|
قصـــائد الشاعر بدر المليحي
http://badrpage.jeeran.com/BR.jpg
الله كريـــم الله كريم .. الله كريم يهون الجرح الأليم لاصار مطاع الزمن خلك على الدنيا حليم الله كريم .. الله كريم هونها بالصبر وتهون ماهو غريبة من يخون صار الوفاء في هالزمان محد اذا قاله يصون ياما في هالدنيا قلوب تخدع ولايمكن تتوب إن جيتهم انت الحبيب وإن رحت حطوبك عيوب مادامت الدنيا تدور خلك على الشدة صبور اصبر وقول الله كريم يبدل الحزن بسرور |
فمـــان الله فمان الله يامسافر عسى الله يسمح دروبك وترجع بالسلامة اذا بتطول الغيبة امانه لاتقاطعنا ولو ابعث سلامه معاك ايام عشناها لها بقلوبنا ذكرى ولها شوق وهياما اذا انت تنام في الغربه ومتهني في منامك انا ليلي مانامه انا بيني وبين نفسي اطلب من الله وادعي يردك بالسلامة |
كذبـــه وصدقها احبك قلت ماقصدها واشوف الوقت حققها انا اصبحت مثل اللي كذب كذبة وصدقها كذب وماكذب قلبي لقيتك صادق بحبي ودربك صار هو دربي كذب كذبه وصدقها محد يعلم عن المكتوب محد يتخير المحبوب وصرت انت على المطلوب كذب كذبة وصدقها اذا حبيت انا مانلام خذاني فالغرام الهام غريبة صدفت الايام كذب كذبة وصدقها http://www.jeeran.com/im/close.gifhttp://www.jeeran.com/im/close.gif |
حجة الغايب معه غايب وقلبي يتبعه وان قلت ابنساه اخدعه ناره تواقد بي واقول حجة الغايب معه والنار في بعده تزود ولاتعودت الصدود مدري يعود او مايعود وحجة الغايب معه ولو هو العواذل يعذلون ادري حبيبي مايخون مهما قسى قلبه حنون وحجة الغايب معه مهما تبعدنا الظروف مابي سوى زين الوصوف لغيره مااسمع واشوف وحجة الغايب معه http://www.jeeran.com/im/close.gifhttp://www.jeeran.com/im/close.gif |
خلك معـــي خلك معي دايم وانا اكون مبسوط لاتغيب عني يوم ويضيق صدري قلبي وهب لك صادق الحب مصفوط والا على غيرك من الناس بدري مدري وش اللي بالهوى شاطني شوط والا ترى قلبي من الحب حذري طبعي هواوي لكن اليوم مضبوط صار الوفا في دمي اليوم يسري حبك غزاني دون تحذير وشروط واثر على طابع سلوكي وفكري صوتك وهمسك والحلى فيك مفروط ولا صرت انا مجنون حبك بعذري |
طحت من عيني طحت من عيني بعد ماكنت عالي حبك ارخصته بعد ماكان غالي كل شي برضاه منك الا الخيانه بعدها يحرم على حبك وصالي كم سهرت ايام في حبك مولع مادريت انك بتمثيلك خيالي اشتكي لك منك واشكيك العداله كل منهم قال قلبك ماصفى لي كنت مالي كل قلبي وكل عيني وكنت احسب اني وسط قلبك لحالي واثري قلبك كل يوم له حبايب واثري قلبك من احساس الحب خالي ياخسارة وقت في حبك قضيته ضاعت احداثه هدر طول الليالي روح انا ماني متحسف بعادك بس اعزي من بيرضى بك بدالي |
ودي ابكي لين مايبقى دموع ودي اشكي لين مايبقى كلام من جروح صارت بقلبي تلوع ومن هموم احرمت عيني المنام انطفت في دينتي كل الشموع والهنا مايوم في دنياي دام غربتي طالت متى وقت الرجوع كل عام اهني احلامي بعام ان شكيت الحال محدن لي سموع وان سكت الناس زادوني ملام طال صبري الزمان عيا يطوع والرجا باللي عيونه ماتنام |
مقصر في سؤالك مقصر في سؤالك وانت غالي ولو مانيب احبك ما ابالي عسى ماشر في غيابك علينا زعل والا مع النسيان سالي توقعتك على بعدي تشوق مثل مااشتاق لك قلبي وبالي ظروف الوقت مهما شاغلتنا ترى المفروض ماننسى الوصالي ترى بعض التغلي فيه قسوة على قلبٍ بحبه لك مثالي مقصر ياحبيبي يوم شفتك نسيت من الفرح هم الليالي ترى قلوب الحبايب ماتغير ولو فيها الزعل اثر وطالي وانا مايوم قصرت بسؤالك ولكنك مقصر في سؤالي http://www.jeeran.com/im/close.gifhttp://www.jeeran.com/im/close.gif |
يــاخوي ياخوي وينك صرت ماعاد تنشاف زعلان والا كل هذي قطاعة في غيبتك قلنا عسى مابه خلاف حتى بصوتك باخلن في سماعه وين العداله في المحبة والانصاف يومك تغيب ايام وتطل ساعة والعشرة اللي مالهاساس واهداف تضيع في لحظة زعل او اشاعه انا اعرفك طيب القلب شفاف مفروض من راعاك بالوصل راعه جربنا نسأل عنك كاهن وعراف ونشوف من غير علينا طباعه |
الله يحيك يالغالي الله يحييك يالغالي قرة عيوني على شوفك في غيبتك ماهتنى بالي بس انتظر تسمح اظروفك ارتاح لاشفتك اقبالي يامالي عيني بوصوفك الهم لا جيت ينزالي وان رحت ماغابت اطيوفك ياقاهر قلوب عذالي بالقلب ياكبر معروفك مايروعك الوقت في غالي الله يطمنك في خوفك |
وحشتيني وحشتيني وجيت اسأل واظن اني على بالك عسى ماشر ماتسأل وش اللي غير احوالك رغم بعدك وتقصيرك ورغم انك معي قاطع تزعلني واجي لرضاك واحبك وارضى بالواقع ترى مهما جرى مني ومهما كنت انا الغلطان سؤالك عني مايمنع ولو قلبك علي زعلان احبك يااجمل الاحساس وحشني حبك المجنون متى ترضى علي وتحن ياانت يااحلى مافي الكون http://www.jeeran.com/im/close.gifhttp://www.jeeran.com/im/close.gif |
عــاش من شافك عاش من شافك حبيبي وين كل هالغيبة عنا كانها ظروفك رضينا كانها غيره زعلنا حلم والا علم شوفك والا انا اكذب عيوني من كثر مانا انتظرتك شوقي وصلني جنوني ياهلا والله بحبيبي اللي ماتحمل بعاده كل هالغيبة تغلي والا انا شوقي بزياده والله لك بالقلب وحشه ياحبيبي وانت غايب وافرحت عيني وقرت فيك يااغلى الحبايب |
علـى ذكراك على ذكراك انا باقي ولا غير هواك احساس حاولت انساك بفراقي لقيت اني نسيت الناس ومـــاقدرت انســـاك انا جربت نفسي يوم اعيش العمر من دونك لقيت القلب مايسلا بعد مــاصار مجنونك أليمه فـرقة الاحباب اذا صار الوفـا فيهم انا قلبي مع احبابي ولايـرضى يخليهم |
المحبــة المحبة نارها نار ودواها دوى وانت في قربك سعادة وفي بعدك عذاب ودي انك معاي اتعيش وان متنا سوى ماتغيرنا الليالي ولاطول الغياب ياحبيبي مقدر انساك لو قلبي نوى ياما فينا الناس قالوا وياما الظن خاب كم عذولٍ في هوانا تحدى وانكوى رافعين الراس في الحب مانحسب حساب يشهد الله الوفا فيك هو سر الهوى والا يامكثر قلوب نحبتها سراب دايم المشتاق لو كان يشرب مارتوى اسأل اللي جرب الحب يعطيك الجواب |
ريحــة هلـي ياهلا باغلى الحبايب ياهلا بريحة هلي كان بدرك عني غايب وبان في طلتك لي لاتغلى وانت ذايب تدعي قلبك خلي ظني بك ماكان خايب انت تتغلى علي ياما في الحب العجايب فيه ياما مبتلي منك راسي صار شايب وفيك همي ينجلي خاطرك بيكون طايب دام انا لك وانت لي الله يكفينا المصايب ونجمنا دايم علي |
علــى اللــــه على الله تسمح ظروفك واشوفك بعــد هــالغيبة واطمـن قلبي بشوفــك وشوقي فيك اغني بـه الا يــا نصفي الثــاني سعادة قلبي واحزاني ومهمــا غيرك اغرانـي معاك يبـــان بــه عيبه ترى بعدك عن عيوني تـزود شكي وظنوني ولا اسمع لو يلوموني وهذا طبعي تدري به انــا ابيــك توعــدني حبيبي مــا تفارقني وعلى وصلك تعودني ولا عــاد تطول الغيبة |
انتــي حلـــــوة انتي حلوة انتي حلوة ودي احلى منها كلمة انتي في عيني بصراحة والله آية في الجمال انتي في عيني جميلة وانتي في قلبي اصيلة وانتي قصة الف ليلة من حكايات الخيال يابعد عيني وروحي يامعاناتي وجروحي اتبعك لو قلت روحي واشتري بعمري وصال |
الف شكر على الطرح والأشعار الأكثر من رائعة تحيتي واحترااااامي لك يا العنقاء |
| الساعة الآن 11:02 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |