|
تعالو شجعو رباعيات زين المغنواتى
رباعيات زين المغنواتى ======================== == 1 ===== بداية الموال نصلى على النبى خير الخلق هادينا يهدى للعدل وكتاب الله يهدينا نفسى ازورك يا نبى امتع القلب والعين قبل ما تنطفى شمعتى والدنيا تلهينا عجبى =======2======== يارب ارجو منك مغفرة تحمينا بحق خير الورى خير النبيينا المال والجاه للسعادة خلقت اليوم اصبحت شرا يواتينا وعجبى ====3== غزلت من الاحزان شموع رويت السحاب بوجع الدموع فعند الفراق تجرح القلوب فالحب الام بين الضلوع وعجبى ========== 4 =========== يا رب اتيتك خاشعا طالبا رضاكا ذليلا ما لى الا سواكا ذنوبى اثقلت كاهلى استحى منها فى لقاكا عجبى ======== 5 ======= الدنيا دى مدرسه فيها العبر اشكال حاكم كان يأمر اليوم ينضرب بالنعال ظلم معشش فى الوطن والحق لنا بان رب العباد حرمه والظلم شىء بطال عجبى ==== 6 === ضحكوا عليه وعلمونى نسوا فى يوم يشغلونى شعر راسى شاب يا رب ما ينسوا يلحدونى عجبى ========= 7 ======== يا جدع العقل ذينه الروح جمال الجسد دايما يروح حلاوة اللسان تداوى قلوب اختار صبيه فى النسب شموخ عجبى ======8===== كتبت احبك بكل الحروف فصار قلبك الي عطوف شغوف لهوف يداوى جروح وعشق العذارى ديما عفوف وعجبى ======9==== النساء انواع واحده بلسم ع الجرح يطيب واحده شلقم تحتاج ع النار تطيب واحده علقم كل ما تغسل المراره تزيد واحده سكر فى ثوانى تدوب وعجبى =============== ======10 ======== قلوب من الطيبه تسامح قلوب فى العتاب تصالح قلوب للحب تلاغى قلوب للغيره تناطح عجبى |
سلمت يداكـــــ على هذا الطرح الرائع اسعدني المرور بصفحتك تحياتي http://smiles.al-wed.com/smiles/60/Is_058.gif |
كتبت احبك بكل الحروف فصار قلبك الي عطوف شغوف لهوف يداوى جروح وعشق العذارى ديما عفوف وعجبى روعة زين العابدين سلمت عزيزي تحيات لك |
اللهم صلي على أشرف الخلق سيدنا محمد بداية
وشكرا لك زين على الطرح الرائع |
يسلمووووووووو يا غالى وجزاك الله كل خير كل سنه ونتا طيب |
الدنيا دى مدرسه كل يوم فى حال ناس كانت دول تجرى فى ارضها بغال شافوا يومين فى العسل دوبوا قلوب الناس هبت عليهم رياح شافوا النعيم اهوال عجبى ==12 = سألت حكيم الهوى ليه جرح الهوى يكوى قال الصبر احلى دوا كل داء له دوا يشفى عجبى =======13======== الجدع اللى يمسك نفسه عند الغضب يداوى الجروح مش بالنار والحطب يطالب بالحقوق وحق اللى انظلم ويبعد عن الفوضه واعمال الشغب وعجبى ====14==== وحشتنى نسمه عليله فى العصريه الصفصافه فرده شعورها ع الميه والقمح والقطن يعشق اراضينا محلاها عيون البنت المصريه وعجبى ======15===== توت توت توت سقطت دولة الظلم والجبروت ولا حد خايف يقول للحاكم زعبوط بس ياريت نغزل حرير من دود التوت وعجبى |
ولك منا كل الترحيب والتشجيع على هذه الرباعيات الرائعه يا زين العابدين
سيتم التثبيت بإذن الله والتقييم ايضا رمضان مبارك وصدقا من أروع ما قرأت |
ارب جمال راجل جدع قلبه معجون مسك وزعفران
وكلامه دايما فيه حكم مستمده من القران يداوى القلوب ويطبطب ع الجدعان فيه ناس كده الطيبه عندهم فدان وعجبى |
ياربى جئتك اشكى ضيق الاحوال لما لا وانت الكريم لا محال جئتك بذنوب شاخت اعناقها انت الرحيم بدون جدال عجبى ==17 === خلى بالك يا جدع لا تبص فى العالى خطوه خطوه تطلع للعالى والقناعه يا جدع بر الامان يا خوفى لما توصل تقع من العالى وعجبى =======18====== الراجل الجدع اللى يوزن الامور الشوره شورته وعلى البلاء صبور يحكم بالعدل ويداوى جروح وديما فى الحق راجل حسور وعجبى عجبى ====19===== يا عالم ببواطن الامور يا رازق الدوده فى قلب الصخور وعالم الغيب وسر الخلود نسبح بحمدك فى العشى والبكور =====20== يا راجل لا تكون عساس عاوز تعرف اسرار الناس تكشف العورات واللى جوه الدار بكره تنداس وتنضرب بالمداس عجبى |
سلمت يديك أخى ..
تثبت الى أن تنتهى .. كل عام وأنت بخيــر |
رنة الخلخال تحكى عن صبيه قالوا ف الموال العشاق ميه لا تعشق المال ولا قصر عالى القلب عشق جدع مليان حنيه عجبى ===22====== اضحك يا عم بلاش هموم هو الضحك عليه رسوم هم يضحك مش لاقى دموع وش يضحك شايل هموم وعجبى ==23 == انا بعض من بعضك انتى منى كلك الود دايما يجمعنا العناد يفرقنى عنك عجبى ==24 === صحبى عايش بالطول والعرض شغال سمسار للاراضى راكب عربيه وفلوس ف البنك لا يعرف سنة ولا فرض عجبى ===25 === ناس جاهله تحلف باليمين الشمس وقفه على قرنين القمر يخاصم النهار وعشان كده حالنا حالين وعجبى =26 === الاولى اختى وابويه السبب التانيه بنتى وانا السبب والتالته جارتى والسبب الدار الرابعه زوجتى منه لله اللى كان السبب وعجبى |
الاولى اختى وابويه السبب التانيه بنتى وانا السبب والتالته جارتى والسبب الدار الرابعه زوجتى منه لله اللى كان السبب أعجبتنى جدا عزيزى .. استمـــر .. أخيك .. |
اقتباس:
اقتباس:
يا زين العابدين ارب جمال ست مثل كل الستات تطبخ وتغسل وتقمع البامية وتكتب بالمنتديات خسارة انك ما انتبهتش قبل ما تكتب عنها كلامك يا سيد الرباعيات في ناس كده ترد وتحرجني لما ما تعرفش اني تصنيفي من الاناث واعجبي |
صحبى عايش بالطول والعرض شغال سمسار للاراضى راكب عربيه وفلوس ف البنك لا يعرف سنة ولا فرض عجبى رووووووووووعه يا زين اكمل .. متابعه رباعياتك تسلم لنا |
== 1 ===== بداية الموال نصلى على النبى خير الخلق هادينا يهدى للعدل وكتاب الله يهدينا نفسى ازورك يا نبى امتع القلب والعين قبل ما تنطفى شمعتى والدنيا تلهينا ***************************** ما أجمل رباعياتك يا زين **************** غاب عني ايام وليالي كتيرة قلت دا رحل ولا راح عالمينا لقيته سايبلي جواب يقولي اطمني أنا بخير يازينة وعجبي شكرا لك زين منور والله اخبار اسكندرية ايه |
ارب جمال اية من السماء اميرة متوجة على كل النساء فى النسب شموخ وفى الامل طموح بس احلى حاجه فيك الحياء وعجبى |
حنان عرفه اية فى الجمال فى الوجد فى وله التلال فى التراحم قلبها رقيق الحال فى الصبر عزيمة الجبال وعجبى |
==========12=========== \ علمونى اختشى وابص فى الارض احترم الشيخ واحافظ ع العرض الصمت احيانا سلام ولا امد ايديه ف يوم للقرض وعجبى |
كل ما اتوب ارجع تانى الشيطان قاعد يشغل بالى يلهينى ويسهلى الامور لما اقع يضحك ويقول انا مالى وعجبى |
24============== غريب كرسى الحكام اللى يركبه نضربوله تعظيم سلام اللى ينزل منه نضربوه بالنعال يبقى العباره فى الكرسى واللا النظام وعجبى |
=========== 25 ============= صعبان عليه اخويه خايف من الدنيا تضيع منه قاعد يحضن ويعشق فيها لا هو با قيلها ولا هى باقياله عجبى |
============= صعبان عليه اخويه خايف من الدنيا تضيع منه قاعد يحضن ويعشق فيها لا هو با قيلها ولا هى باقياله عجبى ===== 26 ======= كل شىء بقدر سحابه مسكه مطر عيون تعشق صخب قلوب قاسيه حجر وغجبى ======== 27 ========= احاول ادقق واكون مظبوط لكن احيانا العقل عبيط وعارف العيب والمعيوب ويخبى العسل جوه الغبيط وعجبى |
السياسه زاى الصبيه شوية كحل وفرشة بويه الكل يجرى عنده شهيه لما يدوق يقول اه يا عنيه عجبى |
==30 ========= فيه جروح ملهاش دوا لما الوجع فى النفس يبان الصبر احلى دوا لما القلوب يعمرها الايمان عجبى |
الدنيا دى مدرسه فيها الحب الوان حب الوطن والشرف وحب الواحد الديان حب الصبيه للجدع وحب الام للولد حب لا طعم ولا لون ده مصيره النسيان عجبى |
رباعيات جميلة جدا يازين
متابعة لك |
============ 43 ======= السجون مليانه فى الاوطان سجون مركه وسجون اوباش سجن الغربه ملهوش احراش نعانى منه ولو جوه الاوطان وعجبى |
فرحة النجاح ملهاش حدود تفتح العين تحمر الخدود الحزن يسود ع الوشوش يقفل العين و يجرح الخدود عجبى |
يا راجل لا تكون عساس عاوز تعرف اسرار الناس تكشف العورات واللى جوه الدار بكره تنداس وتنضرب بالمداس عجبى سلمت يا زين ما اجمل ما رباعياتك واصل ايها المبدع لك باقات من التحيايا لروحك الجميلة |
============45 ======= الهروب مش فى الحروب ولا امام حاكم غاصب ولا حق منك اخدوه لكن فى الحزن والهم مطلوب وعجبى |
علمونى اختشى وابص فى الارض
احترم الشيخ واحافظ ع العرض الصمت احيانا سلام ولا امد ايديه ف يوم للقرض وعجبى ان كان لسرعة البديهة عنوان فأنت عنوانها لك باقة من الورد وكل التقدير على ما تمتعنا به |
خلى بالك يا جدع لا تبص فى العالى خطوه خطوه تطلع للعالى والقناعه يا جدع بر الامان يا خوفى لما توصل تقع من العالى وعجبى الشاعر زين هذه الرباعيات ليست بخواطر بل هي شعر مغنى بتمنى تنتقل لقسم الشعر لا تحرمنا هذه الرباعيات يا سليل عمر الخيّام تحياتي لك |
46=================== اول ما اقوم اغسل عنيه عجبىالوشوش حواليه هى هيه ناس مكلوبه وناس مكفيه ناس تصلى وناس حراميه |
===== كل مرض له عند الطبيب دوا عجبلىمرض القلوب ملهوش عنده دوا الايمان للقلوب يطهر البدن واللى يبعد عنه الهم له دوا |
================== 49 =========== مفيش فرق بين ضحكه كدابه ولا كدبه ممسوخه الشطاره اليامه زى الخيابه والخيابه بنت الندامه وعجبى ========== 50 ======= |
وعجبى ========== 50 ======= القمر مخنوق مكسوف الضلمه تعشق كهوف والطهاره قلب النور النهار دايما عطوف عجبى =51 ============= رب الكون يساوى بين الناس خلق الوان واشكال واجناس والرزق محفوظ للعباد لكن الطمع معشش جوه الراس وعجبى |
==============52 ============= عصفور طار وحضن عشه جناحه مكسور ويدارى حزنه خايف من الريح تهد عشه يبقى ليه عواد باع ارضه عجبى ============ حكم عليه الزمان اعيش العمر متحير بين شوق اتمناه يبعنى ليه ويضرر اشترى منه رضاه ويعمل نفسه متمنع لحد امتى استناه هو العمر بيتكرر وعجبى |
وعجبى ============= الناس مشغوله والعقول مهمومه بين لقمه حاف وبين همسه مكتومه وناس الحزن والبكا عليهم مكتوب لما تجيهم الفرحه تبقى الفرحه مرصوده وعجبى ================== |
================== الغربه حنضل طعمها مرار الغريب ليس غريب الدار ولو عايش بين الاهل والخلان لكن المحبه هى للبصيره انوار وعجبى |
============= الهجر قاسى على القلوب يظلم مشاعر الحبيب والمحبوب يقطع حبال الوصال لا يبقى من الذكرى غير ندوب ========= الصاحب الندل يبغضك ولو اكلته بقلاوه فى الوش يجارى ضحكتك القلب مليان عداوه عجبى |
| الساعة الآن 11:31 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |