|
انا سكرت بالهوى والحب كأس العاشقين كم سهرت ليلة لم اخشى لوم العاذلين اشكو جبى لك وانت لا تبالى وبعدك يلهب شوقى والذكرى لها حنين وعجبى |
========== رحماك بالقلب المتيم فى هواك ماذنبه لما اشرت اليه اتاك لبى نداء الغرام طوعا قلما التجنى والجفا حتى قسوت على فتاك وعجبى ================ وعجبى=========== الزوجات انواع وحده فوق الراس ووحده تنضرب ديما بالمداس وواحده هدية من الرحمن ووحده كلامها جواهر وماس وعجبى |
================== من كل بلد خد صاحب لك واوعى تمشى ف الطريق لوحدك وخبى اسرارك عن القرايب والعيبه ارميها وراء ضهرك وعجبى ================== |
يارب ارجو منك مغفرة تحمينا بحق خير الورى خير النبيينا المال والجاه للسعادة خلقت اليوم اصبحت شرا يواتينا وعجبى روعة يا زين بتمنى تسجلهم يوتيوب بصوتك وتنزلهم بالمنتدى تحياتي لك يا رائع |
الى روح الياسمين
================= لك منى كل التقدير لك كل الاحترام مرورك اسعدنى وشجعنى شرفتينى بتواجدك معرفش اعمل ده ه على التيوب ساعدينى وعرفينى كيف ولك جزيل الشكر |
وعجبى ================== حى على الفلاح حى على الهادى اتوكل على الله وابعد عن المعاصى دعوة الوالدين تنجى من الكوارث وصلة الرحم تطهر القلب القاسى عجبى |
عجبى =========== ناس الغرور مليهم ومنخرهم لفوق وناس لما تجيهم مصيبه تبدا تفوق وكل شىء يا ابن ادم بقدر ورب العباد هو الوحيد فوق وعجبى ================= |
وعجبى ================= ياما ناس راضيه بعشتها لقمه حاف والجلبيه سترتها لا غضبوا منها ولا الدنيا شكوتهم صبرين يا ولداه على بلو تها عجبى ================ |
سلمت الايادي زين على ماخطه قلمك
بانتظار باقي الرباعيات تحياتي |
يا ما ناس صابرين على المر عشان ما فيش امر منه لو طايلين رقبة المر كانوا تخلصوا منه وعجبي |
الله الله يا شيمو انت احسن منى كلامك عجبنى ايوه كده اكتب وقوال خلى ليالى رمضان تطول |
الصاحب الندل يبغضك ولو اكلته بقلاوه فى الوش يجارى ضحكتك القلب مليان عداوه عجبى مشكور يا زين العابدين على الرباعياتت الرائعه جميلة ومعبرة تحياتي |
عجبى ================ ابن ادم يجرى جرى الوحوش يحوط ع الارض ويملى الكروش كل شىء له فى الكتاب محجوز مهما يجرى اكتر من رزقه ملهوش وعجبى ================== |
وعجبي على الولد لم اتولد قل ما فيش غيري فى الزمن يتعبد قال انه ملك وانه امبراطور ولا يتجلد غير انه فى الحلم اضرب واتجلد اصله الولد كان بيحلم حلم الولد وعجبي على الولد لم اتولد |
================== الدنيا رحلة عذاب وسراب فيها سعى وشقى وصعاب فيها لقا وعتاب وفراق الصبر مفتاح كل باب وعجبى |
عجبي على دنيا غرورة فيها السعيد حزنان وفيها الحزين تعبان وفيها ناس من كل صنف ولون ساخطين لو عرفوا اللى فيها ما تمنوا منها غير انها تعدى بسلام وعجبي |
شيمو يوسف تكتب فى محراب الشعر بخشوع تنثر عطرها فىحنايا الضلوع تأسر الكون ببسمة هى سر الخلود عطر احرفها ينساب مندمع الشموع وعجبى |
عيني عليكِ يابهية
قالوا هنغير توبك القديم نزلوا الشوارع ولفوا عالدكاكين جابوا من كل دكان حتة وطلع التوب مش توبك وقالوا تغيير |
يا ماكترت الجمع فيك يامصر
مرة جمعة غضب ومرات جمعة نصر ولاحد اخد بتار يوم الغضب ولاحد فكر يقدم ليكِ ايه يامصر |
كان نفسي جمعة للتعليم
والصحة والنظافة فين وكمان جمعة نرجع فيها مشروع توشكى الخير ولا سيناء نسيناها والصعيد راح فين |
عجبى ================= عناكب عناكب بطل على الفرس راكب يامر ويحكم بالحق عادل الراجل الجدع فى بيته راكب وعجبى ========== |
اقتباس:
انا مجيش جنبك حاجة |
عجبي وعجبي عن عنبوت فى البيت تابوت لا يحرك ساكن ولا مرات ابوك عنكبوت فى البيت ضعيف لا حد قادر يهشه ولا حتى يقولوه روح روح يا بيعد أصله عنكبوت مأصل في البيت متغرب وعجبي على العنكبوت |
================== دوائر دوائــر العشق دايـــــــر يدوب قلـــوب بدمع حائــــــــــر يغزل شمــوع تنور جناين ساكنه ضلوع عشق غائــــــــــر وعجبى |
================= دخلت المستشفى اعمل عمليه فتحوا البطن والفوطه هديه بعد شهرين بطنى كبرت قالوا مبروك الفوطه بقت جلبيه وعجبى |
وعجبي على قلوب من الكذب دابت لا قدرت تصدق الصادق ولا تكدب التايب وعجبي على قلب فى الحب تاه لا عرف يوصل ليوم ولا يغير العنوان وعجبي |
وعجبى ================ الجدع اللى يحمى داره الشهم يحمى دار جاره الفارس يحمى الارض والحدود التاريخ يكتب مين باع داره وعجبى ============= اللى يكرهك اوعى تصاحبه لو صادفك يوم ابعد عنه الكره يعمى بصيرة القلوب والجدع فى يوم يبيع صاحبه وعجبى =================== |
العالم فى زمانا قالوا عبيط الحمار مش راضى بالغبيط الجاهل بالفلوس يشترى النفوس ماهى دنيا لخبيط فى لخبيط وعجبى ===================== اوعى من الطفس ابو كرش واسع يروح يستلف عشان جوز كوارع يبيع الشرف والضمير ناعس اهم حاجه الكرش شا بع وعجبى ==================== |
عجبي على حر فى الشاهمة اتولد قال لم كبر عمل فيها الراجل الولد وقال لاخواته بلاش العلم بلا كبد اصلك اصيله ولبيت جوزك محمولة فلا هدة وتعب ولا وجع راس في كتاب وكراسة واخرتك يا محروسة في البيت محبوسة وعجبي على الولد |
كل يوم اجد التميز والابداع فى حروف شيمو يوسف لديها لؤلؤ ومرجان فى بلاغة الكلمات اسعدينى يوميا حتى ترتوى من نبع كلماتك لك منى كل التقدير والاحترام |
==================== اوعى تتجوزى ابو شعر سايب فى حنكه لبانه ويرسم حواجب فى الليل تلاقيه سايب وسايح لا ينفع طبله ولا وتد ذرايب وعجبى |
وعجبى ================== بدلة الرقص يدوب شبرين تسحر قلوب الباشا وعيون الزين تفضى جيوبهم ويبيعوا العرض اصل البدله ستره حاجتين عجبى =========== |
=========== الفقير لما يناسب يناسب على قده يختار بنت غلبانه تدارى على عشه يكفيها كلمة حنان ونظرة شوق حتى الناموس عنه تهشه وعجبى |
وعجبي على عش بنوه فى الاحلام ولد وبنت والدنيا كلها ألوان رسمت جدران من عشق وغرام وهو فرشها حب وحنان لكنه طلع له من الاحلام غراب نعق في كل دنياهم وطير من جوه القلوب الغرام وعجبي على بيت فى دنيا الاحلام |
مشكور يا مبدع على هذه الروائع التي تتحفنا بها
قلمك رائع جدا سلمت الايادي وعاشت |
إبداع ليس له نظير سلمت الايادي يا زين |
======== الليل استار العيوب ناس من العيب تدوب وناس تختشى تقرب منه الحياء للعذارى نور اوعى تستغنى عنه وعجبى |
وعجب على ليل طال طال من غير حتى ما ارخي الستار كان ليل بيشع نور حتى اسألوا الاميرة بدور أصله ليل ولا كل الليالي ليل طب من غير احم ولا دستور وعجبي |
=============== ان خطبت اخطب حوريه لها راعى يشكم صبيه ان ركبت اركب مهره تحبك من اصل فرسه عربيه وعجبى |
اوعى شاب حليوه يدلعك كلمه منه توقعك تنسى نفسك وتسرحى يوم الفرح تضيع بسمتك وعجبى |
| الساعة الآن 02:21 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |