منتديات المُنى والأرب - رحبوا معي بأنا لحالي على كرسي الاعتراف

اقتباس:

المشاركة الأصلية كتبت بواسطة ابو فداء (المشاركة 335822)

منووووره أختنا الغالية الراقية
خطوة رائعة من جانبك لتفعيل المنتدى بعد غيبوبة طالت
سعدت بك
حابب أسألك أكم من سؤال
1 / من هي الغالية وفاء
مين وفاء ؟؟
وفاء هو اسم ابنتى الصغرى التي تشبهني في ادق التفاصيل

حبيت اسم وفاء ولان غزة هي الجرح الدامي في كل حياتي اضفت بنت غزة
لانو نفرض علينا نكون من ابناء غزة ونعيش المعاناه في كل نواحي حياتنا
التعليم والسفر والوظيفه والرخص وتسجيل الاراضي وهذا شرف لنا
برغم من انو البلد الاصلي مش غزة
اكنى بأم عامر عندي ولدين وبنتين اكبر انهى الدراسه هندسة مدنيه بس طبعا ما في وظيفه وبشتغل مسوق
انا مديرة مدرسة خاصة متقاعده جديد...........بحب العمل الاجتماعي والتطوعي
اعيش بلا رقم وطني وبرغم ذلك اشكر الله على كل ما نحن فيه
اجتماعية بحب الناس...........بسيطة وبفتخر ببساطتي كوني بنت البلد والارض والريف
مهما وين ما كنت بتصرف بطبيعتي
بحب الكتابات الساخره الي بتعالج هموم الناس
وطنية لابعد الحدود بس مش متعصبة وبحبش المتعصبين كتير
الحياة علمتنا كتير
اموت في شي اسموا انتماء للارض والوطن والمكان الي بعيش فيه
بحترم كل الناس مهما اختلفت مستوياتهم بس بميل اكتر للغلابه
لذلك اجد نفسي بينهم ومنهم ............. تواجدت على النت من خمس سنوات
اشتركت في منتديات بنفس اسمي
وهذا المنتدى الثالث
ما بحب الفيس بوك كتير ولا الماسنجر والايميلات
اغلب الاخوات الي تعرفت عليهم تواصلت معهم في الواقع
وشاهدتهم
بحب حاكورتي كتير وبزرع اغلب ما احتاج فيها يعني مزارعه بحرث الارض وبسمد وبقنب الاشجار وبجد الزيتون
بحب الورد كتير وبسعى دائما لازراعتو بس كأنو مالي حظ اغلبو بفسد من عيون الناس
هيك انا
سامحوني طولت عليكم
2 / ما رأيك بأداء الأعضاء بالمنتدى وتفاعلهم
سؤال كرموش وصغير بس بدو رد جريدة رسمية احاول اختصر
شوف ابو فداء كل من ينتسب الى هذا الصرح هو انسان ان استمر يستحق ان يكون هنا لانه يجد ظالته
بس المشكله انو بعضهم بيحط الموضوع وبيدير ظهروا وما عندو استعداد حتى يشكر
من مر على موضوعه ولا يشارك الاخرين وهذا للاسف مش تواصل
لكن والحق يقال هنا اخوه واخوات فعالين جدا ومنهم من لا يهمل حرف وتجده غزير المعلومات ولا يبخل على احد
اتمنى انو تكون المشاركات مع الاعضاء اكثر تفاعل لانهم بينعدو على الاصابع الي بيتابعو بشكل جدي وفعال يا رب تطرح فيهم البركه
3/كثير ما تؤثر علينا شخصية بوجودها بيننا فمن هي أكثر الشخصيات التى أثرت بك بالمنتدى والسبب
اووووووووووووووووه تعدش كتااااااااااااااااااار عندك
اول شي انت بطوله بالك وصبرك واهتمامك بكل موضوع بنزل ع المنتدي لانك متابع ممتاز نفسي اكون متلك مو حسد والله
مثلا اختي ارب في واقعيتها وكتاباتها الحلوة وتمرداتها
عندك الاخ ناجي بهمومنا الاجتماعية والوطنية بس ما بقدر اجارية لانو بكتب بالفصحى مع الحركات
وكمان اخي الامير الشهابي المستفز لقلمي تعلمت منو كتير واستفدت من رؤياه وبيعجبني باهتمامه بأدق التفاصيل وجدي دائما لتناولة المواضيع
وكمان اخي المفتش كرمبو بحب كتابته الوطنية يلي بالهجة المحكية وكثير ما ينبش الذاكرة عندي وبيطلع المخبى من ايام ستي
وعندك شريف برسمه ومشاعره واحاسيسه الفنية الي صعب اجاريها
وكمان ام بلال بروحها الوطنية
وشيماء بردودها المستنيرة وقصصها القصيرة الرائعه
الحقيقة كتار وهذا الحلو بالمنتدى انو كلو شخصيات اقرب الى الواقع
عندها هدف ولها مبدأ لهم مني كل الاحترام

4/ بعرفك بتحبي بحر غزه
لو خيرتي بين السفر برحلة هل تختارين غزة لزيارتها
يااااااااااااااااااه حلمي هي وحطيت اصبعك على بيت القصيد
ولاااااااااااااااااا بختار غيرها اصلا لا خيارات.......... مكه وزرتها واديت العمرة
واحنا الغزازوة مو مسموح لنا السفر وكثرة الترحال الا اذا.....
حلمي ان ارى مسقط رأسي النصيرات في غزة
ومحلات ابوي هناك ودارنا
واشوف البيارات............ووادي القشاش...........والمنطار................وبحر غزة
وجباليا جبل النار
واحفر في رمل غزة واطلع مي متل ما حكت امي
ونفسي ازور بيت كل ام شهيد وكل يتيم واقبل روسهم واعمل اي شي يسعدهم
نفسي اقبل تراب غزة المجبول بدم ولادنا
نفسي اتنفس هواء الحرية في غزة واصرخ باعلى صوت غزاوية انا
ما حدا ايلووووووووووووو عندي
ونفسي اكل من جوافة ورطب وبلح وبرتقال غزة
ونفسي بورد وريحان غزة بس مش مزارع اليهود
ونفسي ازور قبر جدي وجدتي هناك وفي اشياء كتيرررررررر نفسي اعملها
ياااااااااااااااه لو تتحقق هالامنية واموت هناك ومن الدنيا ما بدي شي
بكفي هيك موووووووووووووووودتي
الله يعطيني ويعطيك العافية اتمنى اكون وفقت بالاجابة عن اسألتك الي فتحت جروحي وشوقي لغزة
وصدقا ما كتبت الا احساسي وشعوري اخي
اشكرك zolz

شكرا اخي ابو فداء واذا في عندك اشي جديد لا تخلية بنفسك
حراااااااااااااااام ارجع ولا يهمك مسموحلك كمان مره
القعدة ارضي وما بتوجع الرجلين مو متل الكراسي
نورت متصفحي ربي يسعدك تحيتي واحترامي اخي

zolzzolzzolz