|
المباراة النهائية للثورة المصرية
أتمنى على الأخت أرب جمال إنشاء قسم خاص للأدب الساخر سيداتي سادتي آنساتي أهلا بكم مع الوصف التفصيلي لمباراة القمة والإثارة مباراة المقاعد والكراسي أعزائي المشاهدين أنتم على موعد مع المباراة المصيرية والحماسية مباراة الثورة المصرية وصحح يا فوزي ! صحصحي يا حورية !! نزل الفريقان أرض الملعب ... هنقول لحضراتكم تشكيل الفريقين يمثل الفريق الأول : محتكر الملعب .. رجال الأعمال في خط الوسط المهاجم وبيعلب النهاردة في خط الوسط المدافع وزارة أبو بلوفر الحزب الوطني تحت راسين الحربة رأس الحربة الجيش .. والبرلمان النهاردة بيلعب في خط الدفاع الفريق التاني : قوى خارجية ... أحزاب كرتونية ..إخوان ... معارضة والشعب الحكم بيضبط ساعته ويبص للمساعدين قبل إطلاق صفارة الشوط الأول صفر الحكم الكورة الآن مع محتكر الملعب حسني مبارك ماشي بيرقص واحد واتين وبيمرر الكورة للبرلمان ... يااااااااااااااه البرلمان سرحان وبيقزقز لب ومش شاف الكورة ... حسني بيزعق له جامد وأنا شايف مبارك زهق م اللعب واتنرفز وبيهمس للجيش بحاجة ! الجيش خايف ياخد الكورة رجعها تاني لمبارك ومن مبارك لجمال بيوقف الكورة على صدره وينزلها تحت رجله وفرحان وبيرقص بيمرر الكورة لرجال الأعمال المفترسين يا خبر أبيض !! حياكلوا الكورة .. الكورة حتتاكل يا الله يا سلام ياسلاااااام أعلق وأصفق الفريق التاني مش عارف يقطع الكورة وبيغني ظلموه !! لسه الكورة مع رجال الأعمال وشكلهم هياكلوا اللعيبة والشبكة كمان يا ساااااااااااااااااتر استر بيمرروا الكورة لجمال اللي طلع أهبل ومش عارف يلعب ويسدد الكورة قوية على أبوه مرة في عينه ومرة في راسه ومرة في صدره والجمهور بيهتف : وقفوه وقفوه الواد طلع أهبل لابوه !! ما علينا عشان مخابز أمن الدولة نكمل الماتش أنا شايف مبارك رجله انكسرت .. وجت الأسعاف أخدته وهو طالع بيقول لجمال ارتحت يا ابن الــ......... الشعب خطف الكورة وسدد بقوة على المرمى مش ممكن مش ممكن مش ممكن جووووووووووووووول وجووووووووووول وجوووووووووول هدف من الرائع!! الشعب احتكر الملعب !! الله الله يا سلام يا لعيب !! ويصفر الحكم بانتهاء الشوط الأول بتقدم فريق الشعب بهدف مقابل لاشيء استراحة قصيرة ونعود إليكم مع شوط الإثارة والمتعة هتااااف كبير لفريق الشعب .. وأنا شايف الجيش ترك الفريق الخسران وانضم للشعب في مفاجأة من العيار الثقيل الجمهور بيهتف الآن : ( الجيش والشعب إيد واحدة ) أنا شايف كمان بعض التبديلات نزل البلطجية بدل من الحزب الوطني وحركات سياسية بدل من البرلمان والمنتفعين بدل من الأحزاب الكرتونية ودخل السلفيين مع فريق الشعب صفر الحكم الجيش بينشر في الملعب .. الكورة مع الجيش أخدها وماشي ماشي.. مش عارف يلعب كل شوية يقع فكرني بمحمود البغل أيام زماااااااااان ،عارفين حكاية محمود البغل إيه ؟ بعدين أقولهاكم الجيش بيمرر الكورة للوزارة الجديدة الوزارة مش عارفة بتلعب مع أي فريق وضربت لخمة راس الوزارة ضربت الكل وأخدت الكورة وهاتك يا تكسير في الملعب كله ومسكت الكورة ومش عايزة تمررها الحركات السياسية عملوا مظاهرة في أرض الملعب وأخدوا الكورة بيلعبوا بيها لوحدهم وخطف الكورة المنتفعين في غفلة من الجميع وبيحاولو تسديدها الشعب معاه الكورة ماشي ماشي... مش عارف يسدد ع المرمى الجيش اتنشط من جديد وعاوز ياخد الكورة من تاني الشعب ينقض على الكورة وبيمررها تمريرة قوية للإخوان انتشروا في الملعب منظمين وبيلعبوا حسب خطة المدرب اااااااااااه نتيجة المباراة تكاد تكون اتحسمت الإخوان ماشي ماشي... قرب من منطقة الـ 18 بيسدد كورة صاروخية قذيفة لا تصد ولا ترد جوووووووووووووووووووول وجووووووووول وجووووووووول شوف شُف شُف شُف ... يا سلااااااام والكرسي الليلة ..ليلة عيدو مبروك للإخوان فوز مستحق ويصفر الحكم بانتهاء المباراة |
وانتهت المباراة التي استمتعت بتفاصيلها اوي اوي اوي
تسلم الايادي وبانتظار قلمك الساخر بكل شوق |
لي عودة
ويا ريت اقتراحك في قسم المخصص له لان ارب تقريبا مش بتدخل كل الموضوعات الوقت والشغل وانت عارف |
أدب ساخر زي الشعر الحلمنتيشي ننتظر المزيد مشكووور |
اقتباس:
أهلا ومرحبا بالأخت الكريمة روح سعيد جدا أن أعجبك الموضوع وشكرا لك |
اقتباس:
الأخ الغالي أبو الفداء الأدب الساخر نوعا من فنون الأدب وله رواده وليس من الشعر الحمنتيشي شكرا لك مرورك الرائع تحياتي لك |
اقتباس:
أنتظر عودتك لم اقترح فقط تمنيت شكرا لك شيمو |
الأخ الغالي السهم المصري الأدب الساخر يجذب العديد من القراء ةاعتقد ان الرسالة الضمنية تصل اسرع كنت موفقا جدا في هذه المباراة التي تابعتها معك بدقة تحياتي واحترامي لك ولقلمك الرائع |
اقتباس:
أخي الكريم أبو جمال تحية تليق بك نعم الأدب الساخر يعالج قضايانا بشكل لاذع ومضحك وله دور كبير جدا في جذب القارئ وتقريب الصورة بشكل يقبل عليه القارئ وبطريقة غير مباشرة فهو يترك للقارئ تحليل الموضوع والحكم عليه شكرا لك هذا المرو المعطر تحيتي وودي |
هم يضحك وهم يبكى اخى العزيز
تسلم ايدك ... بالتوفيق دومــا وننتظر المزيد اتمنى يكون فى اشواط اضافيه .. لكن ما استطاعوا التعادل قبل الصافرة الاخيره كالعاده الكره تميل حسب أشد الجهات انحدارا .. سلمت يا غالى .. محمد ماهر . |
اقتباس:
الأخ الحبيب محمد ماهر نعم صدقت وربنا يستر تحياتي لك |
اقتباس:
|
يجنن اسلوبك استمتعت بقراءة المباراة الاكثر من رائعة تسلم الايادي يا السهم المصري وبانتظار جديدك |
السهم المصري ابداع بلا حدود بالوصف قلم معبّر ومميز اهنيك واتمنى لك المزيد من هذا العطاء تحياتي |
اقتباس:
أهلا بك دائما وأبدا يا غالي تحيات لك عزيزي وباقات الورد لروحك |
اقتباس:
الأخت الكريمة الشهباء شكرا لك ممتن لك كثيرا وسعيد أن أعجبك الموضوع تقبلي تحياتي وورودي |
اقتباس:
الأخت العزيزة وردة المساء بارك الله بك ولك وشكرا لكلماتك الرائعة في حقي أرق التحايا والورود لروحك الطيبة |
الاخ العزيز السهم المصري سردت تفاصيل الثورة بطريقة مشوقة جدا وبرسمة كاريكاتورية بالكلمات اتفق مع من قالوا ان النقد الساخر اقرب الى عقل القارئ تصلح ان تكون معلقا رياضيا او اخباريا فلديك عين ثاقبة على الحدث وسريع البديهة ما شاء الله تقديري لك وبانتظار المزيد .. :sFun_yoohoo[1]:سأفكر في الأمر :3rbloadiz_12: أرب |
وهل تعتقد ان المباره انتهت
لالالا لم يحسب بعض النقاط فقرر الحكم اشواط اضافية وتنتظر الاخوان على احر من جمر الشوط الاضافي وتنظر من سيلعب امامهم هل الجيش ولا الشعب ولا الاحزان الكرتونية ما اصلهم كلهم احزان حرقوا قلوب الناس من كتر الحزن على خسارتهم للعيبة مشكوووووووور على الابداع الفكري |
اقتباس:
أهلا بأديبتنا الكبيرة أرب جمال وأهلا بحرفك هنا اووووووووووك فكري براحتك هسيبك تفكري خمس دقايق بحالهم ماشي ؟؟؟؟ ههههههههههههههها ()*^:sFun_idea[1]: |
اقتباس:
نعم صدقتي يا شيمو المباراة ما زالت بالملعب شكرا لك فهمك العميق للأحداث وشكرا لك هذا التواجد المميز دائما تقبلي تحيتي وباقات الورد لروحك الطيبة أخيك،،، |
| الساعة الآن 09:04 AM. |
Powered by vBulletin® Copyright ©2000 - 2025, Jelsoft Enterprises Ltd. منتديات المُنى والأرب
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |