|
مطلوب مشد !!!!!!!!!
اولا المعذرة من الجميع لاني رح اكتب بلهجتي الخاصة ويمكن اسرح واظل اكتب وكتابتي تدخل موسوعة غينس
يا اخوان مطلوب مشد .........مشد من نوع خاص متين....مطااااااااااااط...............رخيص........ ... لا ببلاش الحالة المادية لا تسمح صالح لجميع المناسبات ولكل الفصول يستعمل طول ايام السنة وما يهترىء.........وحتى في صناعة لا يكلف ملين احمر لا ابيض ولا اسود ولا حتى ملون مش قماش ولا حديد ولا ورق ويكون شفاف لااااااااا يروح فكركم لبعيد ما عنا حفلة عرس لحتى نخفي عيوب الجسم ولا بدنا نلبس فستان باكلس ولا سواريه احنا مش من هدول ولا بدنا نظهر بمظهر جميل وخادع بدنا مشد يحفظ فكرنا الي صار متل شعير البياع من كل حقلة حفنه صرنا بنثور وندور وبنوكل بعض متل الدود لما صارت الاساءة لنبينا الحبيب هجنا ومجنا وتدافعنا للسب والشتم وتراكض شبابنا منهم الي مصلي وعابد ربه بكل معنى الكلمة ومنهم الي بعمرو ما غز ركعةاو احيى سنة نبينا عليه السلام او دخل مسجد اوحتى يمكن بدون وضوء رح يركض الى السفارت كلو اشي مفرح ومنيييييييييييييييييح بس لو احتجينا بطرق اخرى ووقفنا وقفة تنم عن خلق اسلامي رفيع بعبارت راقية وبهتاف هادى رزين واصطفاف منظم كما هو الاسلام جاء منظم لكل شي مو متل.....بلاش احكي بعمرو دينا ما كان دين ايذاء ولا فوضى هذا دين الرحمة ومن يغار على رسول الله صلى الله عليه وسلم ليلتفت حوله ويصلح ما افسدت الحضارة يتحرك ويصلح اشياء كثيره تغيرت حواليه اختو الي قصرت جلبابها بحجة الموضة وصار اسمو قميص او عملت راساها متل سنامة البخت او حتى طنجرة طبيخ مكموره متل حصادات زمان ليسارع الى صلاة الفجر بالمسجد .............ليحونو على جاره ولا بلاش............... يبعكش بجيبو يطلع صدقة تنفعو يوم لا مال ولا بنون مو يروح يصف ويطلبها من باب الدنيا غلا والاحتياط واجب والي منهم احسن منهم نبينا عليه السلام لا يقبل الكسر والحرق والتدمير واشعال الفتن نبينا عليه السلام مدرسة فالنثور لاجلة ولكن ليس بمضيعة الوقت وايذاء الناس وتشويه صورة الاسلام لنثور لاجله بان نقتدي بسنته ونطهر نوايانا ونصلح حال بيوتنا التي عم فيها الفساد من كل النواحي الاتصالات...........والتلفاز..............وطبيعة الاكل. والتعامل..............وصلة القربي اي اغلب الاسر لا يعرفنو ابنائهم اقربائم ولا حتى هامهم يعرفو اقاربهم صاروا القروبات على النت اصلحوا شانئكم يا اهلنا وابنائنا كمااااااااااان بدنا مشد يربط ايدينا ما نضرب بعض ولا نأذي بعض ونقعد اخوان شاطرين متل زمان وما يهوننا بعض اذا طلعنا باحتاج بنركض على ابن بلدنا رجل الامن وبنروح خابطينو باي شي وكأنو عدو نفسي اعرف مين الي زرع حالحقد في ولادنا وخلاهم هيك والامر والادهى صارت الهوشات والفزعات موضة ابن العم مستعد يقطع ابن عمو مشان لعبة فطبول ولا بسطة ولا كلمة بصراحه صرنا ناس فينا جاهليه بتخر نخر بدنا مشد كمان بدنا مشد لوحدتنا الوطنية في الوطن السليب تمزقنا واصبحنا شعب ...........وفينا اوقدو الهب .............وانشغلنا عمن لارضنا اغتصب وصار همنا الانتخابات ومن يتولى وانا مع من ؟؟وانت مع من؟؟ وقرشني تقرشلك واااااااااااااااااااااااه يا مشد وينك تعصرنا عصر متل حزمة الحطب والعصى الى بتطلع تنكسر بدنا مشد للنت وعالموا والفسابكه واحوالهم وخصوصا لاصحاب الاهواء بدنا مشد ديني .................فكري................ نفسي...................... وطني .............عائلي اجتماعي...............مادي............. بدنا مشد يا جماعة وخلص بدنا مشد مشد موجود في كل واحد فينا انا فتشت عنو وجدتوا بس مشدي ما فيه فايدة اذا ما كثرت المشدات هاتو مشداتكم والحقوني لنعيش بسعادة حال امتنا ببكي الحجر والجهل والبعوض لا قصدي البغض فينا انتشر اي والله ما عملوها النور الظاهر انا لازمني مشد لاسكت لحسن تيجيني حجر تحياتي تنسوش المشد محطوط في مكان امين وفي بيت وقلب كل واحد فيكم ماركة اصلية غير قابلة لتقليد او حتى الكسر القرآن الكريم وسنة نبينا اختكم وفاء |
شو هالجمال والفكر اللى بيملى الراس
بجد خشيت فى عمق العمق مهو ياستى وتاج راسى اذا احنا خشينا عمق العمق وتعمقنا فى العمق راح نشوف العمق الاصلى للعمق المنسى فينا بجد لازم نربط مشد لفكرنا اللى بيسرح وين مابدهم وزى مابدهم وقت مابدهم بجد صرنا لعبة شطرنج واحنا فيها الجنود اللى بنموت ليعيش الملك ياوفاء يابنت بلدى واللى بتحب بلدها اكثر من روحها وبتحب بحر غزة وبتقول "اشوفو وبعدها اموت" بجد ياوفاء احنا ناس فوضى عايشيين ع سطح الارض عشان نوكل بعضنا زى الدود جوامعنا مليانة بالمصلين ومحطاتنا الاسلامية كثيرة ومسابحنا بكل الالوان بس من صناعة الصين كمان مابدى اسرح كثير لانى عارف حالى انى راح اخش ف الممنوع |
وين شطحتى
خليها حبه هون وحبه هوون ولا أقولك صرخي بالعالي متزعليش منووره |
كتبتى فاحسنتى
فسرحتى وابدعتى كلام بعبى الراس دمتى يااختى |
روعة اختي وفاء
فكرك بنلاقي مشد على المقاس اللي بدك اياه وبتطالبي فيه؟؟؟؟؟ مشكورة يا الغلا |
لا اعرف كم سيتحمل هذا المشد المطلوب
اسلوب راقي سلمت لنا ام عامر |
اقولك الصراحة مش كل كلمة كتبت انا فهمتها :) بس قدرت استنتج الباقي من الصياغ العام حلوة فكرة المشد وجميل ان يكون القرآن الكريم لكن هل كل واحد عالم به الكل يسخط وفي هرج ومرج نظام قمعي خلق اجيال من الجهل والهرج وعدم التنظيمات دا غير تنظيمات الغجر اللى اصلهم في الاساس مش غجر بل كانوا مجرد بشر لكن غصبا اصبحوا هكذا دا غير اللى هجر دينه وخاف يعلمه لاطفاله ليقلوا عنه متشدد ديني سلفي ولا اخوان وفي المعتقلات يتبهدل ويتهان فربى بطريق بعيد عن الكل المطلوب في تربية جيل جديد يعرف المشد سيأخذ على الاقل عشرة سنوات ابدعتي في فكرتك دمت بوافر الود |
كل الاحترام والتقدير والشكر لمروركم العطر
اخواني واخواتي معلش في مشد على الوقت عندي على الجهاز لهيك رح ارجع ارد عليكم نفر نفر يا احلى ناس احترامي |
اختي وفاء
كم مشد ومشد سنحتاج ليشدّ على ما ذكرتِ ؟ ما اروع افكارك وما اجمل هذا القلم النابض بالوجع تحياتي لك اخوكم صائد |
مميزة سيدتي اكثر من رائعة |
| الساعة الآن 12:00 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |