|
فى عنيكِ إتبخر كلامي !! محمد ماهر مرعي .
https://fbcdn-sphotos-a.akamaihd.net...93189550_n.jpg
بغزِل كلام الهوى قبل الُّلقا بساعات وأَفْضل أَعِيدُه كتير كَدَّرْس في الإذاعات و أدندنه تراتيل و ألحنه مواويل .. في الأوِّلَهْ عيني .. في الآخره يا ليل واضحك كده لما .. طيفك يِخَايِّلْنِي .. ضحكه بريئه أوي .. للصُبْح تِشْغِّلْنِي .. يجي النهار يضحك .. وكأنه بِيـْصَّبح .. والشمس تغمزلي لميعادنا بِتْلَّمح .. أتكسف وأهرب .. من حضن أحلامي .. وكل حرف حافظته .. يترسم أُدَّامِي .. أصحى بسرعه كده وكأنه يوم العيد ألبسلي ضحكة طفل .. جوايا قلب جديد .. وأجرى على مكانا .. اللي هشوفك فيه .. وفي عيني أحلامنا كلام كتير هحكيه .. يا أم الجمال البريء عيوني لك عطشانه والقلب مركب غريق .. والروح خلاص هيمانه .. خلاص دا طل القمر .. بتحرسه النجمات جايب معاه الشجر .. وطيور كمان وحاجات بيضحك كأنه الأمل .. عصفور بيتمختر .. قولولي إيه العمل .. كلامي بِيِّتْبَّخَرْ .. في سحر عين المها .. بدأت أنا قولـى عاشق ودايب أنا .. قاصد أكيد قولي يرضيكي أقرب مداوى .. أرجــع جريح مِتْصَّاب .. مين يداوينــى بقى .. غير اللّي سهمــه صــاب . . سهم عيونك دول .. لما بصولي .. نسيت كلام الهوى .. ونسيت فى الغزل قولي ورجعت طفل بريئ يا دوب بيتهته .. وبقول أيِّ كلام .. وعَمَّال كده أَتَّــوِهْ ينتهى الميعاد قبل ما أقول كلمه .. ونبضي ينغزني .. بكذا غنوه آخد ميعاد تاني .. وأحفظ قبليه بساعات .. وأفضل أعيده كتير كدرس في الإذاعات و أدندنه تراتيل و ألحنه مواويل .. في الأوله عيني .. في الآخره يا ليل * قلمـــى .. محمد ماهر مرعي 30 يوليو 2012 |
كلمات في قمة الروعه والجمال
يعجز القلم ان يعبر عن تلك المشاعر جميله مع تقديري لك محمد ماهر مرعي |
كلماتك ذات ايقاع رومانسى جذاب
لك الود |
شمس الخاطرة
سلمت يداك راقت لي جدا مودتي |
شعرررر راقي
كلماااات عسل سلمت أخي |
ورجعت طفل بريئ يا دوب بيتهته .. وبقول أيِّ كلام .. وعَمَّال كده أَتَّــوِهْ لست وحدك من رجع طفلا! عندما قرأت هذه الكلمات لم يخرج صوت التهتهة أصلا كلمات في غاية الروعة صدقا وليست مجاملة انت محترف أتمنى بقراءة المزيد والمزيد لك فشعرك لا يمل منه تقبل مروري بصيرة #cc# |
الله يا محمد
راقي جدا يا شاعر الغزل تحياتي لك |
اقتباس:
نورتى حروفى المتواضــعه .. محبتى الكبيره zolz |
بغزِل كلام الهوى قبل الُّلقا بساعات وأَفْضل أَعِيدُه كتير كَدَّرْس في الإذاعات و أدندنه تراتيل و ألحنه مواويل .. في الأوِّلَهْ عيني .. في الآخره يا ليل واضحك كده لما .. طيفك يِخَايِّلْنِي .. ضحكه بريئه أوي .. للصُبْح تِشْغِّلْنِي .. يجي النهار يضحك .. وكأنه بِيـْصَّبح .. والشمس تغمزلي لميعادنا بِتْلَّمح .. *********** رائع اخي محمد كلمات معبره بصدق الاحساس وبجمال النصوير تحيه وتقدير لاخي الشاعر zolz |
اقتباس:
|
| الساعة الآن 12:04 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |