منتديات المُنى والأرب - حكاية زكية القوية وعبدالجبار ومثلهم كثاااار

نكمل...............بلش الفار يلعب بعب زكية القوية
كان عبد الجبار بحب الزوار وفي السهرات ولمة الاهل مغوار
وللفوز بلعب الشدة ايلو دور ودوار
بس سادت السكينه في الدار وصار النت هو رفيق السهر والمشوار
وتغيرت الاحوال وبلش يكتب مقال ومذكرات كثار ويدخل في كل مناقشه وحوار
ومع تراي ستار صار يجية اخبار
وفي احد المنتديات بلش المشوار وصار عندو صديقات واصدقاء كثار
بالمناسبة عبد الجبار طيب ومتمسك بالدينوا وصلاتوا وبعمروا ما اغضب حماتو وبلش حياتو الزوجية بحب
وبلشت الرومنسية تهل ويسمع اغاني زمان ويحب الورد والفل ورجعت ايام الشباب الي اندثرت بالشغل
وفي ليله من اليالي ومتل عادتها زكية بتصلي العشاء وبتنام متل الجاجه
صحيت بنص اليل عطشانه يمكن من فتة العدس ضميانه
مرت وردت السلام وهي نص صاحي ونص نام ..............بس قلبها مشغول يا حرام
من كثر ما سمعت قصص عن الحب والغرام عبر النت وهيك كلام
تلبك عبدالجبار وغير صفحه كان فاتحها بسرعه
وما اعارها اهتمام وهون كان عندها عقل وطار متل الحمام
شو مال الزلمه بطل ينام وحتى مش عادتو برد السلام صالت وجالت في البيت
مرة تكركع صحون ومرة تفتح شباك ومرة تقف على الباب بلكي يلتفت ويعيرها اهتمام واخينا في عالم تاني وصامت عن الكلام
وهون بلش كهن النسوان والمكيده دبرها عقل الشيطان
وعلى اقرب صندوق للعدة راحت تفتش على زرادية ومقص كمان وتظاهرت بالشوب والحر
وفي نص الصاله فرشت فرشتها ومن تحت السجادة طلعت السلك الوصل للنت وقصتوا وانهت مأساة
خوفها وغيرتها على عبدالجبار وقطعت عنو سيل الفكر والاخبار والشك الي عندها صار
تظاهرت بالنوم وكأنها ما عملت شي وما عندها خبر واخبار
اما عبدالجبار ساد الصمت عندو وتوقف نبض النت وطلعتلوا العبارة الي اغلبنا ما بحبها
الخادوم غير موجود
حرك الكرسي ومع حركتو بلشت دقات قلب زكية تزيد هو فرح ؟؟؟؟هو خوف ؟؟؟؟؟؟؟؟؟؟بس ممكن يكون خوف اكيد
لانو ردة الفعل منو قوية وهو عنيد بتعرفو وهذا الحكي عليها مش جديد
اجرى اتصال يتأكد انو النت واصل وعرف انو ما في مشكله عند الشركه ونصحوا يتفقد السلك
وهون مصيبة زكية
بلش يمشي وراءءءءءءءءءءءءالسلك لحتى وصل الى فرشة زكية
ويا مصيبتك يا زكية شو رح يعمل عبد الجبار وكيف ليلة زكية خصوصا انو السلك صعب اصلاحه...............
ههههههه...........يتبع
بس سؤال لاخوانا الرجال لو كنت مكان عبدالجبار شو رح تعمل؟؟؟
ولو كنتي محل زكيه شو رأيك بلي عملتوا؟؟؟