينام مع الوالد على البيدر فوق التبن ويصبح مزين بالندى وطيور التبن...........كان صندل البلاستك المشبك احلى هدية........ولما كبرنا صرنا نشطف البرنده كل يوم العصر ونشطف بكاز وتصير مع الشمس الالوان قوس قزح ونفتح على الراديو ونسمع ما يطلبة المستمعون ومجلة الاسبوع ونطرز عروق اثياب امهاتنا ونسمع لام كلثوم..........كنا وكان الحب احلى وانقى واصدق وكل الحياء موجود عند عند بناتنا
كانت اعراسنا سبع ايام غناء بدون موسيقى ولبس مستور.......ويوم العرس كانت النسوان ما بتنام الي بتعجن والي بتخبز والرجال بيذبحوا وكل العيلة بتنام عند اهل العريس وبتظل ريحة بيت العرس لحمة
كانت ايام خير وحب ولو بدي اظل اكتب ما رح اخلص لانو الذاكرة ملانه وجمال الحياة زمان بيظل ناقوس يشدني
اشكركم على مشاركتي
اخ اخ واخت اخت ربي ما يحرمني من تواصلكم

اها بمناسبة العودة للمدارس
كنا نطلع اغراضنا الجداد كل يوم
ونقيسهم ونلبس الشنطه
وكمان ليلة المدرسه نتحمم
ونحط كل اغراضنا عند روسنا
ياه شو كانت ايام حلوة

رد: شو كنتو تعملو من هالشغلااات و انتو صغااار؟؟ بصرااااااااااااحه
 

هههههههههههه
كنا ننفس عجال اي سيارة بنحبش صاحبها بواسطة مسمار او دبوس
كنا نعمل بخار على المراية ونكتب عليه
كنا نكتب بالهوا ونمحاه ههههههههه
اشياء كثيرة والله كنا نعملها
يسلمووووووووو

رد: شو كنتو تعملو من هالشغلااات و انتو صغااار؟؟ بصرااااااااااااحه
 

هههههههههه
يا شقيه ضحكتيني كلو ولا تنفيس العجال
كنت اشطر منك كنا بنسكر الطريق بالحجاره ونتفرج كيف السائق رح ينزل
ويرفعهم
بس كنا نتخبى بالزرع

رد: شو كنتو تعملو من هالشغلااات و انتو صغااار؟؟ بصرااااااااااااحه